حل لاى مشكلة خاصة بالسيتروين والبيجو والرينو واجابه لاى استفسارات مجانا

[Mohammed Saeid]

السلام عليكم
عندي مشكله مع دورة تبريد عربيتي
أولاً العربيه بيجو 205 1.1 المكنه النايمه موديل 84
يوم واحد في الشهر ده اللي هو واحد مايو كنت ماشي ببطئ على الدائري لأن كان فيه حادثه قدامنا و كل الدائري كان ماشي ببطئ شديد وانا بتحرك لاقيت كل لمباات البيان بتاعت التابلوه نورت و العربيه عايزه تبطل و مقعدتش خمس ثواني و بطلتها بنفسي و جيت أدورها تاني واحد ابن حلال كان جاي من ورايا ماشي بهدوء قال لي يا استاذ الميه بتاعت الريداتير كلها على الأرض نزلت من العربيه و زقيتها لجنب الطريق و بعدها قطرتها على ورشة شغاله في الرادياتير في الحي العاشر و اللي حصل بالظبط كالآتي

1- في نفس اليوم ده العربيه اتغيرلها خرطوم الواصل بين الرادياتير و القربه و اتحطلها مياه خضراء و الخرم اللي كان في الرادياتير اتلحم و الفني اللي في المركز قال لي اكشف على طرمبة المياه ضروري في اقرب وقت علشان مبتقلبش

2- كشفت على طربمة المياه عند أبو النيل الخراط في الضاهر و شافها و قال لي سليمه مش محتاجه اي شغل

3- الوضع الحالي عجيب جداً المياه بتنقص بشكل مبالغ فيه من قربة المياه يعني مثلاً اسخن العربيه ربع ساعه وانا مراقب القربه اللي كان مليان منها النصف بشرط إن على مدار الربع ساعه تشغير المياه منقصتش منها إلا لما بطلت العربيه و استنيت تلات اربع دقائق القربه نشفت خالص اصبح مفيهاش ولا نقطة مياه

الرادياتير عندي فيه غطائين الغطاء العادي بتاع تزويد المياه و غطاء تاني بلاستيك بيتربط بقلاووظ وواصل به اسلاك كهرباء معرفش لازمته ايه

انصحني شكراً انا كل ما اتحرك بالعربيه متقعدش ماشيه عشر دقائق على بعضهم و تبتدي ترزع و تقطع و تطلع اصوات عجيبه و انزل ازودها مياه علشان اعرف أكمل بيها مشي

[kaiser_130]

درجة الحرارة ديما مضبوطة .... و الزيت مضبوط

[FARID SHAWKY]

المشاركة الأصلية كتبت بواسطة yaco_mas بشمهندس فريد تحية طيبه انا عندى ستروين ax عايز نمرة سعادتك وكنت عايز اعمل فحص للعربيه واصلح الابواب

الفحص ممكن لأكن الأبواب للأسف
ورقم التليفون. 01223236021

[FARID SHAWKY]

المشاركة الأصلية كتبت بواسطة Mohammed Saeid السلام عليكم عندي مشكله مع دورة تبريد عربيتي أولاً العربيه بيجو 205 1.1 المكنه النايمه موديل 84 يوم واحد في الشهر ده اللي هو واحد مايو كنت ماشي ببطئ على الدائري لأن كان فيه حادثه قدامنا و كل الدائري كان ماشي ببطئ شديد وانا بتحرك لاقيت كل لمباات البيان بتاعت التابلوه نورت و العربيه عايزه تبطل و مقعدتش خمس ثواني و بطلتها بنفسي و جيت أدورها تاني واحد ابن حلال كان جاي من ورايا ماشي بهدوء قال لي يا استاذ الميه بتاعت الريداتير كلها على الأرض نزلت من العربيه و زقيتها لجنب الطريق و بعدها قطرتها على ورشة شغاله في الرادياتير في الحي العاشر و اللي حصل بالظبط كالآتي 1- في نفس اليوم ده العربيه اتغيرلها خرطوم الواصل بين الرادياتير و القربه و اتحطلها مياه خضراء و الخرم اللي كان في الرادياتير اتلحم و الفني اللي في المركز قال لي اكشف على طرمبة المياه ضروري في اقرب وقت علشان مبتقلبش 2- كشفت على طربمة المياه عند أبو النيل الخراط في الضاهر و شافها و قال لي سليمه مش محتاجه اي شغل 3- الوضع الحالي عجيب جداً المياه بتنقص بشكل مبالغ فيه من قربة المياه يعني مثلاً اسخن العربيه ربع ساعه وانا مراقب القربه اللي كان مليان منها النصف بشرط إن على مدار الربع ساعه تشغير المياه منقصتش منها إلا لما بطلت العربيه و استنيت تلات اربع دقائق القربه نشفت خالص اصبح مفيهاش ولا نقطة مياه الرادياتير عندي فيه غطائين الغطاء العادي بتاع تزويد المياه و غطاء تاني بلاستيك بيتربط بقلاووظ وواصل به اسلاك كهرباء معرفش لازمته ايه انصحني شكراً انا كل ما اتحرك بالعربيه متقعدش ماشيه عشر دقائق على بعضهم و تبتدي ترزع و تقطع و تطلع اصوات عجيبه و انزل ازودها مياه علشان اعرف أكمل بيها مشي

المشكلة عندك من الواضح أنها جوان وش سلندر أو كتم فى دائرة التبريد
ممكن تشرفنى واديلك تشخيص للمشكلة الموجودة فى عربيتك

[hinrey_2]

تحية خالصة لاستاذنا فريد شوقى وادعو الله ان يكون فى كامل الصحة والعافية
واستفسر عن افضل نوع زيت باكم لستروين ax موجود حاليا فى السوق لان الميكانيكي قالى هات زيت المانى العبوة نص لتر ب 35 جنيه وهنزل الزيت القديم كله واغسل دورة الفرامل علشان نحافظ على جلدة الماستر . وكنت عايز رايك فى الكلام ده وكمان رايك فى زيت فتيس موبيل 80w 90 مع الشكر