حل لاى مشكلة خاصة بالسيتروين والبيجو والرينو واجابه لاى استفسارات مجانا

[يوسف طارق]

بصراحة يا استاذ فريد انت قمة فى مجالك وربنا يوفقك ويكرمك على الجهد الكبير والمحترم ده ومساعدة الناس.
انا من كلام حضراتكم اقتنعت انى اشترى فرنساوى انا بحب العربيات دى جدا بس كنت باقلق من صيانتها لان اللى بيفهموا فيها قليلين جدا.
انا من دمياط وعندى سؤال : انا عندى سيتروين اكسارا بيكاسو 2004 . انا فضلتها عن الماتريكس لان حسيت بفرق كبييييير بينهم عشان العيله وكده بس كنت عاوز اركب فتيس ستيبترونك ليها هل ده ينفع وتكلفته كام عند حضرتك ولا مشاكله اكتر انا فى دمياط وكنت ناوى اسافر لحضرتك اعمل فحص شامل هى معايا كويسة لغايه دلوقتى والكهربة كويسه وانا برده خبرتى قليله فى المجال يعنى. يا ريت حضرتك تفيدنى اكتر من فضلك وشكرا.

[FARID SHAWKY]

[QUOTE=يوسف طارق;945208]
بصراحة يا استاذ فريد انت قمة فى مجالك وربنا يوفقك ويكرمك على الجهد الكبير والمحترم ده ومساعدة الناس.
انا من كلام حضراتكم اقتنعت انى اشترى فرنساوى انا بحب العربيات دى جدا بس كنت باقلق من صيانتها لان اللى بيفهموا فيها قليلين جدا.
انا من دمياط وعندى سؤال : انا عندى سيتروين اكسارا بيكاسو 2004 . انا فضلتها عن الماتريكس لان حسيت بفرق كبييييير بينهم عشان العيله وكده بس كنت عاوز اركب فتيس ستيبترونك ليها هل ده ينفع وتكلفته كام عند حضرتك ولا مشاكله اكتر انا فى دمياط وكنت ناوى اسافر لحضرتك اعمل فحص شامل هى معايا كويسة لغايه دلوقتى والكهربة كويسه وانا برده خبرتى قليله فى المجال يعنى. يا ريت حضرتك تفيدنى اكتر من فضلك وشكرا.
[/QUOأولا
متشكر جداً لحضرتك
انا رأى انك تخلى العربية ذى ما هيا لان تغيير السيارة للمواصفات ال حضرتك علومها فيه تفاصيل كتيرة ولو حضرتك علوم تعرفها اتصل بيا أقولها لك

[اشرف عبد اللطيف]

السلام عليكم
ياريت يا جماعة تساعدونى فى حيرتى دى
انا معايا 18000 بالعافية وكنت ناوى اجيب 127 وبالصدفة شوفت ستروين AX
ودخلت دماغى اوى وقلت هى دى
وسالت كام واحد عليها قالولى بلالالالالالالالالالالالا لالالالالالالالالالالالال الالالالالاش منها دى هتعلمك الادب وتكرهك فى العربيات كلها بسبب انك هتلف على قطع غيارها والميكانيكا بتاعتها صعبة ومش اى حد بيفهم فيها وكمان قطع الغيار غالية جدا
ومن وقتها وانا مضايق اوى ومش قادر ابص ل127 بعد ما كنت فرحان بها
ياريت تساعدونى الكلام اللى اتقال على ستروين مظبوط ولا لاء

[Eng. Mostafa Kamel]

السلام عليكم
انا اشتريت سياره ستروين اكسارا 2002 Citroen Xsara 2 من اسبوع تقريبا
و اكتشفت لبمه بتنور و تطفي في التابلوه مع صوت Alert و العربيه بتلت و ده بيحصل لما المروحه بتشتغل بس يعني لما العربيه بتسخن
سألت علي اماكن الصيانه في ناس قالت في جسر السويس في شارع الحريه
روحت هناك و عملت عليها كشف اعطال و كانت النتيجه ان البوجيهات فيها مشكله و البوبينه فيها مشكله و لازم يتغيروا فعلا متأخرتش و عملت كده
و لكن العطل زي ماهو رحت عند واحد تاني عملت كشف اعطال ظهر نفس العيب و الراجل قال في مشكله في الغرفه رقم 2 يعني الحرق فيها مش مظبوط و لازم تعمل طقم صبابات
و رحت سألت ميكانيكي تاني قالي مستحيل يكون صباب علشان لو صباب العربيه هتلت منك في اول الدواره مش لما تسخن
ارجو الافاده
مع العلم انت طقم البوجيهات من عند البدري بتاع التوفيقيه و البوبينه كمان من عنده و هو قال ده احسن بوجيه ليها و البوجيه الماني مش valeo

[FARID SHAWKY]

المشاركة الأصلية كتبت بواسطة Eng. Mostafa Kamel السلام عليكم انا اشتريت سياره ستروين اكسارا 2002 Citroen Xsara 2 من اسبوع تقريبا و اكتشفت لبمه بتنور و تطفي في التابلوه مع صوت Alert و العربيه بتلت و ده بيحصل لما المروحه بتشتغل بس يعني لما العربيه بتسخن سألت علي اماكن الصيانه في ناس قالت في جسر السويس في شارع الحريه روحت هناك و عملت عليها كشف اعطال و كانت النتيجه ان البوجيهات فيها مشكله و البوبينه فيها مشكله و لازم يتغيروا فعلا متأخرتش و عملت كده و لكن العطل زي ماهو رحت عند واحد تاني عملت كشف اعطال ظهر نفس العيب و الراجل قال في مشكله في الغرفه رقم 2 يعني الحرق فيها مش مظبوط و لازم تعمل طقم صبابات و رحت سألت ميكانيكي تاني قالي مستحيل يكون صباب علشان لو صباب العربيه هتلت منك في اول الدواره مش لما تسخن ارجو الافاده مع العلم انت طقم البوجيهات من عند البدري بتاع التوفيقيه و البوبينه كمان من عنده و هو قال ده احسن بوجيه ليها و البوجيه الماني مش valeo

ممكن يكون العيب فى الضفيرة أو الإشارة الخارجة من الكنترول
حضرتك شرفني اكشف لك عليها احد دلك العيب بالضبط وده كشف مجانى