الرد علي كل ما يخص السيارات الهيونداي

[MasrMotors Support]

((تنبية إدارى))
نرجو من السادة الاعضاء عدم تناول اى شخصيات تمثل التوكيل او التوكيل نفسه بانتقادات مسيئة او جارحة وذلك حرصاً على خلق مساحة حوار منضبطه ومسئوله تجمع بين الممثلين التجاريين لهذه التوكيلات واعضاء الموقع وهو ما يعود بالنفع على الطرفين بالطبع ويحقق الفائدة المرجوه من المنتدى

وإدارة الموقع تهيب بالسادة الممثلين التجاريين عامة بالتحلى بسعة الصدر وتحمل مشاق التعامل مع الجمهور من خلال وسط حيوى كالإنترنت تأكيداً على حرصكم على رضاء العملاء وتقديم اعلى مستويات خدمة العملاء والتواصل معهم

[mfa100]

انا لسة مستلم فيرنا 2010 و فيها بعض العيوب
1- صوت صفاره ببحه مع تزويد البنزين و قالو فى التوكيل من الجكمان لكن نصحونى انتظر لبعد صيانة ال5000 يمكن تتظبط (اية رايك)؟ علما بانى الان 4300 كم و الصوت بيزيد مش بيقل؟ و المفروض يصلحو العيب ده بعد اد اية؟
2- فى جسم السيارة (تقفيل مصرى) فى فرق واسع بين قوايم البابين ناحية السائق ( تحس بهواء داخل منهم ) و كمان فى الفروق بين القايم الامامى و اعلى الرفارف و كمان داير الشنطه .
و هل عيوب جسم السيارة دى تسمح لى باستبدال السيارة ؟
و ما هى حدود العيوب التى تسمح باستبدال السيارة؟
و شكرا جزيلا على معلوماتك القيمة
و جزاك الله خيرا

[Mr.Mamo]

المشاركة الأصلية كتبت بواسطة ابو هيما أنا أسمى محمد سعدى وأسكن فى نويبع بس معلش حضرتك هأتجيبهالى ازاى ؟اذا كان هم فى غبور شرم الشيخ زمايل حضرتك قالولى أن الفيرنا الفيفا 2010 مفيش منها وأنها لسة أدمها مش أقل من أسبوعين تلأتة على ما تيجى ..هى اللى عند حضرتك 2009 ولأ 2010

أحيانا بيكون لدي فرع من الفروع سيارة غير مباعة س مثلا وفي فرع اخر عميل يبحث عن نفس السيارة فبالاتفاق مع السادة منسقي الفروع يتم تحويل السيارات من فرع لاخر من اجل توفيق أكبر عدد من عمليات البيع

برجاء الانتظار فجاري البحث عن سيارتك في الفروع الاخري بالجمهورية وسيتم الاتصال بك من قبل السيلز الخاص بك فور ايجاد سيارتك بأحد الفروع
بس ممكن تكمل البيانات دي لو سمحت
الاسم كما في البطاقة :
نوع السيارة :
اللون :
دفع : كامل القيمة - حجز

لو معندكش وقت مش مشكلة أنا هعرف من فرع شرم بس في شوية ضغط عندي النهاردة وبكرة وان شاء الله أحاول اساعدك

[Mr.Mamo]

المشاركة الأصلية كتبت بواسطة بهاء العنانى عندى اكسنت 2010 والعداد الان 930 كيلو هل لازم اعمل صيانه الالف الاولى فى قليوب او ابو رواش ام اى مركز صيانه معتمد للهيونداى فى الشرقيه ؟؟

ممكن تعملها في مركز خدمة معتمد مش شرط ابو رواش و قليوب

[Mr.Mamo]

تم الرد علي الاسئلة
الرجاء عدم تكرار الاسئلة
إذ ان استفسارات سيادتكم في الغالب مكررة وعن انواع محدودة من المشاكل و اعتقد أني قد أجبت علي معظمها
وأنا متأكد ان الضغط علي الموضوع ده هيخف مع الوقت
ويا رب الناس متزعلش
أنا مش موجود هنا بس يا جماعة عشان ارد
أعتقد إن من حقي اني اتصفح باقي المواضيع و استفيد من بحر المعلومات الموجود في الموقع زيكم
فبرجاء سعة الصدر
وانا و الله هجاوب علي كل سؤال جديد متجاوبش قبل كده