رينو لوجان و لا سوزوكى سيليريو ......؟؟

[amforlife]

بصوا يا جماعة الواحد و الله محتار لإنى ناوى أجيب سيارة مش أكثر من 60000 جنيه فلقيت حاجات متشابهة زى البيكانتو و ال i10 و السوزوكى سيلاريو ......طبعا السيلاريو أرخص ب 5000 جنيه و ده شىء مغرى و كمان سوزوكى فإيه رأيكم أجيب إيه ............. و المشكلة كمان لقيت الرينو لوجان basic عاملة 57000 جنيه تقريبا و دى 1600 سىسى فسعرها كويس برضه طب ليه أجيب عربية أصغر و أسيبها مثلا و هى موتورها أقوى ....بصراحة حاجة تحير جدا بس أرجو إفادتى و إيه أحسن اختيار ممكن ليا الأن علشان ناوى أشترى على طول إن شاء الله .

[بدر بسيونى]

المشاركة الأصلية كتبت بواسطة amforlife بصوا يا جماعة الواحد و الله محتار لإنى ناوى أجيب سيارة مش أكثر من 60000 جنيه فلقيت حاجات متشابهة زى البيكانتو و ال i10 و السوزوكى سيلاريو ......طبعا السيلاريو أرخص ب 5000 جنيه و ده شىء مغرى و كمان سوزوكى فإيه رأيكم أجيب إيه ............. و المشكلة كمان لقيت الرينو لوجان basic عاملة 57000 جنيه تقريبا و دى 1600 سىسى فسعرها كويس برضه طب ليه أجيب عربية أصغر و أسيبها مثلا و هى موتورها أقوى ....بصراحة حاجة تحير جدا بس أرجو إفادتى و إيه أحسن اختيار ممكن ليا الأن علشان ناوى أشترى على طول إن شاء الله .

الموضوع محسوم للوجان لعدةاسباب ومش عيب فى سيلاريو

الموتور بتاع اللوجان 1600 سى سى السيلارييو 1000 سى سى

السيلاريو هاتشباك مافيهاش شنطة حجمها مناسب اللوجان فيها شنطة واوسع من السيلاريو

من حيث الانتشار اللوجان اكثلر انتشار

من حيث توافر قطع الغيار خارج التوكيل اللوجان

من حيث سعر اعادة البيع اللوجان

بس الموضوع يتوقف على طبيعةحاجتكللعربية بطبيعة عملك واسرتك ولالكلام ده كله

[MaXx]

و انا متفق جدا مع استاذ بدر ,,,
و السبب في تفوق اللوجان اعتقد انها علشان بتيجي من المغرب و بينا و بين المغرب و الاردن و دولة كمان مش فاكرها اتفاقية اغادير و دي بتلغي الجمارك ,,, يعني سعر اللوجان لو كنا بنستوردها من اي مكان تاني هيعلي كتير اوي ,,,

في حين ان كل العربيات التانية اللي في نفس الفئة السعرية عليها جمارك 40 % من تمن السيارة ,,,


اعتقد ان ده سبب تفوق اللوجان ,,, و اللي بيخلي ليها الميزة التنافسية ,,, السعر ,,,

لانها لو نزلت بالجمرك سعرها هيعدي البلغ ده و هتبقي تقريبا 80 الف لاول فئة ,,,

يبقي انت شاري بسعر السوق عربية قيمتها 80 ,,, في حين انك دفعت 60 ,,,


اتمني اكون مصيب في رأيي ,,, و لو في اي اخطاء اتمني باقي الاعضاء تصححه ,,,

[hazem_khidr]

المقارنه محسومه لصالح اللوجان
لكن عربيه جديده من غير تكييف يبقي مالهاش لازمه في رأيي
البلد بقت حر موووت و التكييف بقي مهم مش زي التمانينات
دا انا كنت مشغل التكييف اول امبارح و انا ماشي !!!!!!!!
من رأيي لو مش حتجيب اللوجان بتكييف يبقي هات السوزوكي
حتي علشان لو حبيت تبيع في اي وقت
مافيش حد حياخد منك عربيه 2010 ولا حتي موديل 95 مش مكيف

[MaXx]

او تستني شوية لحد ما يبقي معاك تمن اللوجان الفئة التانية ,,, اللي فيها التكييف ,,, و الفرق مش كبير ,,, رأيي انك ما تستعجلش الواحد مش بيجيب كل يوم عربية ,,, استني شوية لحد ما يبقي معاك تمن اللوجان الفئة التانية اللي فيها التكييف ,,