استشاره عاجلهمعروض عليا سيراتو كوبيه فضى بسعر......

[جمال حموده]

104 الف ج عامله 14 الف كم الفتس القديم كامله بصمه جنط 17
ايه رايكم فى اسلعر؟؟؟
وهل العربيه دى سوقها حلو؟ هعرف ابعهاتانى؟؟؟

[dr_eslam_66]

والله ان الأسعار مش هفيدك قوي فيها لأني مش في مصر بس هيا العربية نفسها تحفة وأنا بحبها قوي شكلا ومضمونا ولما سوقتها من واحد صاحبي عجبتني قوي.
هوا الفتيس القديم ده لحد موديل كام؟
ألف مبروك مقدما ياباشا.

[جمال حموده]

حد ينصحنى!!!!!!!!!!!!!

[medosalah]

اولا السلام عليكم
يا استاز جمال , الكيا سيراتو عموما عربيه ممتازه بجميع المقاييس والكوبيه عربيه شبابيه جميله لا تفرق عن السيدان الا انها بابين بس وواطيه شويه بس حتي لو انتي عجباك عن السيدان فانصحك تجيبها زيرو موديل 2012 لعده اسباب
1. الفتيس جديد يعني 6 سرحات يعني راحه في النقل وتوفير في البنزين وراحه للموتور وصوت هادي للعربيه
2. العفشه بناء علي معرفتي من معارض ناشيونال موتورز والليثي والريان بيقولوا فعلا انها اتغيرت خاصه المساعدين والكاوتشات فبات انعم واريح ليك وللعربيه
2.شكل الفوانيس واشارات المرايات بقي افضل
3.العربيه طبعا موديل 2012 وكمان فيها اخر التعديلات يعني في اعاده البيع هتتباع اسرع وبسعر احسن
4.ده خلاف انها زيرو يعني تربيها علي ايدك وتعتني بيها


50. واهم حاجه ان فرق السعر ما يستاهلش يعني اغلي ب 15 الي 20 الف بس وكمان لما تيجي تشتريها اوعي تجيب جنط 17 طبعا المعارض هتقعد تمدح في جنط 17 لانه ما بيتبعش بسبب تقله علي العفشه الزي يصل الي 37 كيلو وكمان بيسبب نشوفيه العربيه


ولق القرار

[جمال حموده]

انا قصدى اقول هل اعاده بيع العربيه تمام؟؟ ولا زبونها قليل جدا وغير مطلوبه
وكمان مهى اعلى فئه جنط17 وال16 تبقى اقل وانا عاوز اعلى فئه تماما