انا سالت علي مساعده في 304 من فضلكم اجيبوني

[mahmoudhamdy4]

كنت عايز اعرف سعر ال304 دلوقتي كام وهي بحالة كويسة وكمان عايز اعرف اسعار حاجات تانية من فضلكم علشان اشوف العربية دي حتكلفني كام فمن فضلكم عايز اعرف سعر كل من :
4 فرد كاوتش معقولين
بطارية نسر فارتا (مقاس كام )
طقم كهرباء
طقم زيت
تجديد الرخصة السنوية لها بكام بالضبط
لان كل ده انا اللي حادفعه لان العربية مركونة من سنة ونصف وايه اللي اتأكد منه قبل الشراء
وهل فعلا بعد الثورة كل ملفات المرور اتحرقت وبيتعمل ملفات جديدة
وكيفية تسجيل سيارة في المرور باسمي ايه الاوراق المطلوبة

[hazem_khidr]

العربيه قليله في السوق ان لم تكن معدومه لذلك هتلاقي كالهاش سعر و اللي هيقولك رايه هيبقي اجتهادي
و انا عن نفسي ما قدرش احط فيها سعر علشان السبب دا
بالنسبه للكاوتش اقل فردتين في حدود 400 جنيه
و البطاريه في حدود 250
و الضريبه علي حسب السعه اللتريه و لكن اعتقد ان مصاريف ترخيصك بالضريبه بالتامين الاجباري هتدخل في 400 جنيه او 500 بتأمين اللوحات الجديده
و تسجيل العربيه في الشهر العقاري هيبقي في حدود 50 جنيه

[mahmoudhamdy4]

المشاركة الأصلية كتبت بواسطة hazem_khidr العربيه قليله في السوق ان لم تكن معدومه لذلك هتلاقي كالهاش سعر و اللي هيقولك رايه هيبقي اجتهادي و انا عن نفسي ما قدرش احط فيها سعر علشان السبب دا بالنسبه للكاوتش اقل فردتين في حدود 400 جنيه و البطاريه في حدود 250 و الضريبه علي حسب السعه اللتريه و لكن اعتقد ان مصاريف ترخيصك بالضريبه بالتامين الاجباري هتدخل في 400 جنيه او 500 بتأمين اللوحات الجديده و تسجيل العربيه في الشهر العقاري هيبقي في حدود 50 جنيه

افادك الله اخي الكريم
ولكن انا اسف عندي استفسار بشان انها معدومة او قليلة جدا في السوق هل الموضوع ده حيسبب لي مشاكل بالنسبة لقطع الغيار الخاصة بها ولا لأ لاني سمعت ان بيجو 104 لازلت في السوق وقطع غيارها متوفرة (مجرد واحد قاللي كده)
هل في فلوس بتدفع غير الضريبة اللي هي
900:1100 سي سي 175 جنيه
1200 : 1500 سي سي 220 جنيه
وجزالك الله خير علي النصيحة