عايز ابيع عربيتى واشترى زيرو

[لآخنه]

ياريت حد يفيدنى انا ببيع عربيتى هيا سعرها هيبقى من 60 الى 65 الف وعايز اشترى حاجة زيرو تكون فى حدود 100 الف واخرى 110 الف .
مواصفات العربية اللى عايز اشتريها :-
1- اوتوماتيك .
2- شكل خارجى وداخلى شيك وشبابى .
3- توكيل محترم وسعر إعادة بيع كويس .
4- عالية عن الارض لانى بسافر بيها مرتين فى الاسبوع مسافة حوالى 150 كيلو للبلد وفى هناك مطبات جميلة اوى
ياريت اللى ينصحنى بعربية لو يعرف مكان افضل معرض ليها .
منتظر الرد من عمالقة المنتدى

[miam0502788391]

فى الرينج ده زيرو مفيش الا صينى
بى واى دى L3

[لآخنه]

المشاركة الأصلية كتبت بواسطة miam0502788391 فى الرينج ده زيرو مفيش الا صينى بى واى دى L3

كلامك على عينى وراسى بس انا مش هعرف اركب صينى انا مركبتش غير المانى ويابانى ولما غيرت اتبهدلت .
طيب انا هقول اقتراحات والناس ممكن تقول رأيها
1- أفيو اوتوماتيك حوالى 105 ألف .
2- ميتسوبيشى اتراج هاى لاين حوالى 110 الف .
3- رينو لوجان الفئة التانية اوتوماتيك 111 ألف .
4- ستيب واى اوتوماتيك 2014 زيرو حوالى 107 ألف .
5- انى اخربها واعلى الميزانية وطبعا القسط هيعلى معاها واجيب نيسان فيس ليفت حوالى 124 ألف .
6- انى اخربها برضه واجيب رينو لوجان هاى لاين او ستيب واى 2015 ودول تقريبا 120 ، 125 ألف على الترتيب .
انا دماغى لفت وتعبت من كتر التفكير وياريت حد ينصحنى انا نفسى فعلا ارتاح لان العربية اللى معايا مبهدلانى ولو فى حاجة اوتوماتيك اقل من 100 الف ياريت انا مش مهم عندى الموديل بس الاهم انها تكون زيرو يعنى ممكن لو فى معرض بيبيع موديل 2014 او 2013 زيرو اشتريها أهم حاجة عندى المواصفات اللى قلت عليها وتكون زيرو لانى مش عايز اركب مستعمل تااااااااانى .

[abo-gamal]

رأيي اعلى بالميزانية وهات نيسان صنى

[miam0502788391]

مرة أخرى البى واى دى L3 من وجهة نظرى افضل من الأفيو والتراج والرينو