عاوز اتعلم السواااااقه

[farouk89]

يا جماعة عاوز ارقام تليفونات شركات تعليم السواقه في منطقة الطالبية هرم او فيصل او العمرانية لو حد يعر مكان كويس حتي لو فالجيزه عامة يقولي عشان عاوز ابتدي واسوق فيفي بقى هههههههههه

[sayed2077]

لولا ان حضرتك بعيد كنت علمتك السواقه بس للاسف حضرتك من الهرم وانا من المعادى
ودور كده على مكتب كويس وان شاء الله هتتعلم وهتبقى فل بس اهم حاجه تخليها فى بالك انت اللى بتتحكم فى العربيه مش العربيه اللى بتتحكم فيك و هتعرف معنى كلامى لما تيجى تسوق اول مره

[farouk89]

المشاركة الأصلية كتبت بواسطة sayed2077 لولا ان حضرتك بعيد كنت علمتك السواقه بس للاسف حضرتك من الهرم وانا من المعادى ودور كده على مكتب كويس وان شاء الله هتتعلم وهتبقى فل بس اهم حاجه تخليها فى بالك انت اللى بتتحكم فى العربيه مش العربيه اللى بتتحكم فيك و هتعرف معنى كلامى لما تيجى تسوق اول مره

ربنا يخليك يا سيد باشا بس الناس عندنا يعني استغفر الله العظيم حراميه عيني عينك قالك 5 حصص ب 300 جنيه وساعة ونص ده كلام يرضي ربنا

[sayed2077]

5 حصص ب 300 جنية

اقسم بالله لو كان شيخ السواقين ما هتعلم عنده

انا يا استاذ فاروق لما روحت اتعلم روحت مكتب سواقه عندنا فى المعادى فى شارع اسمه احمد زكى

وما ادراك ما احمد زكى احمد زكى ده حضرتك شارع من ازحم شوارع مصر بمعنى الكلمه وكل العبر فيه بمعنى الكلمه يعنى ميكروباصات مفيش اكتر منها و الشارع ضيق مفيش اضيق منه وعلى فكره المكتب اللى اتعلمت معاه بيعلمك من اول حصه فى الشارع ده عاوز اقولك انا كنت بقولهم انا بتعلم فى شارع احمد زكى كانوا بيفتحوا بقهم من كتر ما هما مش مصدقين
وكان ال 10 حصص ب 240
دلوقت ال 10 حصص ب 250 اخر مره سألت على السعر وعلى العموم حضرتك ياريت تتعلم زى فى شارع زحمه ومتتعلمش فى شارع فاضى زى ما الناس بتعمل لان مصر عبارة عن شارع كبير زحمة مش شارع فاضى خالص وعلى فكره كان كل حصه لمده ساعه
يعنى 10 حصص = 10 ساعات بس بصراه لو خرجت من ال10 ساعات دول وفى ايدك عربيه هتتعلم على طول وبيعلم على ال128 على فكره يعنى كانك بتتعلم على عربيتك

[farouk89]

المشاركة الأصلية كتبت بواسطة sayed2077 5 حصص ب 300 جنية اقسم بالله لو كان شيخ السواقين ما هتعلم عنده انا يا استاذ فاروق لما روحت اتعلم روحت مكتب سواقه عندنا فى المعادى فى شارع اسمه احمد زكى وما ادراك ما احمد زكى احمد زكى ده حضرتك شارع من ازحم شوارع مصر بمعنى الكلمه وكل العبر فيه بمعنى الكلمه يعنى ميكروباصات مفيش اكتر منها و الشارع ضيق مفيش اضيق منه وعلى فكره المكتب اللى اتعلمت معاه بيعلمك من اول حصه فى الشارع ده عاوز اقولك انا كنت بقولهم انا بتعلم فى شارع احمد زكى كانوا بيفتحوا بقهم من كتر ما هما مش مصدقين وكان ال 10 حصص ب 240 دلوقت ال 10 حصص ب 250 اخر مره سألت على السعر وعلى العموم حضرتك ياريت تتعلم زى فى شارع زحمه ومتتعلمش فى شارع فاضى زى ما الناس بتعمل لان مصر عبارة عن شارع كبير زحمة مش شارع فاضى خالص وعلى فكره كان كل حصه لمده ساعه يعنى 10 حصص = 10 ساعات بس بصراه لو خرجت من ال10 ساعات دول وفى ايدك عربيه هتتعلم على طول وبيعلم على ال128 على فكره يعنى كانك بتتعلم على عربيتك

شوفت بقي اني عندي حق المشكله بس فين الناس ديه مش لاقي حاجه زي كده والمعادي طبعا سفر بالنسبالي ربنا يسهل والاقي حد بقي شكرا يا كبير