هشترى عربيه 128 موديل 83 وعايز رأيكم ونصيحتكم

[mr@hussen]

• إصدار : قيات
• الماركة : فيات || Fiat
• مدينة : القاهرة
• اللون : ذهبي
• أول استخدام : 1983
• ناقل الحركة : مانيول
• الوقود : بنزين
• السعر : 15,000 جنيه

ملاحظات
السياره بحاله جيده جداا والموتور لسه متعمر من شهرين والعفشه ممجدده بالكامل والصالون جلد ولسه متجدد وبها 4 كاوتش جديد وسنتر ورخصه سنه ونصف (لا تحتاج اي مصروفات)والسعر قابل للتفاوض البسيط




صور العربيه












هو قالى ان العربيه حالتها كويسه ومش محتاجه مصاريف



وان فيه قابليه للتفاوض البسيط فى السعر


منتظررأيكم ونصيحتكم قبل ما اروح اشوفها على الطبيعه

وكمان السعر كويس ولا عالى

[mhamdy75]

والله 13000 كويس لو سليمة ومش محتاجة مصروف

[hero 203]

حول تصبر شوية وتجيب حاجة احسن بس لو لقيت العربية سليمة توكل علي للة

[AMMI]

أخى الكريم
أى عربيه مستعمله هتحتاج اول لما تشتريها تغير السيور ( كاتيبنه - ودينامو ) وتغير الفلاتر ( زيت - هواء - بنزين ) وتغير زيت المحرك وتكشف على زيت الفتيس وزيت الفرامل ولو ناقصين زودهم وتاخد قراءة العداد وبعد كده تبقى عارف مواعيد تغيير السيور والزيوت وطبعا ديه مش تبع مصاريف العربيه ( يعنى مش بيتخصموا من تمن العربيه )
بالنسبه لسعر السياره فهذا تبع حالة السياره . يعنى لو الفرش كويس والعفشه كويسه والموتور سحبه كويس يبقى كده المفروض العربيه متظبطه للركوب وده طبعا بيوفر عليك وقت الوقوف مع الصنايعيه.
طبعا أكشف على العربيه كويس . خد معاك سمكرى يشوف ان العربيه مش فيها بارومه فى اماكن غير مقبوله. وطبعا تكشف على الكارتيرات والقوائم وبالتوفيق أخى الكريم

[محمد صالح - المحامى]

بسم الله ماشاء الله
==========
العربية باين ان حالتها جميلة
بس لازم سمكرى يبصلك على الاساسيات
وجرب انت حالة الموتور والعفشة وسحب العربية
......................... .........
بالنسبة للسعر
لو الرخصة لسة بدرى عليها
السعر مناسب بس لو نزل الف جنية علشان مصاريف
الحاجات الى انت هتغيرها السيور والاسكترا والزيت والمصاريف البسيطة دى
كدا تبقى بعدلها .
------------------------
وانت صاحب القرار الاخير