|
سيات SEAT سيات SEAT سيات الاسبانية الاصل الالمانية الطابع قائد الجناح الرياضى فى مجموعة فولكس الالمانية من اهم موديلات سيات كوردوبا ابيزا وتوليدو وليون |
|
أدوات الموضوع |
#1
|
||||
|
||||
تقرير و تجربة مصورة لسيات كوردوبا 2007 1.4 اوتو
تعرضت عربية اختي لحادث بسيط و قامت شركة التامين مشكورة بتوفير سيارة بديلة و هي سيات كوردوبا 1.4 اوتوماتيك موديل 2007. و طبعا استغليت الفرصة و قلت اعمل تجربة و تقرير عن العربية لمنتدانا العزيز
اولا المواصفات: المتور 1400 سي سي 75 حصان العزم 126 نيوتن/متر تحقق تسارع من 0-100 في 13.6 ثانية الكماليات: 4 زجاج كهرباء اوتو, جير اوتو 4 سرعات, مرايات كهرباء, طارة ملتي فنكشن, 4 ايرباج, CD Mp3, تكيف عادي , فرامل ABS و نظام ESP , و مفتاح ريموت الصور
التجربة: سيارة التجربة كانت ماشية 30,000 كيلو و بحكم انها سيارة ايجار فطبعا ال 30 الف كانو من اصعب ما يكون. نبدا بالتصميم: السيارة مبنية علي الشقيقة الاصغر ابيزا و هي تعتبر ابيزا لكن بشنطة. بشكل عام العربية شكلها حلو و فيه ايرودينامكية و اعتقد انه احسن من شكل منافسين كتير. من الداخل التصميم في غاية البساطة و موجة ناحية السائق و معظم الازرار في متناول اليد فتحات التكيف دائرية و تعطي احساس رياضي. الشيئ الملاحظ هو جودة المواد المستخدمة و جودة التقفيل بيدوا احساس بالصلابة. يعيب الطبلون انخفاض عصي النقل بشكل ملحوظ و طغي اللون الاسود عليه بشكل مبالغ فيه اللهم الا حلية فضي حول ناقل الحركة اتمني لو وجدت طريقها حول لوحة التحكم و اعتقد ده موجود في الفئات الاعلي. ايضا لا وجود لمسند جانبي للذراع و فيه مكانة فتحات تخزين و ده كان مديني احساس بعدم الراحة بحكم اني متعود علي وجودة. الكراسي نفسها مريحة و الي حد ما واسعة لكن ده مش الحال بالنسبة لركاب الخلف حيث ان المساحة المتاحة للارجل صغيرة و غير مناسبة علي الاطلاق لاصحاب القامة الطويلة. بالنسبة للقيادة فالعربية متماسكة الي حد كبير و تديك ثقة و شعور عالي بالثبات. المتور نشيط و صوتة رياضي و محبب لكن بالنسبة لي التسارع محبط لكن ده شيئ متوقع بحكم اني متعود علي عربية اقوي بمراحل لكن بشكل عام و بالمقارنة بفئتها اعتقد انه هيبقي مقبول لناس كتير و يمكن يكون للحالة العامة لسيارة التجربة بحكم انها ايجار له تاثير كبير علي التسارع. بالنسبة للثبات فلا غبار علية العربية ثباتها رائع و لا تشعر بالسرعة الحقيقية و احقاقا للحق انا لم اتجاوز سرعة 110 كيلو حتي احكم علية بشكل كامل لكن لحدود هذة السرعة و من سمعة السيارة المعروفة اقدر اقول انه هايل و يتفوق علي معظم المنافسين. دي كانت تجربتي القصيرة للعربية و انطباعاتي عنها و انا في الخدمة من ناحية اي استفسار بس الحقوا قبل ما العربية ترجع
__________________
Sharief Mansy
Farewell my Cayenne, you were the best car i ever had and driven التعديل الأخير تم بواسطة horas3000 ; 16-02-2010 الساعة 01:51 PM |
#2
|
|||
|
|||
رد: تقرير و تجربة مصورة لسيات كوردوبا 2007 1.4 اوتو
شكرا علي التجربة و الصور ,,, و العربية مش منتشرة في مصر ,,, قليل لما تشوف منها عندنا ,,, و لما بشوفها بتبقي 1600 سي سي في اغلب الاوقات ,,,
__________________
السيارة التي قيل انها قادمة ,,, لن تأتي ,,, ptmnlo123per111 [/CENTER]
|
#3
|
||||
|
||||
رد: تقرير و تجربة مصورة لسيات كوردوبا 2007 1.4 اوتو
الله ينور عليك يا شريف باشا
فعلا تقرير ممتاز من شخص ممتاز ممكن بس حضرتك لو جربت الكيك داون فيها تقولنا سحباها اثناء الكيك داون عالى ولا متوسط وياسلام بقى لو حضرتك ولو فى تجربة تانية للثبات على سرعة عالية نسبيا تبقى حضرتك عملت معانا الواجب ومشكووووووووووووووووور
__________________
إنا لله وإنا إليه راجعون (يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً) لن أنساك أبدا رحمك الله يا أخى (خالد خليفة) أرجو منكم قراءة الفاتحة
التعديل الأخير تم بواسطة Ahmed_lol2007 ; 05-03-2010 الساعة 03:37 PM |
#4
|
||||
|
||||
رد: تقرير و تجربة مصورة لسيات كوردوبا 2007 1.4 اوتو
العفو يا باشا و شكرا علي ذوقك طبعا العربية رجعت من زمان بس لحسن الحظ جالي فرصة العب بيها شوية من حيث الكيك داون فبشكل العام العربية تحس انها تقيلة و تحس ان الدواسة بترد في رجلك لكن بعد ال 60 كده تلاقي العربية فتحت مرة واحده. يعني من الاخر ككيك داون فهي زي كل الالماني تقيل في الطلعه لكن بيفتح بعد كده. و حط في بالك اني متعود علي عربية اقوي و ممكن ده يكون له تاثير علي حكمي من الناحية دي اما الثبات فهو ما شاء الله هاااااايل. اتحطيت في موقف من واحد غبي و بسببه اضطريت اخد غرزة ضيقة قوي و علي سرعة من 80 -100 تقريبا و العربية طلعت كفائة بصراحة. بشكل عام العربية هايلة و من الاحسن في فئتها لكن المتور ال 1.4 متواضع الي حد ما اعتقد ال 1.6 هيبقي احسن بكتير و هيدي الواحد فرصة يستمتع بالعربية اكتر و عيبها الوحيد من وجهة نظري هي انه الكنبة الخلفية ضيقه. و انا تحت امرك في اي استفسار تاني....
__________________
Sharief Mansy
Farewell my Cayenne, you were the best car i ever had and driven |
#5
|
||||
|
||||
رد: تقرير و تجربة مصورة لسيات كوردوبا 2007 1.4 اوتو
ربنا يخليك يا شربف باشا
فعلا طريقة حضرتك فى سرد المواضيع ممتازة
__________________
إنا لله وإنا إليه راجعون (يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً) لن أنساك أبدا رحمك الله يا أخى (خالد خليفة) أرجو منكم قراءة الفاتحة
|
|
|