المشاركة الأصلية كتبت بواسطة mrhisho73
الواحد جالو اكتاب من الاحداث ده والله انا حصل معى موقف عند منشية ناصر الساعة 4 عصرا من كام يوم بس صحبك اتصرف الى حصل انى كنت واقف مع مجموعة من السيارات لان الطريق واقف
وانا دايمآ بغلق السيارة والزجاج وانا ماشى المهم كنت بنظر فى المراية الى جانبى لقيت موتوسكل جاى وسط السيارات قلت ممكن يجرح السيارة وجلست انظر عليه وبعد شوية وقف جانب السيارة بتاعتى بس عند الباب الخلفى وعليه ثلاثة اشخاص شكلهم غلط وكل ده والطريق واقف ومرة واحدة حاول واحد منه فتح الباب الخلفى لكن الحمد لله انى قافل اللوك وسكت لان الباب مفاتحش عملت انا فيها شجاع مع انى كنت خايف فتحت الزجاج الى جانبى وشديت اجزاء المسدس فى وشهم وقلت انتو الثلاثة ملكمش ديه عندى امشى من جانبى لاحسن يكون اليوم نهيتكم قال الاول حد عملك حاجة يا بية قلته امشى وفعلا مشي والسيارات الى جانبى قالولى الله ينور
وربنا نجانى والحمد لله نسيت اقلك حاجة ان المسدس بتاعى صوت بس شكل الحقيقى  |
الف شكر للاخ احمد على و للأخوة الاعزاء على نصائحكم المفيدة جدا فى الظروف الحالية وربنا يستر..
وفكرة قفل السنترلوك تعتبر مهمة جدا لتكون مطمن اكتر وانت راكب العربية لانى حاليا باعملها من فترة بحيث اول مااطلع بالعربية اقوم بقفل السنتر لعدم فتح الابواب لو واقف فى اشارة او لاى سبب تانى وتعتبر طريقة مبسطة لزيادة الامان ، وان شاء الله هاروح للكهربائى لعمل مفتاح لفصل طلمبة البنزين وممكن استعماله كمان اما تكون العربية مركونه لزيادة الامان
بس سؤال لوسمحتم هل ينفع عمل مفتاح لفصل الكهرباء عن المارش كمان لان محاولة تدوير العربية كتير يفضى البطارية ولو الموقف مر بسلام امشى بيها... وشكراااا
15-10-2011, 07:33 AM
رد: السرقة بالإكراه - ممكن تعمل إيه ؟
