الالنترا 2012 بعد 300 كم

[AbOnOrA]

المشاركة الأصلية كتبت بواسطة HEKAYA الحمد لله على السلامه عندك حق و المشوار نفسه صعب و صيانه كل 5000 كم مش عارف ليه ..اللى يعرف سكة صيانه أسهل و نفس الوكيل يا ريت يقول لأن الأستاذ اللى 16101 كان عايز ألروح الساعة 1 أعمل الصيانه يعنى زحمة طرق و أفضل لغاية 5 مساء شئ مش منطقى أمال لو ما كانش بالحجز كان جرى ايه؟

هو ابو رواش زحمة وهيفضل زحمة متنسوش انه مركز رئيسي ، بس هى الصيانة الاولانية وبعدين تابعو فى اى مركز تانى

[AbOnOrA]

المشاركة الأصلية كتبت بواسطة sound رحت فرشت العربيه - مش عارف ليه حاسيت ان الفرش الاصلى فقير جدا بعد ما شلت من عليه المشمع وشفته كامل على بعضه - متهيألى كنت سبته يتبهدل احسن - مش عارف احنا ليه كل العربيات الى بتنزل عندنا بيستخدموا فيها اقل خامات بالرغم ان الجو بخلاف استخدامنا الشاق محتاج خامات للخدمه الشاقه كمان الصاج مع الزحمه وكثرة الناس اللى بتقعد على العربيات محتاج صاج من نوعيه خاصه الا انك تلاقى كل العربيات اللى بتنزل عندنا اقل خامات وبالرغم من كده اغلى من العربيات الخليجى وبص بقى على خامات الخليجى بخلاف باقى المواصفات - ولو اشتريت الخليجى تلوص فى صيانتها - فى حاجه غلط عندنا - زى ما يكون بننتقم من بعض

الفرش فعلاً بسيط جداً مقارنة بتصميم العربية الداخلى والمساحات ماشاء الله واسعة فالفرش مش باين فيها
بس هى ميزة لان الفرش البسيط بيدى احساس بالاتساع اكبر وفعلا بيدى مساحات اكبر

لكن ممكن تروح لحد بتاع فرش متخصص زى سبير كار يفصلك فرش ويعمل تحتيه حشوات سفنج ويشدو بسلك والشغل ده

بالبلدى الفرش هيكلبظ معاك ويتقسم ومع المساحة والحجم هيبقى شكله فخم ويتناسب مع تفاصيل التصميم الداخلى
وطبعا ممكن تلعب بالالوان والخامات كمان دلوقتى ممكن تعمل فرش جلد فى قماش بسعر معقول وجودة كويسة

فانا شايف اجمالاً موضوع الفرش وبساطتة ميزة اكتر منه عيب لانة موسع العربيه من ناحية للمستخدم العادى واللى بيحب يظبط هيعرف يكسية بسهولة ويلعب فيه براحتة

لكن بالامانة اجمالاً خامات العربيه والصالون تحديداً اقل بكتير من قيمتها
حرام ابقى راكب عربيه معدية ال 140 الف فى متوسط فئاتها والصالون كله بلاستيك كده

[HEKAYA]

المشاركة الأصلية كتبت بواسطة AboNoRa هو ابو رواش زحمة وهيفضل زحمة متنسوش انه مركز رئيسي ، بس هى الصيانة الاولانية وبعدين تابعو فى اى مركز تانى

هى المراكز التانيه بنفس المستوى و الضمان؟

[sound]

ياريت يا جماعه لو حد عنده قائمة بمراكز الصيانه المعتمده بارقام التليفونات والعناوين

[sound]

العربيه اتحكت - وخدت ختم الشارع المصرى - وحكتها وحده زفت قصدى وحده ست - كل بلوه وراها وحده ست - يا خى سواقتهم زى الزفت وانت ماشى فى الشارع اللى تحدف عليك واللى تقف من غير اى اشارات واللى تتطلعك فجاءه من اى شارع جانبى حاجه كده تخلليك تشد فى شعرك وللأسف تقف قصدها مش قادر تعملها حاجه لو راجل اهو بطلع اللى جواك انما مع استكانتهم وطبعا مراعاة انها وحده ست تبلع غضبك وتتنقط وانت واقف

والحمدلله على كل شئ