|
ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
|
أدوات الموضوع |
#1
|
||||
|
||||
أين حق أمهات شهداء 25 يناير
السلام عليكم ورحمة الله وبركاته
انا عاوزة اقول انهارده لكل أم مصرية كل سنة وانتى طيبة كل سنة واحنا جميعا يا أمهات طيبات محترمات ..... مضحيات ..... مقدمات أولادنا فداء لوطننا بس ياريت نشوف نتيجة ايجابية كل سنة وكل أم عندها إبتلاء فى ولد من أولادها صابرة و محتسبة محتسبة الابن عند اللى لا تضيع ودائعه اللهم انى احتسبت ابنى وضآلتى عندك يارب اللهم اجعل صبرى فى ميزان حسناتى اللهم ان كان لى نصيب فى الدنيا فإجمعنى به وان كان نصيبى فى الآخرة فألقاه فى جنة الخلد يا كريم الله يكون فى عون كل ام فقدت ابنها فى الثورة فداء لوطننا الغالى لا يشعر بصاحب الابتلاء فى فقد الابن الا أم مجرحة مثلها كان الله فى عونك يا أختى يا من فقدتى ابنك تحت الاقدام حسبى الله و نعم الوكيل فى من قتل حسبى الله و نعم الوكيل فى من رمى شاب فى صدرة برصاصة غدر حسبى الله و نعم الوكيل فى من أمر بقتل أولادنا حسبى الله و نعم الوكيل فى حسنى مبارك و اتباعه حسبى الله و نعم الوكيل فى من هو ليس عادلى حسبى الله ونعم الوكيل فى المتراخين و المؤجلين و الظالمين أين حق الشهيد حتى الآن أين القصاص أين حق كل أم مات لها أعز حبيب .......ضناها ....... فلذة كبدها يارب كل من ساهم فى التوانى و التراخى و ضياع الحقوق يشرب من نارها ويشرب من نفس الكأس حسبى الله و نعم الوكيل الأم اللى ربت و علمت و كبرت و كافحت و سهرت الليالى .......ثم حرق قلبها وفوضت أمرها لله و قالت فداء للوطن ,,,,,,, علشان نخلص من فساد البلد لسه البلد هى البلد و الفساد هو الفساد يا حرقة قلبى على أولادنا ده لسان حال كل ام موجوعة لما كان ابنها يصاب بمجرد برد أو ارتفاع فى درجة الحرارة كان قلبها يوجعها وتسر طول الليل تعمل كمادات و تعطى مخفض حرارة وانا أدعى يارب يا إبنى اللى فيك من ألم يجى فيه وبعد الشر عنك لو لاحظت ابنى بيحب اكلة اعملها و احرم نفسى منها علشان يستمتع بها كلها ويأكلها بالهناء و الشفاء ولو زعلنى فى مرة منه وغضبت ما أقدرش أكمل اليوم وانا مخاصماه ولو زعلنى وعاوز حاجة منى أعملها قبل ما يطلبها اتوجع لو قال آآآآه فى مرضه واموت من الخوف لو نزل مظاهرة مع أصحابه ولا اهدأ الا لما يرجع بالسلامة واقوله يا ابنى يا حبيبى كفاية حرقة قلب واحده على اخوك أولادى طارق و عمرو همه أغلى حاجة فى حياتى كلها و ربنا يعوضنى عن أخوهم يارب فيهم ولكن لن ابخل بهم فى سبيل اصلاح البلد وبرضه لا زلت على موقفى البنات لا تنزل مظاهرات بلاش بهدلة و قلة قيمة لما أولادنا الرجالة بعد الشر يخلصوا تبقى البنات تنزل انا شاهدت اليوم بعض أمهات الشهداء والله لقد بكيت وكاد قلبى يقطر دما على حزنهم على أولادهم الشباب الورد اللى فتح فى جناين مصر وايه اللى حصل من ساعتها ولا حاجة تبرد دم الامهات حاجة فعلا تحرق الدم ايه نتيجة المحاكمات حتى الآن قلنا نصبر ونعطى فرصة ونحترم القضاء ونحترم الجيش ونحترم المجلس العسكرى ونبهنا على اولادنا فى المظاهرات تظاهروا يا ابنى بأدب و رقى بلاش ابن التيت و ابن العفريت انتم ولاد ناس وبلاش تستخدموا مولوتوف كفاية لوحات مكتوبة وانا ضد العنف و ضد البلطجة اللى دخلت فى المظاهرات ويتظلم أولادنا وفعلا شفت بلطجة وشفت بنات بتشتم بألفاظ نابية و عيب كده ولكن أنا بتكلم عن المظاهرات المتحضرة و امهات الشهداء الابطال ايه اللى تقدم لغايه دلوقتى الامهات محصورة على ولادها وهو نايم زى الفل و بالنظارة الشمس ولا جديد المحاكمات حجبت ربنا يحجب عنهم رحمته يارب يوم القيامه الظالمين جميعا أملهم كان كبير قوى فى مجلس الشعب اللى انتخبناه ولكن حتى الآن ماذا تم هل تم الحكم هل تم القصاص الى متى الصبر قلنا اصبروا علشان الحال يمشى والبلد تتحسن هل البلد اتحسنت آخر أمل لنا كلنا الامهات هو انتخبات الرئاسة ونأمل من ربنا ينصفنا و ينصف البلد اللهم ولى امورنا للاصلح اللهم انتقم من كل ظالم اللهم اسقيه من الكأس اللى شربت من كل ام مكلومه على ابنها وقبلة عرفان بالجميل على جبين كل أم ربت و كبرت وقدمت ابنها فداء للوطن وبدون مقابل اللهم اجعل مثواها الجنة عند الذى لا تضيع عنده الحقوق اللهم اجمعها بابنها فى الفردوس الاعلى من الجنة حيث لا وساطة الا من اتى الله بقلب سليم حيث لا تواطؤ لا تراخى فى محاكمات لا مرافعات عن ظالم و قاتل لا مليارات لا مجلس عسكرى الله أعلم بنواياه حتى الآن و لا أريد ان اسئ الظن لا فلول لا جمل و لا فرس و لا حتى حمار حسبنا الله و نعم الوكيل
__________________
اللهم ياجامع الناس ليوم لا ريب فيه اجمع على ضآلتى سبحان الله وبحمده سبحان الله العظيم |
#2
|
||||
|
||||
رد: أين حق أمهات شهداء 25 يناير
امين امين امين يا رب العالمين
ربنا يرد عليك ضالتك ويقر عينك برؤياه يا رب امين الابتلاء سنة الانبياء ويجعل صبرك وكل ام في ميزان حسناتها يا رب امين |
#3
|
|||
|
|||
رد: أين حق أمهات شهداء 25 يناير
|
#4
|
رد: أين حق أمهات شهداء 25 يناير
اللهم انزل على قلوب الامهات الثكالى الصبر والايمان بان ابنائهم فى دار الحق وفى مكان افضل مما نحن فيه
اللهم ما انزل عليهم سكينتك وازرع الايمان فى قلوبهم واجعل صبرهم على فقدان احبائهم سببا لدخولهم الجنة
__________________
لا اله الا الله ..... محمد رسول الله
سبحان الله وبحمده عدد خلقه ورضا نفسه وزنة عرشه ومداد كلماته وصلى اللهم على سيدنا محمد وعلى آله وصحبه وسلم |
#5
|
||||
|
||||
رد: أين حق أمهات شهداء 25 يناير
آآآآآآآآآآآآمين يا رب العالمين وأى أم فقدت ابنها لا تبغى سوى الدعاء بظهر الغيب بالصبر و السلوان بملاقاة ابنها فى الجنة والمنتقم من قاتليه هو الحق سبحانه و تعالى وأكيد اللى ايده فى الميه مش زى اللى ايده فى النار جزاكم الله خيرا على الدعاء
__________________
اللهم ياجامع الناس ليوم لا ريب فيه اجمع على ضآلتى سبحان الله وبحمده سبحان الله العظيم |
|
|