|
|||||||
| ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
 |
|
|
أدوات الموضوع |
|
|||||||
| ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
|
|
|
أدوات الموضوع |
|
#1
11-10-2011, 06:40 PM
|
||||
|
||||
الى اين يا مصر ؟؟؟؟ ---> دعوة عامة للمناقشة
 اصدقائى واخواتى واساتذتى .. اعضاء مصر موتورز الحقيقه من 11 فبراير وانا مابحاولش انى افكر فى حاجه بتحصل فى مصر وكان اهتمامى فقط منصب على المشاهده والمعرفه فقط لان تفكيرى كان منصب على شىء واحد فقط هو شهر سبتمبر 2011 الشهر اللى كان من المفروض انه يحصل فيه انتخابات الرئاسه منكرش طبعا انى كنت بفكر مع نفسى فى بعض الاسله محاولا ايجاد اجابات لها ولكن دايما ماكنتش بلاقى الاجابه اساله زى .. احنا بقينا فى شهر 5 .. يعنى فاضل 4 شهور ؟؟ مين اللى هيقدم نفسه للترشيح ؟؟ مع العلم ان السؤال دا بالذات كان بيتكرر داخل زهنى مع كل اول شهر لغايه ما اطل علينا المجلس العسكرى بانه هياجلها لشهر 11 ثم لشهر 2 / 2012 ومازالت برضه ماشى وانا ببص على اللى بيحصل من بعيد لبعيد فى انتظار شهر 2 اللى مش ناوى يجى دا وكانى طفل جاب لبس العيد من يوم 11 فبراير 2011 ومش عارف ولا ياكل ولا يشرب ولا يعمل اى حاجه منتظر العيد وهو كل شويه يدخل على دولابه يبص على هدوم العيد ويكويها ويحطلها برفان منتظر العيد اللى هيلبس فيه الهدوم دى اهو العيد دا بالنسبالى هو يوم انتخابات الرئاسه بس الحقيقه اللى حصل امبارح فى ماسبيرو دا خلانى ابص فى النهارده وامبارح والكام شهر اللى عدوا من اول 11 فبراير لغايه النهارده بدأت ابص على اللى حصل فى البلد من اعتصامات ادام الشركات والجامعات ومجلس الوزراء من اضرابات زى اضرابات الدكاتره والمدرسين وعمال المصانع والشركات من مهازل زى مهزلة ماسبيرو 9 اكتوبر و ضرب رئيس شركه مش عارف ايه وغيرها من كوارث زى امبارح برضه فى ان الجيش اللى كل ما يطلع فى محطه تلفزيونيه يقولنا انه لم ولن يشارك فى ضرب او قتل مصرى وان الجيش دا مكانه على الجبهه وبعدين اشوف الفيديو اللى فيه مدرعه بتتمشى على الكورنيش امام ماسبيرو على جثث المصريين رايحه جايه انا عايز بس بالمناسبه افهم حاجه هما اللى كانوا بيقتلوا فى اللى كانوا ادام ماسبيروا امبارح دول .. ليه ؟؟ هل لانهم احدثوا شغب ؟؟ طيب عايز اسأل سؤال .. هل اللى اداهم الامر بان الجيش والقوة اللى كانت بأمن ماسبيرو فشل فى انه يدير الازمه فقرر التخلص من الناس دى ؟؟ طيب هو لو فشل فى انه يدير الازمه ... يطلع يقول انه مش هيكمل لانه مش قادر ولا يبيد الشعب المصرى ؟؟ طيب سؤال تانى ؟؟ الشعب اللى طلع يوم 29 يناير هفت فى عز ما كان بيتضب وبيتقتل وبيصاب بعاهات وعجز جزئى وكلى وهتف وقال (( الجيش والشعب ايد واحده )) وهو هو برضه نفس الشعب اللى وقف مع الجيش يحتفلوا سوى لاول مره بأحتفالات نصر اكتوبر فى التحرير يوم 6 اكتوبر 2011 هل الهتاف دا هيبقى ليه اثر تانى بعد الفيديو اللى شفناه مع بعض دا ايه احساسنا دلوقتى بكل واحد ماشى فى الشارع لابس زى الجيش بعد ما كانت امهاتنا واخواتنا فى الشارع بياخدوهم بالاحضان والوبس وبيدوهم الاكل والشرب علشان يقدروا يكملوا حمايه مصر والمدنيين والمنشأت من اللى كان بيحصل فى مصر فى شهر فبراير ؟؟ طيب بلاش السؤالين دول .. سؤال تالت هل كان المقصود بالقتل هو المسيحيين ؟؟ طيب المسيحين اللى ماتوا دول اخواتهم واقاربهم مش هياخدوا بتارهم ؟؟ طيب هياخدوها من مين ؟؟ طيب من اللى قالهم ان اللى كان هناك دول مسيحين بس اصلا!!! ولو كلهم مسيحين هما يعنى اللى كانوا عند ماسبيرو دول كل المسيحين اللى فى مصر هنقضى عليهم مره واحده ونخلص !! للعلم .. وانا بكتب الموضوع دلوقتى سامع فى التليفزيون اثناء الصلاه على المتوفيين الاقباط فى الكاتدرائيه الارثوزكسيه فيه منهم مجموعه بتهتف (( ارفع راسك فوق .. انت قبطى )) ليه .. ليه الشعار اللى كلنا كنا بنفتخر بيه وليه اسم مصر اللى كان منور شعارنا اللى كان بيحسسنا بالفخر و العزة والكرامه اتغير ؟؟!! ليه الشعار اتغير بعد ما كل واحد فى مصر بعد ثوره يناير كان لازق على عربيته ومحله وبيته انا مصرى .. انا فخور ؟؟ بس كان طبيعى انه يتغير بعد اللى حصل دا المهم .. وانا اسف انى اخدتكم عن الموضوع الرئيسى لكتابتى النهارده ( بس بجد الفيديو استفذنى جدا واخدنى لمشهدين تانيين مع اختلاف بسيط ان فيديو امبارح كانت المركبه مكتوب عليها الجيش .. انما المشهدين التانىين اللى افتكرتهم ان المركبه فى واحده فيهم ان مكتوب عليها هيئه هيئه دبلوماسيه والمركبه التانيه كان مكتوب عليها الشرطه )) المهم .. وهو ليس بمهم اكثر مما كان سؤالى هو مصر رايحه على فين ؟؟ وتحديدا هل اللى بيحصل مننا دا صح ولا غلط ؟؟ هل المعتصمين والمضربين والمتظاهرين هما اللى صح ؟؟ ولا انا والجبهه اللى كنت منضملها وهو جبهه الفرجه والانتظار من بعيد هما اللى صح ؟؟ النهارده انا حطيت نفسى شويه مكان دول لاقيت اللى بيعملوه صح وفى وقته ولما حطيت نفسى فى الجهه المقابله لاقيتهم برضه صح!! فى النهايه انضم لقائمة أسألتى اللى بلا اجابه سؤال اخر اكون ضمن انه حزب فيهم ؟؟؟ لما حطيت نفسى فى الجبهه اللى كنت مضملها فى البدايه .. جبهة الانتظار والفرجه لاقيت اننا صح .. لاننا كنا فى طوفان وغرقه ناس ماتت .. وناس اتصابت وبقت اصحاب عاهات .. ومحلات وشركات اتنهبت وتخربت .. ومنشئات حيويه فى البلد اتحرقت من مصانع وعربيات شرطه واقسام شرطه ( وماحدش يقولى انهم يستاهلوا .. الناس دى ماجابتش العربيات دى و بنت الاقسام دى ن جيبوب ابوهم .. لا دى فلوسنا احنا ودمنا احنا وعرقنا احنا ) .. واقتصاد اتدمر لدرجه ان ايام الثوره منظمة البورصه العالميه افادت ان لو بورصه مصر فضلت فى انحدارها دا هيتم شطبها خالص ورحنا واتبرعنا للبورصه واشترينا اسهم علشان ننعشها تانى من غرفة الانعاش اللى كانت فيها.. ومساجين اتهربت او هربت ايا كان وماحدش بقى متطمن انه هينام الليله سليم ولا لا وخراب لغايه دلوقتى على الدائرى والطرق الصحراويه .. طيب بعد الغرقه دى نهتم الاول اننا نزيل اللى حصل ونصلح اللى كان ولا نزين ونلون ؟؟ وكنت دايما تكيدا على صحة نظريتى بشبه مصر بالعماره الجميله الشامخه على كورنيش البحر .. اللى جه الطوفان وهدمها .. والناس اللى ساكنين فيها اتشردوا واصبحوا بلا مأوى وبدل ما السكان دول يصبروا ويساعدوا فى بنا العماره دى تانى علشان تصبح احسن مما كانت لا .. وقفوا قسموا نفسهم بين مجموعه عايزه تدهن العماره بلون بمبى فى اخضر ومجموعه تانيه عايزه البلكونات كلها فيها قصارى زرع ومجموعه ثالثه عايزه البوابه فيرفورجيه اهو احنا عملنا كده .. انقسمنا برضه بقينا بعد ما كنا فى يناير .. الشعب بقينا .. المسلمين والمسيحيين العمال والفلاحين الدكاتره والمدرسين تعبانيين .. اه تعبانيين بس احنا ياما تعبنا .. وياما صبرنا ايه اللى ممكن يحصل لو صبرنا شويه وبطلنا ننزل التحرير ومصطفى محمود وروكسى لمده شهرين ايه خلاص بقت عاده .. ربنا ما يقطعها ولا مش هنبقى فاضيين لو حد حاول تانى انه يعمل فينا وفى مصر حاجه وحشه ؟؟ ولما كان دا رايي قلت فعلا انا واللى زىى عندى حق ولما حبيت انى اعدى على الجهه المقابله وهو جهه المعتصمين والمتظاهرين والمضربين قلت طيب الناس دى ليها مطالب الناس دى دفعت مقابلها وهو دم ولادها واخواتها الناس دى لو بصينا على مطالبهم هنلاقى انهم عايزين لاما .. زياده المعاشات زياده المرتبات والاجور التثبيت فى اعمالهم برضه علشان زيادة الاجور حد عنده مطالب تانيه وانا معرفش اعتقد ان حتى لو فيه هتلاقيها كلها فى الاخر منفده على الحاله الاقتصاديه للناس طيب ايه المشكله اننا نزودهم هتقولولى ان البلد مافيهاش فلوس ؟؟ يمكن بس ليه ماحدش يطلع يقولنا هيبقى ليه ماحدش يسمعهم ليه ماحدش يوعدهم ليه ماحدش يحطلهم خطه ان شالله تاخد سنه او اتنين تقولهم هيبقى فيه بعدها زيادات وحياه كريمه طيب ماهو انا لو بطلب حاجه من حقى وماحدش عبرنى هعمل اى حاجه علشان الفت نظره ( ودى الطبيعه الانسانيه طبقا لكلام دكاتره علم النفس مش كلامى ) وهو اللى دا حصل الناس دى بدأت بثوره وضحت بأهاليها وقالت لشويه منهم خدوا مصر بقت بيضه مقشره كل الحراميه وصلناهم السجون اعملوا .. اجتهدوا .. خطوا تاريخكم بدماء الشهداء الذكيه ولكن ماحدش سمع طيب نعمل شويه مظاهرات يمكن ياخدوا بالهم .. برضوا ماحدش سمع طيب نعمل اضراب .. برضوا مافيش فايده يبقى فاضلنا حاجه من ثلاثه مالهومش رابع لاما نيأس ونقول انت اللى لينا يارب ونستعوض ربنا فى اللى ماتوا واتعوروا .. ودا مش هيحصل لاما ناخد بعضنا فى اتوبيسات رحلات على ميدان التحرير يوم جمعه ونسميها الجمعه الاخيره وبعد الصلاه والاستغفار من اللى هنعمله نروح نرمى نفسنا فى النيل .. ودا برضه ماعتقدش انه هيحصل لاما نبتدى نعمل زى اللى بيخانقوا دبان وشهم وهنعمل اللى احنا عايزينه بالعافيه مادام الزوق ما نفعش واللى هيكلمنى هـ ....... .. ودا اللى حصل يبقى احنا عندنا حق مادام الناس دى ولا عايزه ترحمنا من تعب 30 سنه فاتوا ولا تشفى غليلنا وصدورنا فى دم شهدائنا اللى راحوا ولا حتى عايزه تسمعنا فى اللى جاى وبين دول ودول انا تايه لك الله يا مصر .. لك الله يا بلادى وحفظكى من كل شر وسوء 
|
|
#2
11-10-2011, 07:24 PM
|
|||
|
|||
رد: الى اين يا مصر ؟؟؟؟ ---> دعوة عامة للمناقشة
يجب أن تجاوب على ما يشابه أسئلتك لكنها من طرف ثاني من الذي يثأر لدم 14 جندي من الجيش المصري ، في أول سابقة في التاريخ يقتل فيها جنود مصريون على يد مصريين جندى مصاب: المتظاهرين أشعلوا النيران داخل عربة بها 14 من الجيش وشاهدت تفحم جثث زملائى عشان نعرف حجم المؤامرة الكبرى أن شركاءنا في الوطن خرجوا ليقتلوا الجيش ليس للتظاهر السلمي تنفيذا لمخطط أعلن عنه في مواقعهم وقنواتهم هنا http://www.ahram.org.eg/Al-Ahram-Files/News/106262.aspx فالجيش أخفى خسائره خوفا من اثارة المسلمين ، ولعب الإعلام المأجور على الحقيقة المشوهة الكاذبة وقال الإعلامي يسري فودة ببرنامج "اخر كلام" إن مصدرا عسكريا قد أكد في تصريحات خاصة لقناة اون تي في بأن المنظومة العسكرية لا يجوز لها أن تفصح عن أي حالات وفاة قد تقع بأي حال من الاحوال من بين أفرادها بالقوات المسلحة مبررا ذلك بأنه قد يتسبب في إحداث آثار سلبية علي الروح المعنوية لبقية جنود الجيش داخل المنظومة. وهنا تجد الذين أشعلوا الفتنة الحقيقيين واسأل من وراءهم وإذا تابعت قناة هذه القناة النصرانية وللأسف موجودة على القمر نايل سات التي تشعل الفتنة ليلا ونهارا ةتستمع لتحريضات المتصلين المصريين وسبهم لديننا ونبينا بل وآلهنا لعلمت من وراء الفتنة
__________________
مَنْ أَصْلَحَ سَرِيرَتَهُ أَصْلَحَ اللَّهُ عَلانِيَتَهُ ، وَمَنْ أَصْلَحَ مَا بَيْنَهُ وَبَيْنَ اللَّهِ كَفَاهُ اللَّهُ مَا بَيْنَهُ وَبَيْنَ النَّاسِ ، وَمَنِ اهْتَمَّ بِأَمْرِ آخِرَتِهِ كَفَاهُ اللَّهُ أَمْرَ دُنْيَاهُ " .
|
|
#3
11-10-2011, 07:34 PM
|
|||
|
|||
|
رد: الى اين يا مصر ؟؟؟؟ ---> دعوة عامة للمناقشة
إن شنودة الآن يراهن علي عمل كارثة تسمح له بطلب الحماية الدولية من بابا الفاتيكان وإثيوبيا وإسرائيل مثلما قال المتحدث الرسمي بأفكاره موريس صادق في بياناته ، وهو بذلك يلعب بالنار .. ويعرض أبناء الطائفة للخطر قبل أن يعرض المسلمين .. فصواريخ حلف الناتو التي ينتظرها شنودة لن تفرق بين مسلم ونصراني .. القنابل العنقودية التي ينتظرها شنودة ستنزل فوق رؤوس الجميع .. الطائرات التي تعمل بلا طيار لن تفرق بين الكنائس والمساجد .. هذا إن افترضنا أن أمريكا المنهارة ستشن حرباً علي مصر من أجل وقف ما يُسمي ” اضطهاد الأقباط ” الذي يروج له شنودة ، ولذلك فإن ما يفعله شنودة يضر بالنصاري ضررا بالغاً .. ××××××××××××× .. وكم كان رائعاً شاعر العربية الأكبر المتنبي عندما قال: يُقْضَى على المرءِ أيامَ محنتِهِ حتى يَرَى حَسَناً مَا لَيْسَ بالحَسَنِ لذا يا شنودة لا تلعب بالنار .. فلن ينفعك حلف الناتو ولا مجلس الكنائس العالمي ولا أمريكا ولا كيان القردة والخنازير ، واعلم أن مصر دولة موحدة منذ آلاف السنين وستظل بإذن الله
__________________
مَنْ أَصْلَحَ سَرِيرَتَهُ أَصْلَحَ اللَّهُ عَلانِيَتَهُ ، وَمَنْ أَصْلَحَ مَا بَيْنَهُ وَبَيْنَ اللَّهِ كَفَاهُ اللَّهُ مَا بَيْنَهُ وَبَيْنَ النَّاسِ ، وَمَنِ اهْتَمَّ بِأَمْرِ آخِرَتِهِ كَفَاهُ اللَّهُ أَمْرَ دُنْيَاهُ " .
التعديل الأخير تم بواسطة حازم شاهين ; 12-10-2011 الساعة 11:24 AM
|
|
#4
11-10-2011, 09:43 PM
|
||||
|
||||
|
رد: الى اين يا مصر ؟؟؟؟ ---> دعوة عامة للمناقشة
متابع..............
__________________
وأتت ملائكة النعيم كما روت* روحي بطون أكفها خضراء* صعدت بروحك والعبير يحفها* والنور ترسم دربه الأنواء* شرقت حشاشات النحيب وأينعت* وشوى الأنين قلوبنا فتفطرت*خلف الجفون دموعنا الخرساء* أكبادنا فبكاؤنا إيماء*
|
|
|
|
