من الأخر كل اللى بتدور عليه موجود هنا BYD F3 دى قنبله

[moataz.ghoneim]

فعلا عربية ممتازة
بس يارييييييييييييييييييت الناس تفهمها

[mimo4019]

المشاركة الأصلية كتبت بواسطة corsair هيه عربية جميله فعلا بس كشكل فقط لكن كاداء لسه مشوفناش منها اي حاجه لانها لسه جديدة وربنا يبارك لاصحابها

العربية موجودة في مصر أواخر 2006 بس كانت بتستورد جاهزة من الصين لكن بدأ تجميعها في مصر السنة اللي فاتت وأول انتاج كان في شهر يناير السنة دي تقريباً
وفعلا محدش ظهر معاه عيوب غير حاجات بسيطة جدا لا تذكر يعني.
حكاية التوكيل دي بقا في ناس فعلا اشتكت من المركز اللي في العباسية بس المركز اللي في اسكندرية شكروا فيه جامد وفي مركز افتتح جديد في القطامية للبي واي دي فقط يعني مش للادا مش عارف بقا هيكون نظامه ايه

يا جماعه انا مبهاجمش العربية لاسمح الله انا بس نفسي الناس هنا يكون عندها شوية ضمير والعربيات تنزل بنفس المواصفات اللي بتنزل للدول التانية وتوكيلها يكون محترم ويقدر العميل

[samehstorz]

المشاركة الأصلية كتبت بواسطة corsair يا جماعه انا مبهاجمش العربية لاسمح الله انا بس نفسي الناس هنا يكون عندها شوية ضمير والعربيات تنزل بنفس المواصفات اللي بتنزل للدول التانية وتوكيلها يكون محترم ويقدر العميل

طبعا انت عارف كم من الشركات الكبرى فى صناعة السيارات موجودة فى السوق المصرى
علشان تجيب منتج جديد و ياكل السوق زى ما بقولوا يبقى لازم تطبق نظريه الصين الجديدة فى هذا المجال و هى بيع رخيص تكسب كتير و نتيجة الكلام دا واضحة على الطرق المصرية
و معلش يا جماعة دى عربيه مش ريسيفر استرا .... و فى اسبانيا العربيه دى عامله شغل عالى اوى ... فى مقارنه بين )اوبترا(BYD F3 и Chevrolet Lacetti و الفيديو عندى
و فى حاجة كمان Chevrolet هتنزل صينى من 2012

[elmanahry]

سيارة من ناحية الشكل الخارجى والتابلوه اخر فخامة موتور ميتسوبيشى صناعة الصين العفشة كورولا الفتيس ميتسوبيشى العربية عالية عن الارض يعنى تنفع المطبات الصناعية والزراعية بها اتنين ايرباج وفرامل ABS &EBD استيريو اخر روقان فى الصوت وصلة MP3 راديو وكاسيت CD التابلوه منور وكريستال وDIGITAL وفيه بوصلة كهربائية فى المراية مخادع راس للكنبة الورانية نور للصالون الامامى جنوط اسبور الضوء الواطى يعمل اوتوماتيك عن دخولك نفق مظلم لمبة شبورة خلفية شمال ريموت وانذار حساسات ركن واريال مدمج فى الزجاج وفرش جلد مخرم علشان التهوية وفتحة سقف فى الموديل الاوتوماتيك والسيارة ثبتت وجودها فى مصر سعرها الان تجميع مصرى مايفرقش عن الصينى 65 الف جنيه مع ان الاستاذ اولد مان مشرف القسم الصينى كان شاريها ب82 الف جنيه شوفت فى الصيانة سيارات اصحابها طحنوها اشغال شاقة اللى عامل 60 الف واللى 70 ولم ياتوا الا للصيانة الدورية العيب الوحيد فى السيارة انه ليس بها لمبات ضباب امامية بيتباعوا فى محل قطع غيار فى التوفيقية ب 55 جنيه فقط والمحل يبيع كل شئ تقريبا فى الل BYD F3 باسعار لاتصدق فى التدنى عايزين ايه يامصريين بعد كل المواصفات