اسبرانزا تيجو - مميزات و عيوب

[fahimides]

سلام عليكم

اولا شكرا جزيلا علي الموضوع ده, بجد مفيد جدا

ثانيا انا ناوي اشتري تيجو 1600 ان شاء الله بس احد اصدقائي قالي انها بتسخن بسرعه جدا و طبعا ده عيب خطير خصوصا في الحر الأحنا عايشين فيه ده

فياريت لو حد من العندهم العربيه يقولي هل هي بتسخن جامد فعلا ولا لا؟؟!!

[kholio2005]

المشاركة الأصلية كتبت بواسطة aymanlaw أنا أسف نسيت اشكر صاحب الموضوع وحب ان اقول له انه انسان موضوعى ومتحضر وصريح ,وهذا ماأستنتجته من خلال مناقشته مع الأخ الذى كان معترض على الموضوع ...انابأشكرك لحسن اخلاقك ياأخ خوليو---وعلى فكرة انابورسعيدى زيك ,ولكن مش ده السبب الذى على اساسه انى بتحيز لك ,لالالالالالالالالاوالله ولكن لأنك بجد شرحت كل شىء بصراحة وحيادية ---بارك الله فى عربيتك ومبروك عليك ولونها جت متأخر يمكن لأكثر من سنة---كل سنة وحضرتك طيب وعيد سعيد عليك.وبرجاء موافتنا بلتقارير الجميلة عن الجميلة تيجو,برجاء متبخلش عن محبى التيجو بتقاريرك الصريحة المفيدة للجميع ---والى لقاء:GROWIN~12 :: balloons71:

متشكر جدا على ذوق حضرتك
يمكن انا مش متخصص اوى بعمل تقارير , وللاسف مش دايما متواجد بالمنتدى نظرا لظروف العمل ,اللى خلانى عملت التقرير ده كان بناء على طلب احد الاخوة الكرام فى المنتدى اول ماجبت العربية
العربية معايا بقالها سنتين و شهرين تقريبا (عاملة حوالى 14000 كيلو) والحمد لله ماشية معايا كويس جدا يمكن محصلش معايا حاجة مؤثرة الى الان الا اما كانت لمبة الدينامو بترعش بس تم تغييره فى الضمان وحصلت تانى من حوالى شهرين فتم فك الدينامو وصنفرة الموبينة و اشتغل بعدها تمام

وكل سنة و انت طيب

[kholio2005]

المشاركة الأصلية كتبت بواسطة misho777 السلام عليطم اولا وثانيا كل عام وانت بخير انا لم اكمل بالسيارة 13000 كموالسحب ضعيف فى اول المشى وايضا فى الطرق السريعة لم تجمع معى سوى 120 كم/ساعةبالعافية على الغيار الخامس ويوجد عضة فى الفتيس عند الغيار الثالث وانا مواظب عالى الصيانة فى مواعيدها وفى كل مرة ادفع فاتورة ما عدا مرتين وضع لى شوية شحم على الفتيس وقال كله تمام ومازات المشكلة كما هى وسئلت ناس متخصصة فقالوا الفلاتر غيرت الفلاتر بلا جدوى فقالوا لى يوجد عيب بأسطوانة الدبرياش والتوكيل يقول كله تمام والسيارة 1600 سى سى موديل 2010 وانا دافع 6 فواتير للتوكيل كصيانة بعد صيانة ال10000 وتغيير الزيت والفلتر وغيرت البوجيهات وبعد ثلاث شهور الى منذ اسبوعين ذهبت للصيانة وغيرت فلتر الهواء وفلتر البنزين انت تعرف ان الصيانة بالتوكيل كل 5000كم او كل 3 شهور واستعملت بنزين 95 دون جدوى واستعملت ألأضافات مع كل تفويلة دون جدوى وانا طبعا استعمل بنزين 92 وعندما يعطينى الوؤشر ثلث التنك اقوم بتفويله واحيانا عند النصف تجنبا للرواسب وكل شهر اذهب اغسيل السيارة من اسفل فة محطة بنزين محترمة بمنطقة سموحة . فماذا افعل العيب عيب السيارة انا ركبت انواع كثيرة من السيارات لكننى لم ارى اسواء من ألأسبيرانزا

كل سنة وانت طيب , و ان شاء الله تتحل كل مشاكلك مع العربية بالنسبة لكلام حضرتك كنت عايز الف نظر حضرتك الى الاتى :
-علشان العربية تسحب معاك حوال دايما تنقل على الر بى ام اما يبقى 4
واما يكون التكييف شغال (بمعنى لو انت ماشى على التالت و كنت ماشى مثلا على 70 و هديت لحد 20 !و 25 علشان تسحب معاك لازم تجيب التانى (اعتقد ان ده مش عيب ده راجع لتصميم الموتور نفسه)
بالنسبة للطرق السريعة علشان العربية تسحب معاك فوق ال120 يفضل انك تقرص على الغيار الرابع لحد الر بي م يبقى على 4 أو 4.50 بعد كدة هات الخامس
بس ده مش فى كل الطرق لان ساعات الطريق نفسه بيقى طالع شوية فبيقى محتاج عزم اكتر(برده اعتقد ان الخامس مش بتاع سحب يعنى بس انه بيريح الموتور)
على سبيل المثال ساعات وانا على طريق بورسعيد القاهرة فى بعض الاوقات وانا على الخامس العربية مش عايزة تعدى ال140 مهما اكبس بنزين فحين على طريق السخنة جبت بالعربية 180 ودى كانت اول مرة اجيب فيها السرعة دى
- بالنسبة للصيانة , للاسف مش كل الناس الى شغالة فى التوكيل بتبقى فاهمة شغلها مع المفروض يكون اللى بيشتغل فى التوكيل يكون على اعلى مستوى
فحاول تخلى بالك على اد ماتقدر من الصنايعية لان ممكن يقولك غير حاجة و ميكنش العيب فيها اصلا
يمكن انا مش منتظم فى الصيانات اوى يعنى ممكن اروح كل 8 او 9 شهور مرة لان مش فضيلهم بصراحة بس الى الان الحمد لله مغيرتش بوجيهات ولا فلتر هوا ولا بنزين ولا اى حاجة من دى مع اخر صيانة روحتلهم بس علشان اغير زيت اما عملت 10500 كيلو
- حاول متكرهش العربية علشان قابلتك مشاكل من التوكيل او من العربيةبس ياريت تشوف صنايعى او حد يكون بجد فاهم لان خالى بالك ده كان ممكن يحصل فى اى نوع عربيات تانى حتى لو المانى او يابانى
وربنا يوفقك لما فيه الخير ان شاء الله

[kholio2005]

المشاركة الأصلية كتبت بواسطة fahimides سلام عليكم اولا شكرا جزيلا علي الموضوع ده, بجد مفيد جدا ثانيا انا ناوي اشتري تيجو 1600 ان شاء الله بس احد اصدقائي قالي انها بتسخن بسرعه جدا و طبعا ده عيب خطير خصوصا في الحر الأحنا عايشين فيه ده فياريت لو حد من العندهم العربيه يقولي هل هي بتسخن جامد فعلا ولا لا؟؟!!

شوف حضرتك هى بتسخن اما تكون ماشي على سرعات بطيئة و ماشى على الاول و الثانى المؤشر بيكون تقريبا على النص بس عمره مابيعدى النص مهما كانت درجة الحرارة عالية اما على السفر او اما بتشغل التكييف المؤشر بينزل شوية عن النص

اعتقد ان ده العادى فى اى عربية

[transporter]

بسم الله الرحمن الرحيم :تحية طيبة لكل أعضاء المنتدي الذين شرفت بان أكون أحد أفراده وأعتذر لكل من تفضل بالمرور علي صفحتي سابقا"ووجدها خاوية.ورغم عدم تقديمي مساهمات مثمرة من قبل وهو ما الأعتذر عنه بشدة_لكنني قد لا أكون مبالغا إذا ما وصفت نفسي بأنني متابع جيد لأغلب مساهمات السادة أعضاء المنتدي القديم منها والحديث_ولي رجاء كلي ثقة أنه بإذن الله أنه سيحظي بإهتمام ذوي الخبرة خصوصا_وباقي الأعضاء عموما"_ألا وهو>أنا أحتاج لسيارة ذات7مقاعد_فهل يمكن إضافة كنبة خلفية للتيجو_إذا ما قمنا بتحريك مقعد القيادة والراكب الأمامي وصف المقاعد من خلفهم للأمام_فهل تتسع باقي المساحة الخلفية لهذا التعديل؟مع الأخذ في الإعتبار إرتفاع أرضية السيارة بالمنطقة الخلفية قليلا_وكنبة أي موديل هي التي يصلح إضافتها؟أم أغير إتجاهي وأشتري ج تيريوس7م مستعملة_رغم أني لا أرغب بشراء مستعمل لقناعتي بأن عمر السيارة الإفتراضي مرتبط بجودة الإستعمال من أول يد_وخبرة المشتري الأول للسيارة خصوصا أول5000كم وإستخدام أجود الزيوت المناسبة لنوع الموتور والفتيس وإجمالا معاملتها علي أنها سيدة رقيقة وجميلة تربطك بهاعلاقةحب عذري