ناوى اشترى سكودا a5 محتاج آرائكم

[MOSTAFA_AHMED]

لو سمحتم يا جماعة انا رحت عند معرض لقيت عنده سكودا a5 موديل 2006 فابريكة وعلى كلامه مش محتاجة اى مصاريف وماشية 80 الف كيلو ستبرونيك من غير فاتحة سقف وسعرها 91 الف بس اكيد ساعة الشرا حتقل عن كدة المهم كنت سائل فى موقع تانى واحد قالى ان السعر كتير اوى المفروض فى حدود 80 بالكتير الكلام ده صح يا جماعة ولا ايه يا ريت عن تجربة انا بس عايز اعرف نظام سعر العربية الفعلى ساعة ما الواحد ما يشترى كام عشان ميضحكش عليا , تانى حاجة ناس كتير مخوفنى من المستعمل انا عجبانى العربية وشايف طالما انها حاجة المانى خلاص وحكشف عليها ولو نضيفة يبقى تمام انتو ايه رأيكم ؟؟

[yoyo_1989]

انا معايا A5 خليجى 2007 العربية عموما ممتازة بس عيوبها
1- التكييف بيبقى محتاج شحن فريون كل سنة و نص و ممكن العيب ده معايا انا بس .
2- و ده الاهم قطع الغيار ناااااااااااااار طبعا "الاصى" اما الصينى فمعقول .
على سبيل المسال " انا مش عايز خالص اخوفك " عاندى نتشة جامدة فى العربية روحت لميكانيكى قال لى دى عايزة بلف فتيس ب10000 جنيه بس انا لسة عايز اروح بيها للتوكيل علشان اتأكد و اسأل عليه فى التوكيل و بره التوكيل
اما بالنسبة لاسعار المستعمل فانا اسف معنديش خبرة فى حكاية الاسعار دية

[محمد اشرف]

يا باشا السعر ده جميل جدا ومش هتلقيه نهائى والى بيقولك فى الثمنينات ده مش بيشوف اسعار المستعمل والموديل ده كتير الى فى الثمنينات دى ال A4 مش ال A5 حتى الى بيبيع مش عارف عربيته A4 ولا A5 وانا بتاكد منه وفى الاخر اعرفه وافهمه انها A5 والسعر ده وفى العربيه دى جميل جدا ومش هتلاقيه كتير الا لو عربيه عيزه شغل

[MOSTAFA_AHMED]

المشاركة الأصلية كتبت بواسطة yoyo_1989 انا معايا A5 خليجى 2007 العربية عموما ممتازة بس عيوبها 1- التكييف بيبقى محتاج شحن فريون كل سنة و نص و ممكن العيب ده معايا انا بس . 2- و ده الاهم قطع الغيار ناااااااااااااار طبعا "الاصى" اما الصينى فمعقول . على سبيل المسال " انا مش عايز خالص اخوفك " عاندى نتشة جامدة فى العربية روحت لميكانيكى قال لى دى عايزة بلف فتيس ب10000 جنيه بس انا لسة عايز اروح بيها للتوكيل علشان اتأكد و اسأل عليه فى التوكيل و بره التوكيل اما بالنسبة لاسعار المستعمل فانا اسف معنديش خبرة فى حكاية الاسعار دية

شكرا جدا على الرد بالنسبة لقطع الغيار انا سمعت ان اسعارها بالمقارنة بالالمانى مش غالية اوى ده غير انها معمرة انا لقيت واحد كاتب فى موضوع متثبت ان الفانوس الأمامى الأصلى فى التوكيل ب 900 جنيه لو ده صح فعلا انا شايف انها تمام و اسعار حاجات الفتيس والجير بوكس وكدة دى غالية فى كله حتى الكورى :D

يا باشا السعر ده جميل جدا ومش هتلقيه نهائى والى بيقولك فى الثمنينات ده مش بيشوف اسعار المستعمل والموديل ده كتير الى فى الثمنينات دى ال A4 مش ال A5 حتى الى بيبيع مش عارف عربيته A4 ولا A5 وانا بتاكد منه وفى الاخر اعرفه وافهمه انها A5 والسعر ده وفى العربيه دى جميل جدا ومش هتلاقيه كتير الا لو عربيه عيزه شغل

فعلا انا قلت كدة برضه انا اصلا متابع اسعار المستعمل من زمان على contact cars والسعر ده تمام اوى هو فى ناس بتضرب سعر فى العالى 100 بس اكيد بتخلص على 90 لاننا بشوف حاجات عجيبة عربية 2005 مشيالك اكتر 100 الف كيلو وصاحبها يحط عليها 100 !!

[محمد اشرف]

صح كلامك صح بيحطوا سعر عالى اوى فى العربيه دى عشان كده بقولك لو العربيه دى وبالنضافه دى والسعر ده تكون جميله جدا