هو احنا رايحين على فين

[sad-bird]

المشاركة الأصلية كتبت بواسطة lol64 اللهم اضرب الظالمين بالظالمين واخرجنا منها سالمين

طيب لما ربنا يضرب الظالمين بالظالمين ويخرجنا منه مسالمين احنا يبقى دورنا ايه ياعم علاء
نقف نتفرج
يبقى احنا علمنا زي بنو اسرائيل لما قالو لسيدنا موسي اذهب أنت وربك فقاتلا إنا ههنا قاعدون

بسم الله الرحمن الرحيم
""قالوا يا موسى إنا لن ندخلها أبدا ما داموا فيها فاذهب أنت وربك فقاتلا إنا ههنا قاعدون """
صدق الله العظيم

[حازم شاهين]

إللى بيحصل ده طبيعى فى فترة إنتقالية زى إللى إحنا فيها دى
و كمان الطبيعى إن الناس تبقى ليها وجهات نظر مختلفة مش معقول كلنا نبقى فى إتجاه واحد

طالما بننادى بالحرية و الديموقراطية يبقى طبيعى نسمح لكل الناس إنها تعبر عن رأيها و وجهات نظرها بحرية

واحد يعجبه الحكومة و احد يأيدها
واحد يحب شخص و واحد يختلف معاه
و هكذا

و المطالبات الفئوية إللى منتشرة حاليا سببها السنين الطويلة من الحرمان من التعبير عن الرأى و الحرمان من القدرة على التغيير صحيح شكلها فوضوى و مضر لكن بمرور الوقت هتقل الفورة دى و اﻹحتجاجات و يبتدى الناس تانى تفكر فى المصلحة العامة قبل المصلحة الشخصية الضيقة و خصوصا لما يبتدى الناس العادية حس إن النظام إتغير فعلا و إن فيه أمل فى اﻹستماع ليهم و لمشاكلهم و إن فيه خطوات فعلا بتتم على أرض الواقع

كل ما تتاخد خطوة فى اﻹتجاه الصحيح كل ما الناس تتطمن أكتر و تقل إحتجاجتهم و مطالباتهم الفردية

لكن فى الفترة اﻹنتقالية لسه مفيش نظام محدد للتعبير عن اﻹختلاف فى وجهات النظر بطريقة منظمة

و ده إللى المجتمع بيحاول يعمله دلوقتى
المجتمع ممثل فى رموزة و أصحاب الفكر و الثقل و التأثير بيحاولوا يوضعوا نظام جديد للدولة يكون مكفول فيه السماح بحرية التعبير عن الرأى و يكفل القدرة على الفعل و التغيير بطريقة منظمة و سلمية

و وضع النظام ده فى حد ذاته بياخد فترة
و اللى بياخد فترة أكبر هو تغيير سلوك و قناعات أفراد المجتمع
لغاية ما يبقى أغلب أفراد المجتمع مقتنعين بسيادة القانون

و إن اﻹلتزام بالقانون ناتج عن إحترام القانون مش ناتج عن الخوف من الشرطة أو العقاب

لكن فى النهاية الدولة المصرية دولة قوية و صلبة و إحتمال تفككها إحتمال صعب
و الفوضى الدائمة غير مسموح بيها فى دولة محورية زى مصر
غير مسموح بيه من شعبها قبل ما يكون غير مسموح بيه دوليا

إستقرار و أمن مصر معناه إستقرار و أمن منطقة الشرق اﻷوسط و العالم كله

و قيمة مصر و أهميتها دى مش طنطنه فارغة لكن ده حقيقة تاريخية و جغرافية و دولة بحجم مصر و أهميتها لا يمكن أن تظل فى حالة عدم إستقرار لمدة طويلة
و المجلس اﻷعلى فاهم كده كويس
و الشعب أغلبه فاهم كده كويس
و باقى دول العالم فاهمين كده كويس جدا

مصر رايحة للأحسن إن شاء الله

[حازم شاهين]

إللى بيحصل ده طبيعى فى فترة إنتقالية زى إللى إحنا فيها دى
و كمان الطبيعى إن الناس تبقى ليها وجهات نظر مختلفة مش معقول كلنا نبقى فى إتجاه واحد

طالما بننادى بالحرية و الديموقراطية يبقى طبيعى نسمح لكل الناس إنها تعبر عن رأيها و وجهات نظرها بحرية

واحد يعجبه الحكومة و احد يأيدها
واحد يحب شخص و واحد يختلف معاه
و هكذا

و المطالبات الفئوية إللى منتشرة حاليا سببها السنين الطويلة من الحرمان من التعبير عن الرأى و الحرمان من القدرة على التغيير صحيح شكلها فوضوى و مضر لكن بمرور الوقت هتقل الفورة دى و اﻹحتجاجات و يبتدى الناس تانى تفكر فى المصلحة العامة قبل المصلحة الشخصية الضيقة و خصوصا لما يبتدى الناس العادية حس إن النظام إتغير فعلا و إن فيه أمل فى اﻹستماع ليهم و لمشاكلهم و إن فيه خطوات فعلا بتتم على أرض الواقع

كل ما تتاخد خطوة فى اﻹتجاه الصحيح كل ما الناس تتطمن أكتر و تقل إحتجاجتهم و مطالباتهم الفردية

لكن فى الفترة اﻹنتقالية لسه مفيش نظام محدد للتعبير عن اﻹختلاف فى وجهات النظر بطريقة منظمة

و ده إللى المجتمع بيحاول يعمله دلوقتى
المجتمع ممثل فى رموزة و أصحاب الفكر و الثقل و التأثير بيحاولوا يوضعوا نظام جديد للدولة يكون مكفول فيه السماح بحرية التعبير عن الرأى و يكفل القدرة على الفعل و التغيير بطريقة منظمة و سلمية

و وضع النظام ده فى حد ذاته بياخد فترة
و اللى بياخد فترة أكبر هو تغيير سلوك و قناعات أفراد المجتمع
لغاية ما يبقى أغلب أفراد المجتمع مقتنعين بسيادة القانون

و إن اﻹلتزام بالقانون ناتج عن إحترام القانون مش ناتج عن الخوف من الشرطة أو العقاب

لكن فى النهاية الدولة المصرية دولة قوية و صلبة و إحتمال تفككها إحتمال صعب
و الفوضى الدائمة غير مسموح بيها فى دولة محورية زى مصر
غير مسموح بيه من شعبها قبل ما يكون غير مسموح بيه دوليا

إستقرار و أمن مصر معناه إستقرار و أمن منطقة الشرق اﻷوسط و العالم كله

و قيمة مصر و أهميتها دى مش طنطنه فارغة لكن ده حقيقة تاريخية و جغرافية و دولة بحجم مصر و أهميتها لا يمكن أن تظل فى حالة عدم إستقرار لمدة طويلة
و المجلس اﻷعلى فاهم كده كويس
و الشعب أغلبه فاهم كده كويس
و باقى دول العالم فاهمين كده كويس جدا

مصر رايحة للأحسن إن شاء الله

[مهند سالم]

رايحين على كل خير إن شاء الله تعالى، ونحن في رباط إلى يوم الدين كما أخبر المعصوم صلوات الله وسلامه عليه.
لا يوجد أسوأ مما كنا فيه، والحمد لله عدينا بأقل الخسائر، وخلصنا من نظام كان أسوأ من الاحتلال حسب وصف كثير من المحللين، فالاحتلال الإنجليزي لم يسرق مصر كما سرقها هذا النظام.
أبشروا فما هو قادم أفضل بإذن الله.
وتعاونوا على البر والتقوى ولا تعاونوا على الإثم والعدوان.
بدل ما نسأل إحنا راحين على فين، ننزل نشوف بلدنا محتاجة إيه ونعمله:
1- محتاجة لجان شعبية تاني عشان نحميها من البلطجية، مفيش مشكلة، نستأذن الجيش ونعمل.
2- محتاجة نتبرع عشان البورصة تقوم على رجليها، مفيش مشكلة نتبرع.
3- محتاجة ننزل ننظف ونجمل، مفيش مشكلة، ننزل.
خليك إيجابي وحط إديك في إيد أخوك وحاول تصلح، صدقني لو اتجهت للفعل، هتبطل تسأل.

[sad-bird]

المشاركة الأصلية كتبت بواسطة مهند سالم رايحين على كل خير إن شاء الله تعالى، ونحن في رباط إلى يوم الدين كما أخبر المعصوم صلوات الله وسلامه عليه.

صلى الله عليه وسلم

المشاركة الأصلية كتبت بواسطة مهند سالم لا يوجد أسوأ مما كنا فيه، والحمد لله عدينا بأقل الخسائر، وخلصنا من نظام كان أسوأ من الاحتلال حسب وصف كثير من المحللين، فالاحتلال الإنجليزي لم يسرق مصر كما سرقها هذا النظام.

لا فيه اسوأ مما نحن فيه ايام الاحتلال وحضرتك تقدر تراجع كتب التاريخ الحقبة من الخديوي اسماعيل وحتى خروج الملك فاروق

المشاركة الأصلية كتبت بواسطة مهند سالم أبشروا فما هو قادم أفضل بإذن الله.

نتمنى من الله عز وجل النصر والافضل لنا جميعا

المشاركة الأصلية كتبت بواسطة مهند سالم وتعاونوا على البر والتقوى ولا تعاونوا على الإثم والعدوان. بدل ما نسأل إحنا راحين على فين، ننزل نشوف بلدنا محتاجة إيه ونعمله: 1- محتاجة لجان شعبية تاني عشان نحميها من البلطجية، مفيش مشكلة، نستأذن الجيش ونعمل. 2- محتاجة نتبرع عشان البورصة تقوم على رجليها، مفيش مشكلة نتبرع. 3- محتاجة ننزل ننظف ونجمل، مفيش مشكلة، ننزل. خليك إيجابي وحط إديك في إيد أخوك وحاول تصلح، صدقني لو اتجهت للفعل، هتبطل تسأل.

مين قال لحضرتك ان التعاون محصلش
للأسف حصل لكن جهود الافراد غير جهود المؤسسات وبما ان ولله الحمد مفيش مؤسسات موجوده يبقى اللي جاي كده هيبقى خراب
وابسط نموذج على التعاون واللجان الشعبية
المنطقة عندنا عملنا لجان ونزلنا نضفنا الشوارع الرئيسية وفي ترتيب للشوارع الفرعية وكانت الناس بتنزل تسأل وهيا فرحانه انتو هتيجيو عندنا امتى ( يقصدوا الشوارع الفرعية )
وكان الرد
الشوارع الرئيسية اصبحت تاني يوم اكوام من القمامة مرة اخرى ووكانك يا ابو زيد ما غزيت
شوفت الديموقراطية
شوفت النظافة
شوفت التطور
شوفت التعاون
ايه رايك


نموذج تاني
مدمني البانجو
اي نعم كانو موجودين وبيتعاطو قدامنا
لكن كان فيه كام مخبر بيخافو منهم ومكنوش بيقدروا يظهرو كثير
النهاردة بقى عيني عينك كده ماشي ومعاه علبة السجاير ملغمة بانجو وبيشرب وبيهيس براحته ويعاكس في بنات الناس
وطبعا مفيش سيطرة لان كله بقى خايف من كله

الشرطة خايفة تتعامل مع دول يبقى الشعب هيقوم عليهم
والناس الغلابة والابرياء خايفين يتعاملوا معاهم ينوبهم مطواة في وشهم والا شوية ميه نار ياخدو بيها علامة مميزة على جبينهم
والا بنت تفقد نفسها علشان فكرت تنزل الشارع
وللأسف اهالي الولاد دي مش قادرين عليهم وطبعا مفيش مستشفيات تلم العدد ده كله ولا شرطة تقبض عليهم وزي ما قلت قبل كده الشرطة خايفين يتعاملو مع اي حد والا هيكون مصيرهم زي حادثه المعادي اللي الكل قام فيها على الظابط وفي الاخر طلع السواق هو اللي اتبلطج