جمعة الغضب - تغطية لاحداث الثورة من 24 يناير 2011

[احمد بدر1978]

أدان الشاعر الكبير عبد الرحمن الأبنودى استخدام الأمن للقوة المفرطة ضد المتظاهرين، وما سماه بعمى النظام تجاه انتفاضة الشباب، ووجه كلمة إلى جموع الشباب فى ميادين القاهرة والمحافظات، قائلاً: أنتم أمل هذا البلد العظيم، والتجارب أثبتت أن الشباب إذا ما انتفضوا لا يعودون إلى منازلهم إلا ليستريحوا أو ليناموا ساعة ثم يعودون إلى واجبهم الوطنى، ويجب أن تنبه الدولة أن ما صنعته سابقا بشعبها وما تصنعه الآن بشباب مصر الطاهرين، فهؤلاء الشباب الذى حوصروا وضربوا واعتقلوا وأصيبوا وماتوا لم يذنبوا فى شيئاً وكل همهم أن يروا بلدهم فى أحسن حال.

وأضاف الأبنودى: التسلط والحكم اللاديمقراطى التعسفى يعمى دائماً فى اللحظات الحرجة ويفقد البصيرة لأن بصيرته أصلاً ضيقة الحدود ولا ترى إلا المصالح البسيطة الخاصة، ولا تستطيع أن تقرأ الواقع جيداً، فهذه الجولة من الانتفاضات هى بروفة لجولات قادمة اكتشف الشباب فيها أنهم قادرون على الموصلة والاستمرار، وأشاد الأبنودى بالنهج الجديد الذى اتبعه المتظاهرون لحث الناس على المشاركة، قائلاً: نداء المتظاهرين على من فى البلكونات وشعاراتهم الخاصة بالدعوة لانضمام الناس دليل على وعى شديد يتجاوز وعى النظام ولن تفلح ادعاءات الداخلية التى تحاول إيهام الناس بأن قوى متسللة أو قلة مندسة هى التى تتظاهر، فقد شبع الناس من هذه التبريرات البالية.

ووجه الأبنودى كلمة للنظام الحاكم، قائلاً: على النظام أن يدرك أن ألاعيبه القديمة لم تعد تصلح لعصر سيطرة الشباب على الشارع وأتعجب كيف لم تقرأ الدولة روعة الشارع التونسى وما حققه، وكيف حاولت إخفاءه وكأن إخفاء الظاهرة التونسية من الجرائد القومية قادر على إخفائها من عقول الشعوب العربية ليظل النظام فى توجهاته يحمى مصالحه بالشرطة ويفعل فى الشباب ما رأيناه من قسوة المواجهة وفاشستية القمع، لكن الشارع فى النهاية لأصحابه وأصحابه هم شباب مصر الطاهرين.
منقول اليوم السابع

[nktis]

لا حول ولا قوه الا بالله...
كده انا فهمت ....
في المنطقه عندنا نظرا لكونها صحراويه وبعيده عن المدن الكبري فعاملين معسكر امن مركزي
من يومين بيتدربوهم في المعسكر علي ضرب قنابل الغاز لان الجو كان بايظ بالادخنه السامه والنهارده وانا جاي صف عربيات امن مركزي طالعه والظاهر انها مسافره لان مفيش اي مظاهرات هنا...
ربنا يسترها

[Explorer]

الحزب الوطني يعترف: ''تفهّمْنَا مطالب الشعب''


المصدر : مصراوي

[sad-bird]

المشاركة الأصلية كتبت بواسطة mido-spicy ههههههههههه واضح انك سبقتنى كمان فى الخبر بتاع احتجاز الطلاب خلاص كمل انت بس ماتفوتش خبر بص بقى انا اقولك على حاجه حلوه بلا مظاهرات بلا وجع قلب انت تكتب الاخبار وكل خبر تفوته ب 1 ج عليك ؟ ايه رايك؟

لا ياعم كده الموضوع واقف عليا بخسارة
وبعدين انا عامل مركز اخبار من الصبح لوحدي ومفيش حد عاوز يعبرني ويشجع لما الواحد حس انه بيخرف وبيكلم روحه
مليش دعوة بقى انا عاوز عمولتي
يا ابو نوراااااااااااا
يا ابو شاهييييييييين
يا ابو خضرررر
انا عاوز عمولتي
العمولة يا اما بلاش حاجة غيرها متنفعناش
هههههههههههههههه
ايه رأيكم انفع في المظاهرات
4 44546

[MIDO-SPICY]

المشاركة الأصلية كتبت بواسطة sad-bird وطبعا لو الجيش مسكها يبقى انسي انها ترجع مدنيه تاني هتبقى دولة عسكرية وهندخل في حرب اهليه وممكن وقها يتفصل الشمال عن الجنوب زي السودان وسلملي على مصر

مش صعب اللى انت بتقوله دا شويه يا برنس ؟
اولا فى حالة عدم وجود رئيس للجمهوريه يتولى الحكم نائبة او رئيس مجلس الشعب لمده لا تتعدى 40 يوم
ثانيا : حتى لو وزير الدفاع مسك زى ما انت بتقول دا قرار مش تشريعى ولا يمكن باى حال من الاحوال الاسترار فيه
ثالثا : اللى بيحصل فى السودان ليه ابعاد تانيه خالص غير اللى بيحصل دلوقتى هبقى اقولك عليها لما نخلص من مصر واللى بيحصل فيها الاول
رابعا : من غير ما يحصل اى حاجه من اللى انت بتقول عليها دى ماكلنا سلمنا على مصر من زمان