سؤال لخبراء BYD F3

[Ahmed El Khawaga]

بعد اللف و الدوران و البحث و التنقيب استخرت الله و عقدت العزم على شراء الBYD
سمعت عن مشاكل السخونه و التقفيل الرديء و التيل المضروب و قواعد الموتور و عضة الفتيس الغنيه عن التعريف و صوت الموتور العالي و الكاسيت المهيس و الخ الخ
و لازلت غاوي اعك نفسي و قلت برده عربيه ممتازه بالنسبه لسعرها.
بكلم نفسي و قول هاتشتري زيرو و تصلح؟ و تعمل شجيع السيما و تغير القطع الزيرو البايظه باستيراد ياباني او حتى جديد امال انت راكب زيرو ليه؟
ففكرت في فكره خطر, ال BYD F3R معروضه عليا جديده كاش بسعر مغري و تقفيل بره كمان يعني هاريح نفسي من و جع القلب و عيوب التقفيل المصري العويل.
بس السؤال هنا: المكنه 1500 ليها قطع غيار متوفره؟
و هل اكسسوار ال F3R متوفرزي ال F3?
ولا فانوس او اكصدام يتكسر او شنطه تتخبط و روح ابعت اجيبها من الصين؟
حيران حيران حيران
دلوني يا ولاد الحلال

[ahmedShafie]

انا كنت هعمل زى حضرتك كده واجيب f3 لاكن بسبب المشاكل اللى منتشره صرفت نظر نهائى

[mahshahin]

المشاركة الأصلية كتبت بواسطة Ahmed El Khawaga بعد اللف و الدوران و البحث و التنقيب استخرت الله و عقدت العزم على شراء الBYD سمعت عن مشاكل السخونه و التقفيل الرديء و التيل المضروب و قواعد الموتور و عضة الفتيس الغنيه عن التعريف و صوت الموتور العالي و الكاسيت المهيس و الخ الخ و لازلت غاوي اعك نفسي و قلت برده عربيه ممتازه بالنسبه لسعرها. بكلم نفسي و قول هاتشتري زيرو و تصلح؟ و تعمل شجيع السيما و تغير القطع الزيرو البايظه باستيراد ياباني او حتى جديد امال انت راكب زيرو ليه؟ ففكرت في فكره خطر, ال BYD F3R معروضه عليا جديده كاش بسعر مغري و تقفيل بره كمان يعني هاريح نفسي من و جع القلب و عيوب التقفيل المصري العويل. بس السؤال هنا: المكنه 1500 ليها قطع غيار متوفره؟ و هل اكسسوار ال F3R متوفرزي ال F3? ولا فانوس او اكصدام يتكسر او شنطه تتخبط و روح ابعت اجيبها من الصين؟ حيران حيران حيران دلوني يا ولاد الحلال

أقسم لك بالله انا معايا F3 بقالها حوالي 8 شهور وعامل بيها 12 الف كيلو وبسم الله ما شاء الله زي الفل .... كان في بس عضة في الفتيس وطلعت اني ما بدوسش على الدبرياج للأخر ومن بعد ما تعودت على الدبرياج اختفت العضة نهائياً .....غير كدة مفيش اي حاجة في العربية وبسم الله ما شاء بأمانة زي الفل وسيبك من الكلام المتهول دا انت يأ خي لو هاتشتري سيراتو ولا النترا هاتلاقي العالم الفزاليك قالي هايطلعولك القطط الفطسانة وهما اساسا اجمد عربية ركبوها 128 لو عجباك توكل على الله وهاتها ومش هاتندم

[Ahmed El Khawaga]

المشاركة الأصلية كتبت بواسطة mahshahin أقسم لك بالله انا معايا F3 بقالها حوالي 8 شهور وعامل بيها 12 الف كيلو وبسم الله ما شاء الله زي الفل .... كان في بس عضة في الفتيس وطلعت اني ما بدوسش على الدبرياج للأخر ومن بعد ما تعودت على الدبرياج اختفت العضة نهائياً .....غير كدة مفيش اي حاجة في العربية وبسم الله ما شاء بأمانة زي الفل وسيبك من الكلام المتهول دا انت يأ خي لو هاتشتري سيراتو ولا النترا هاتلاقي العالم الفزاليك قالي هايطلعولك القطط الفطسانة وهما اساسا اجمد عربية ركبوها 128 لو عجباك توكل على الله وهاتها ومش هاتندم

مشكور يا اخ شاهين و ربنا يستر طريقك

[Ahmed El Khawaga]

طيب الاوتوماتيك مشاكله اكتر من المنيوال ؟

انا مش مصدق حالة القلق اللي عندي من التوكيل. حاسس اني لابس بنطلون واسع من غير حزام