تقرير عن السفر الى مرسى مطروح بالانوس

[يسري أبو الخير]

المشاركة الأصلية كتبت بواسطة screamseko الف حمد الله علي سلامتك يا باشا واظن لو كنت روحت مواصلات مكنتش حتستمتع زي مستمتعت بعربيتك واهم حاجه في السفر انكتبقي مخون الطريق متدهوش الامان و اكيد الناس اللي كانوا ماشيين معاك كانوا عاطيين الامان ومحدش مبلغهم بالطريق زي مقولت لحضرتك حمد الله عالسلامه مره تانيه وتكررها قريب ان شاء الله

طبعا يا صديقي العزيز .. استمتعت تماما بالقيادة و ايضا بالسيارة و خاصة في التنقلات داخل المدينه .. و لم اترك شاطئ الا رحته .. و كنت سوف اندم لو لم أذهب بالسيارة .. و تحذيراتك لي عن الطريق لمرسى مطروح كانت في محلها و الحمد لله ربنا سترها معايا .. لكن للآسف نسيت أنبه سائق السيارة الهوندا أنه ياخد باله من هذة المنطقة اللي فيها اصلاحات و تسكير للآسفلت .. عموما لك التحية و لكل من يساهم في فعل الخير و مساعدة الأخرين .. تحياتي

[يسري أبو الخير]

المشاركة الأصلية كتبت بواسطة Mohammed Hamada حمد لله على السلامة و يا رب دايما بخير الصراحة لا أفضل السفر ليلا لا بسيارة ولا بمواصلات ربنا يسترها على كل الناس

حقيقي السفر ليلا مخاطرة فعلا خصوصا للمسافات البعيدة مثل مرسى مطروح .. لكن القيادة في الصيام و في حرارة الجو .. بتبقى مرهقة جدا في النهار .. اضف الى ذلك السفر ليلا راحة للعربية و الموتور .. ولكنها مرهقة نوعا ما للسائق بسبب شدة تركيزة طوال خمس ساعات في طريق طويل و مظلم .. و الحمد لله على كل حال .. تحياتي

[يسري أبو الخير]

المشاركة الأصلية كتبت بواسطة الكردي2000 حمدا لله علي سلامتك .... وعلي الفكرة اللانوس مريحة في السفر وجميلة جدا انا كنت في شرم قبل رمضان بالأولاد وكنت محمل وجايب 160 وبصراحة خفت اقرص اكتر من كدة علشان الطريق والاولاد وكمان الجو كان حار جدا ومشغل التكييف علي 3 وكل دة حمل علي العربية بالنسبة لموضوع السفر دة انا مش بحب السفر بالليل علي طرق طويلة وكمان ممشتش فيها قبل كدة وكمان امشي علي سرعة كبيرة دة خطر جدا وزي ما قال الزملاء لا تعطي الامان للطريق ابدا وربنا يستر طريقنا

شكرا لحضرتك .. و الحمد لله عدت على خير .. اما بالنسبة للانوس فكانت مفاجأة لي .. على الطريق و الأداء الرائع لها .. الحمد لله .. ربنا يكفينا شر عربياتنا و شر الطرق كمان .. تحياتي ..

[يسري أبو الخير]

المشاركة الأصلية كتبت بواسطة yahiaashraf الف مبروك يا باشا على نجاح التجربه وربنا يحفظلك السياره يارب من كل شر

التجربة كانت اكثر من رائعة .. لآنها المرة الأولي التي اسافر فيها لمسافات طويلة و على سرعات عالية .. و ايضا القيادة ليلا .. حقيقة تجربة ناجحة الحمد لله .. شكرا لك

[يسري أبو الخير]

المشاركة الأصلية كتبت بواسطة عامر سعد ياباشا انا كان عندي لانوس 1 كانت اسد والله السيراتو مازيها ومن بعد مابعتها اتبهدلت

يا سيدي اللانوس فعلا اسد .. و أي اسد .. و بعد ما لاقيته منها من نجاح مبهر بفضل الله .. لن أفرط فيها مطلقا .. و كمان مش عايز بهدلة زي ما حصل معاك .. حقيقي اللانوس مع صيانتها ورعايتها .. بتكون ( أصيلة ) .. تحياتي