سؤال ف فيرنا 2013

[ahmed el gendy]

ياجماعه انا معايا الفيرنا 2013 وعامله 8000 كيلو المشكله ان باسافر كتير قوووي بالعربيه علي طرق صحراويه وبامشي كل يوم علي طريق معرفهوش ف الطرق الصحراويه وللاسف اوقات كتير باكل بالعربيه نقر او او حفر صغيره ف الارض بالاحظ ساعتها ان الدركسيون بدأ يرعش وطبعا باروح ارصص وباكتشف ان الجنوط الحديد اتلوت يعني انا عندي الجنطين اللي قدام اتنوا تنيات حفيفه ولكن باستعدلهم بدقتين خفاف عند بتاع الترصيص وده حصل مره ف الفرده الشمال قدام ومره ف الفرده اللي قدام يمين واستعدلتهم عادي وطبعا دي الجنوط الحديد اللي نازله مع العربيه اصلااا
سؤالي هل نوعيه الجنوط اللي بتنزل مع الفيرنا وحشه واغيرهم احسن ولا لا ؟؟ ولو غيرتهم اغيرهم بجنوط حديد نظيفه شويه ولا اغيرهم بجنوط اسبور لاني اسمع ان الجنوط الاسبور مش عمليه زي الحديد يعني بتاع الترصيص بيقولي لو اخدت نقره زي اللي اخدتها ف جنط اسبور كان الجنط اتلوح والفرده فرقعت وساعتها هتغير الطقم كله عكس الحديد هتشتري جنط واحد وتمشي يا ريت تفيدوني ف النقطه دي لاني قرفت من كل يومين ترصيص وشكراا

[ahmed el gendy]

uppppppppppppppppp

[memodina1]

الجنوط الحديد كويسة جدا وعملية كل الحكاية خد بالك من النقر القوية شوية

[احمد سويلم]

الاصول بتقول انك تمشى ع مهلك طالما حضرتك طريق متعرفهوش
وخد بالك انك لما بتمشى ع طريق اكتر من مرتين بتبدا تحفظه

[ahmed el gendy]

المشاركة الأصلية كتبت بواسطة احمد سويلم الاصول بتقول انك تمشى ع مهلك طالما حضرتك طريق متعرفهوش وخد بالك انك لما بتمشى ع طريق اكتر من مرتين بتبدا تحفظه

يا باشا ما هو المشكله اني باختار عربيه فاتحه ع البحرررري واقول دا اكيد واحد حافظ الطريق صم وويسوووق وهو مغمض عينه اقوم الاقيه حمار ياكل المطب والنقره من هنا وانا احصله ههههههههههههههههههههههه
وصدق الشاعر حين قاااال (( جبتك يا عبد المعين تعيييين............... لقيت مخك تخييييين))