اوبل ام دايو

[محمد اشرف]

الاوبل طبعا النوبيرا مع كل احترامى للى جيبنها والله مش حلوه خااااااااالص فيها مشاكل كتير اوى طبعا الاوبل احلى

[linatrix]

المشاركة الأصلية كتبت بواسطة MmFFoR هل تدري ان اوبل و دايوو يمتكلهما شركة جنرال موتورز؟؟ سيارات دايو يتم تصنيعها في مصانع اوبل باسم شيفروليه!!! سيارات دايو يتم تصنيعها باسم لاسيتي في مصانع دايو كوريا بمحركات اوبل و غيره

طبعا عارفين ان جنرل موتورز اشترت دايو ؛ كمان ماركات كتير بتكون مملوكه لشركه واحده بس شتان بين ماركه و التانيه؛ الاوبل المانى و الدايو كوري و بص للشارع و انت تحكم على دى و على دى × كمان دى فئه سعريه مختلفه تمام عن الاخرى

[hyundai 2005]

من خلال التجربه
الاوبل عربيه لاتقارن ابدا باي عربيه تانيه ركوبه بجد قويه جدا وراسخه وثابته لابعد الحدود انا معايا واحده 98 زيرو لون الابيض عربيه وهم
بس مشكلتها وعن تجربه قطع غيارها نااار يعني مثلا لما جبتها غيرت بليه دينامو وبليه كاتينه وسير دينامو وسير كاتينه وطقم بوجيهات حولي 1600 جنيه مقارنه بالدايو ممكن تصرف 500 جنيه بالكتير
تقيله شويه فالبيع
روحها فالكهرباء مش اي حد يشتغل فيها ولا يلعب فيها لو حد لعب في كهربتها كل سنه وانت طيب
لو حالته العربيه 90% بلاش منها لازم تكون حالتها 100% يا اما حتوريك اسود ايام

اما النوبيرا سهله البيع قطع الغيار متوفره جدااااا ورخيصه جدا ارخص من بعض الفيات
مشكلتها موتورها قوي وكل حاجه بس عمره قصير انا عمري ما شوفت عربيات بتغير مكن بكتره زي اللانوس والنوبيرا
انا في المحل بتاعي ما عنديش غير مواتير لانوس ونوبيرا مافيش جد في يوم من الايام جه وسألني علي موتور تويوتا ولا حتي فيرنا ولا لانسر كله لانوس ونوبيرا

[hyundai 2005]

معلومه بس للايضاح عشان كتير ما يعرفوهاش
بالنسبه للمرور والسعه اللتريه
من 800 سي سي الي 1500 سي سي شريحه اولي
ومن 1500- 2000 سي سي شريحه تانيه
يعني ال 2000 سي سي ضمن الشريحه دي .
ومن 2000- وانت طالع شريحه تالته اعلي

[mody112]

لو عاوز شد وجرى وسحب وثبات يبقى اوبل ولو عاوز حاجة عائلية واى حد يشتغل فيها وقطع غيار رخيصة واعادة بيع سهلة يبقى النوبيرا وبرده بتجرى يعنى الفرق بين المانى وكورى