الحقونى قربت اتجنن ... الميه عماله تنقص

[go-lanos]

أشكركم كلكم على محاولة مساعدتى
واعتذر على عدم الرد خلال المده السابقه بسبب عطل فى الكمبيوتر عندى
أولا : انا فعلا غيرت الميكانيكى وكان فى خرطوم مقطوع وكمان المشترك الموجود خلف الموتور كان فيه شروخ ، وغيرتهم
صحيح معدل النقصان للميه قل لكن برضو بتنقص يعنى ممكن كل 3 ايام يفضى نص القربه
ثانيا : انا مش شايف اى تسريب او بخر من اى مكان يعنى دورة الميه سليمه وكمان الرادياتير
ثالثا : انا شايف ردود كتيره بتقول ان ممكن يكون السبب غطاء الرادياتير ...... لكن انا معنديش اساسا غطاء رادياتير ... القربه فقط
اخيرا واحد قال لى النقصان ده طبيعى عشان الصيف والحر الشديد وانا عندى مياه عاديه ( ماء حنفيه ) فى العربيه و نصحنى ان اغير الميه العاديه بميه خضراء سعودى وبيقول انها بتنزل درجة حرارة العربيه 7 درجات عن الميه الخضراء العاديه
مش عارف بقى الكلام ده صح ولا تنصحونى اعمل ايه تانى؟؟؟

[محمود زيزوو]

لالا المياة لا تنقص مع الحرارة دى عبارة عن دورة للمياة تدخل وتخرج بنفس الكمية منا قولتلك ان تشوف كل الخراطيم بنفسك وعارف الجزرة اللى غيرتها اكيد طبعا جبتها بلاستك زى منا معملت بس رجعت تانى وجبت حديد يعنى انت بص عاليها وحط قماشة كدة هى بتبقى مربوطة خلف الموتور شوف بتجيب مياة ولا لا لان البلاستك مع درجة الحرارة العالية بتاعت المياة بتؤادى الى ان البلاستك ينهار انت اعمل كدة وشوف وربنا وعاك وتأكد من كل الخراطيم بنفسك وربنا معاك

[احمد على 1999]

اياك و الميه الخضراء
دى بس لو العربية متعودة عليها من و هى زيرو
لكن بما ان العربية فيها ميه حنفية و بقالها مدة فكده كونت صدا فلو حطيت ميه خضرا حتشيل طبقة الصدا و الرادياتير و سربنتينة السخن حيبقوا منخل
احسن حاجة ميه مقطرة او ميه فلتر قبل مرحلة اضافة الاملاح و تضيف عليها عبوة coolant booster امريكانى بس بعد ما تتاكد ان فعلا الميه معدتش بتنقص

و فعلا زى ما بقيت الاخوة قالوا اشهر سببين خفيين غطاء الاربة و سربنتينة السخن
فجرب الاول هات عبوة abro stop leak امريكانى بتاعة سد الاخرام الصغيرة بالدورة

تقريبا ب 5 جنيه
تحطها و الميه سخنة و تدور وانت واقف ربع ساعة و انت مزود بنزين عالى
و تابع لو الميه لسة بتنقص جرب غير غطا الاربه

[drali]

غطا القربة

[mody112]

انا كان عندى المشكلة دى من فترة كانت المياه بتنقص لوحدها ومكنش فى اى تسريب من اى ناحية ومكنش فى مياه بتكون موجودة تحت العربية وهى راكنة المهم روحت لميكانيكى قولتله على المشكلة كلها قالى مفيش غير غطاء القربة لازم يتغير وتم تغييره والمشكلة فضلت هى هى وروحت له تانى حسيت انه مش عارف المشكلة فين على طول سيبته وروحت لواحد تانى بتاع ردياتير وقالى الردياتير تمام والقربة تمام لكن فى شوية خراطيم عليها صدأ وكمان شجرة المياه قالى مصدية والكوعة الالومنيوم قالى كل ده لازم يتغير وكمان فى مشترك خلفى ( تحت البوابة بس من ورا ومن تحت شوية ) قالى برده لازم يتغير وقالى ده شغل ميكانيكى وطبعا روحت لميكانيكى تانى خالص هو وصفهولى قريب منى واشتريت كل الحاجات دى جديدة واصلية علشان اريح دماغى وغيرنا كل الحاجات دى والميكانيكى قالى جرب يومين كدة بمياه عاديه من الحنفية عشان لو فى تسريب المياه الخضراء متروحش هدر وفعلا جربت ولمدة اسبوع والمياه فضلت زى ما هى الحمد لله وبعدين روحت لبتاع الردياتير تانى واخدت دورة تنظيف المياه وبعدين حطينا علبة مياه مقطرة وزودها بمياة من الحنفية وقالى كدة تمام وفعلا تمام لغاية دلوقتى والحمد لله .