اريد ان اشتري شيفولية لانوس

[محمود زيزوو]

المشاركة الأصلية كتبت بواسطة mero100 تحياتي للجميع :-) يا جماعه اي شيء في الدنيا له مزايا و له عيوب ....احنا بنتكلم في سيارات في فئه سعريه حتي 70.000 جنيه ... بالتالي في السعر دة السيارات بتبقي شعبيه ... او لو حد بيتضايق من كلمه شعبيه ف نقدر نقول اقتصاديه ... ارجو نتتفق علي هذا المبدأ اللانوس... الفيرنا ... اللوجان....بروتون ساجا ....و بالنسبه للصيني : اسبيرانزا .. Byd .... كل هذه السيارات ذات الفئه السعريه بتتراوح من 65000 الي 70000 تقريبا .... كل سياره منهم بها ميزة و عيب .... اللي حتلاقيه ف واحدة مش حتلاقيه في التانيه من ناحيه الميزة و العيب ....هيه دي السياسه التنافسيه بين الشركات ...( مع تحفظي علي الصيني لكن بقاله وجود في السوق المصري ) فيه نقطه مهمه اوي بتحكم الموضوع اللي بنتتكلم فيه دة .... و هيه المشاكل الفرديه ... بمععني ممكن واحد فينا جاب عربيه و حصل معااه موقف ....ف منقدرش نعمم الموضوع او المشكله و نقول يبقي االعربيه الفلانيه و حشه .... انا ذكرت في مشاركة ليا في نفس الموضوع من كام صفحة فاتوا ان سيارتي شيفروليه لانوس و وصلت لمرحله اني حبيع العربيه رغم انها مكملتتش معايا حوالي 5 شهور ... لاني حساس جدا للسيارات و العربيه محتاجة تظبيط ... من حيث مثلا ظبط زوايا - تربيط عفشه محترم - ظبط ابواب و زجاج - و هكذا .... طبعا توكيل منصور كرهني في اللانوس رغم اني بحبها جدا و جبتها بعد عده مقارنات استمرتت شهرين بالنسبه لي ... صديق ليا معاه فيرنا 2010 ... كلمته و قلتله قراري بالبيع و بكل امانه و بدون تحيز يا جماعه .... قاللي لو العيوب دي هيه االلي حتخليك تبيع العربيه و تجيب فيرنا مثلا ... قاللي يبقي انت غلطاان .... لان كل السيارات في هذه الفئه السعريه متقاربه في المشاكل .... بمعني انها سياارات لا ترضي طموحاتنا الكامله في امتلاك سياره زيرو تكون سياره العمر مثلا . وانه هوة غير طنابير بعد سنه في الضمان .... يعني الفروق بين االموديلات مش فروق خرافيه يعني ... االكلام علي اللانوس كتير و علي مشاكلها لانها قديمه ... بنتتج من زمان من االتسعينيات ... انا بقول تجربتي ... ممكن واحد تاني مععاه نفس الموديل بتاعي و موااجهش نفس العيوب اللي بشتكي منها و ممكن بردو يكون ااتععامل مع توكيل منصور و اتبسط جدا ... دي فروق فرديه ... صديقي معاه فيرنا و بيعاني من نفس مشكله ان التوكيل مش كويس .... بردو فروق فرديه . الناس بتقبل علي اللانوس او الفيرنا لان السيارتان اصبحتا معروفتان جدا و صيانتتهم سهله و قطع غيارهم معقوله نسبيا و مشاكلهم معروفه و النقطه المهمه اوي هوه سعر ااعاده البيع...( مهم جدا النقطه دي ) .... عشان لما مثلا تبيع بعد 3 سنين و تحب تجيب حاجة اعلي متخسرش كتير ...يبقي اللي خسرته هوة تمن الركوب . ااتعلمت هناا موضوع فيشه الاوكتان و بصراحة دي ميزه حلوة في اللانوس و لما جربتها استريحت جدا من حيث السحب . اللي فهمتته في الاخر ان توكيل منصور مبيعرفش يعمل صيانه للانوس ...و بيشخصوا المشاكل غلط ... مش زي توكيل ابو غالي مع العلم ان ممكن يكون المشكله او العيب حاجة بسيطه . مثال : الفرامل ععندي كانتت عاوزة اخذ هواء و اللي فاكره اان فيه مهندس في منصور قاللي ان مشكله الفرامل دي من ضمن المشاكل االلي في اللنوس اللي ملهاش حصل و اللي ااحنا خااطبنا فيها general motors و حتي االان مجاش رد. و اكتشفت ان الموضوع لاايزيد عن انه كان محتاج يتاخد هوا صح للفرامل .... طبعا المهندس دة ( مهندس لامؤاخذة ) ... عاوز شكوي محترمة عشاان يصحي ويفوق ويشتغل صح ... بدل ما هوة بيعذب الناس ومش عاوز يشوف شغله . االلي قصدي اقوله ممكن كلمه واحدة تسوأ منتج و ممكن كلمه ترفع منتج زي الاخ اللي في قسم الاسبيرانزا ... و جاب m 11 و قعد 32 صفحة يمدح فيها و ف مزاياها و فيه اعضاء هاجموه و قالوله حرام عليك تغري الناس دي كلها عيوب .... عارفين؟... الععضو دة خلاني من كلامه كنت حبيع و اجيب m11 ....لان سعرها تقريبا حوالي 75000...., و فيها اوبشنز كتير ..... لما سأالت عليها و علي مشااكلها و مدي توافر قطع غياارها ....حمدت ربنا اني مخدتش القرار دة ....خصوصا بععد ما شفت أراء بعض الملاك من الموديل دة . و اخيرا بكل امانه : اللانوس و الفيرنا و اللوجان .... عربيات كويسه جدا من جهه مواصفتها وسعرها.... لكنهم مش فئه ممتازة اللي عاوز يشتري يقارن بين التلاته ااو بين اي عربيه و التانيه من حيث : 1- المشاكل العامه بين المستخدمين ... ( و ليس المشاكل الفرديه ) 2- سهوله الصيانه عند ااي ميكانيكي او مركز خدمه 3- تواافر قطع الغيار و سعرها 4- سعر اعادة البيع 5- و اخيرا اعتقد ان التقفيل المصري ...بختك يابو بخيت :-)) طولت عليكم .... لكن لاازم نتكلم باستفاضه عشان الكل يستفاد و محدش يحس انه اتدبس في عربيه بسبب رأي حد . اخوكم / عمرو

كلام جميل جدا وشكرا على الكلام الدقيق فعلا السيارة به عيوب بس مش كتير ولا تعيبها ولاكن هى كويسة ولاكن ليست الافضل وهى كويس وربنا معاة لااصلح

[أبو زيزو المصري]

تحياتي للجميع، أنا رأيي يا أخي الكريم إنك تدور على عربية لانوس من 2004 إلى 2007 تكون استعمال نضيف هتلعب معاك من 45000 إلى 52000 على حسب حالتها, وبكدة تكون وفرت حوالي 15000 جنيه ( ده بافتراض وجود لانوس 2007 كاملة بحالة نضيفة جدا) وكمان هتكون ركبت عربية حلوة لأن اللانوس اللي قبل 2008 تقفيل كوري وفي نفس الوقت وفرت مبلغ مش بطال وكمان لما تبيع هتبيع بسعر متخسرشي فيه كتير
وشكرااااااااااااااااااااا ااااااااااااااااااااااا.

[mero100]

عفوا سلاكوستا.....

حضرتك بتقول اللانوس اللي قبل 2008 ...كوري

هل المعلومة دي دقيقه؟

تحياتي

[aass]

المشاركة الأصلية كتبت بواسطة سلاكوستا تحياتي للجميع، أنا رأيي يا أخي الكريم إنك تدور على عربية لانوس من 2004 إلى 2007 تكون استعمال نضيف هتلعب معاك من 45000 إلى 52000 على حسب حالتها, وبكدة تكون وفرت حوالي 15000 جنيه ( ده بافتراض وجود لانوس 2007 كاملة بحالة نضيفة جدا) وكمان هتكون ركبت عربية حلوة لأن اللانوس اللي قبل 2008 تقفيل كوري وفي نفس الوقت وفرت مبلغ مش بطال وكمان لما تبيع هتبيع بسعر متخسرشي فيه كتير وشكرااااااااااااااااااااا ااااااااااااااااااااااا.

اللانوس الكورى هى لانوس 1 فقط يعنى 99و2000 وفى ناس كمان بتقول ان ال لانوس الكورى هى عربيات المعاقين فقط

[mamostafasayed]

انا اشكر كل من تابع هذا الموضوع ولاكن انا سوف اغير اختياري وانا اعرف ان هذا ليس مكانه ولاكن اريد ان اخذ النصيحة من الخبراء خصوصا هذه اول سيارة لي بفكرة ان اشتري الاكسنت موديل2011 الشكل القديم ماريكم وماهو سعرها الان احد زملائي بالعمل اشتراها موديل2010 79000جم