|
BYD من الشركات الصينية الطموحة التى تستثمر فى الابحاث والتطوير لانشاء سيارات وفقاً لاحدث المعايير البيئية ولديها مشاريع لانتاج سيارات هجينة |
|
أدوات الموضوع |
#1
|
||||
|
||||
هل البى واى دى ملهاش مشاكل
السلام عليكم يا جماعه
اولا ان ملاحظ ان نسبه الشكاوى من البى واى دى قليله جدا وفى اسباب مش مهمه قوى اولا احب اعرف هل ده ناتج عن عدم انتشار العربيه فى مصر زى موديلات كتير مثل الاسبيرانزا ولا ده ناتج عن الجودة ثانيا ياريت بعد اذنكم ملاك البى واى دى اف 3 يحط لنا تاريخه مع العربيه فى سطور قليله ولو كان باعها برضه يكتب وسبب البيع ايضا والسبب بصراحه انى شايف انها العربيه الصينى الوحيده اللى ذات جوده ومظلومه من المستوردين المصريين وحاسس انها لو اخدت حقها هاتعدى موديلات كتير يابانى فضلا عن الصينى |
#2
|
||||
|
||||
رد: هل البى واى دى ملهاش مشاكل
السيارة منتشرة كتاكسى وملاكى واريد لسيادتك تخيل سيارة الموتور ميتسوبيشى صناعة الصين تحت اشراف اليابان والفتيس المانيوال متسوبيشى يابانى والفتيس الاوتوماتيك صناعة شركة نيسان اليابان والعفشة كورولا صناعة الصين وشركة ال BYD تسير من نجاح الى نجاحات اعلى السيارة على احد المواقع بيع منها مايقرب من نصف مليون سيارة فى الصين عام 2008 والتعليق الذى كان على الموقع انها لم يوجد بها مشاكل جوهرية ولكن اى سيارة ممكن ان تظهر منها مشاكل حتى البى ام وهنا ياتى دور التوكيل الذى يسند السيارة التى يبيعها لتصليح مشاكل التشغيل او عيوب الصناعة ان وجدت
__________________
God grant me the serenity to accept the things I cannot change courage to change the things I can and wisdom to know the difference DR Elmanahry
|
#3
|
|||
|
|||
رد: هل البى واى دى ملهاش مشاكل
لا يوجد سيارة بدون مشاكل
مشاكل السيارة حتى الان فردية بمعنى ان كل واحد معاه السيارة اشتكى من حاجة مرة واحدة و حلها و خلاص المشاكل الي فعلا موجودة فيها من وجهة نظري : التقفيل ضعيف .... الصاج ضعيف ..... الدهان سيئ جدا و ده يرجع للتجميع المصري طبعا ( العربيات المتجمعة في الصين مفيهاش غلطة ) و مش عارف العيوب دي موجودة في كل العربيات و لا لا و مع العلم بان سيارتي تاكسي و ليست ملاكي فهل ده متعمد من الشركة بانها تحط العربيات الي اتجمعت و فيها ديفوهات و تنزلها تاكسي و لا الانتاج كله كدة و في عيب تاني الكل اشتكى منه و هو ضعف التيل و بيطلع صفارة بعد وقت قصير مع ملاحظه انه لم يتاكل و لا يؤثر على قوة الفرامل و المشكلة دي كلنا حلناها بوضع تيل التويوتا مكانه و خلاص و انت معاك حق مع بعض الاهتمام من وكيلها و الناس تبطل تفكر في الصيني على انه فوانيس رمضان.............مش هنقول انها هتعدي موديلات ياباني و لكن عالاقل هتبقا نمرة 1 في الفئة السعرية حتى 80000 |
#4
|
||||
|
||||
رد: هل البى واى دى ملهاش مشاكل
بس اسمح لى اعترض معاك على موضوع الانتشار انا من الاسماعيليه العربيه دى معدومه عندنا لاتاكسى ولا ملاكى ولا الهوا ممكن تكون فى مصر احتمال بس الاكتر الa516 وانا معاك انها شركه قويه وموديلاتها روعه ان شفت ال f6 بصراحه روعه انا عندى احساس طيب ناحيه الشركه دى بس بصراحه عاوزة موزع ممتاز واهتمام كبير من التوكيل وها تعدى موديلات كتير |
#5
|
||||
|
||||
رد: هل البى واى دى ملهاش مشاكل
الله ينور ياباشا بس كنت عاوز حضرتك زى ما طلبت تكتب لنا تاريخها معاك يعنى جبتها امتى المشاكل اللى واجهتك معامله التوكيل معاك معدل استهلاك البنزين التكييف وغيرة بس فى سطور قليله . بالنسبه لموضوع التقفيل انا اتفق معك ان التقفيل المصرى لامؤاخذة زباااااااااااله يعنى ان بحكم من راى الناس اللى شاريه عربيات متقفله فى مصر وكمان انا شفت فيديو على التلفزيون عن المصنع اللى بيقفلوا فيه الa516 علشان مشروع احلال التاكسى بصراحه الصنايعيه وهما شغالين تحس انه بظراميطه ابو عيسى مفيش نظام وتحس انه بيتعامل مع العربيه كانها 128 وطبعا فيه مشكله فى الشعب المصرى ودى على مستوى الشعب كله الا من رحم ربى وهيه انعدام الضمير وانعدام الحافز الداخلى على الجوده يعنى لو سبت الصنايعى من غير رقابه هايلحم هنا وهايسيب هنا والدنيا بايظه يعنى مفيش احساس ان دى عربيه ماشيه على طريق وممكن هوة يكون راكب فيها فى يوم من الايام. الحاجه التانيه مواد اللحام طبعا المصريين بيوفروا اما بره لا لازم يديك حقك وفيه روبوت بيلحم طبقا لمعايير محدده وفيه جهاز حمايه مستهلك صاحى يودى الشركه فى 60 مليار داهيه انما عندنا سلم لى على الترماى |
|
|