#1
|
||||
|
||||
باركولى (جى جى ) خلصت صيانة 10000 فى التوكيل بحمد الله
السلام عليكم ورحمة الله وبركاته
اخوانى الكرام الاعضاء المحترمين لمنتدنا المحترم ذهبت اليوم 2 فبراير 2014 لعمل صيانه 10000ك للجيتز حبيبتى حجزت من يومين الميعاد على رقم 16101 وعرفت من مهندسة الاستقبال انه هيتم صيانه لفلتر التكييف وتربيط العقشة والدريكسيون وتغيير زيت وتظبيط أضواء وبنود تانية شفتها مكتوبة فى دفتر صيانة السيارة ونبهتنى ان السيارة برغم انها عاملة فقط 11300 كم فى 3 سنوات بس لازم أغير سير الكتينة مع البلى والسلوك لانهم بقوا ناشفين بعد الفترة دى برغم انى مشاويرى بيها قصيرة وتوكلت على الله وقلت أعمل كل ده للاطمئنان على جى جى حبيبتى صيانه ال 10000 تكلفتها 400 جم وتغيير سير الكتينة والبلى + المصنعيات = 1150 جم يعنى الاجمالى 1550 جم واستلموا السيارة الساعة تقريبا 12:30 وخلصت الساعة تقريبا 4:30 والحمد لله استلمتها وربنا يبارك فيها ويكفينا شرها ويعطينا خيرها وربنا يبارك لكم جميعا فى سياراتكم ويعطيكم خيرها ويكفيكم شرها بحب العربية دى جدا وبحترمها وبقالها 3 سنوات معايا عمرى ما شفت منها حاجة وحشة ومش عارفه لو فكرت اغيرها هلاقى ايه اجمل منها لانى عادة بخب اغير السياره كل 5 سنوات استخدام وبحب اغير بسيارة زيرو بعد كده لو كان لسة فيه زيرو كنت برضة اشتيرت جيتز شفت i35 فى المعرض خطيرة طبعا بس غالية جدا 244 الف كتير دى تجربتى فى التوكل ويعتبر بصراحة توكيل محترم ( طريق ابو رواش) وان كانت الاسعار عالية حبتين لان الفاتورة فيها مصنعيات فقط حوالى 500 جنيه الحمد لله
__________________
اللهم ياجامع الناس ليوم لا ريب فيه اجمع على ضآلتى سبحان الله وبحمده سبحان الله العظيم |
#2
|
||||
|
||||
رد: باركولى (جى جى ) خلصت صيانة 10000 فى التوكيل بحمد الله
بارك الله لك فى سيارتك سيدتى
كل ما قمت به مهم جداً اللهم يسر لنا جميعاً طريقنا وذهابنا وعودتنا على طرق بلد العجائب
__________________
|
#3
|
||||
|
||||
رد: باركولى (جى جى ) خلصت صيانة 10000 فى التوكيل بحمد الله
الف مبروك يا باشمهندسة وعقبال صيانة 1000000
Sent from my GT-I9152 using Tapatalk |
#4
|
||||
|
||||
رد: باركولى (جى جى ) خلصت صيانة 10000 فى التوكيل بحمد الله
عقبال 1000000000000000000000000
ربنا يرزققكم خيرها ويكفيكم شرها
__________________
]من اهم مواضيعي المصورة http://masrmotors.com/vb/showthread.php?t=90049 (كيف تتعرف علي قدرة المحرك) http://masrmotors.com/vb/showthread.php?t=111175 (كيف تعتني بدورة التبريد) http://www.masrmotors.com/vb/showthread.php?t=124669(شرح دورة الوقود وتنظيف الرشاشات) {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}. |
#5
|
||||
|
||||
رد: باركولى (جى جى ) خلصت صيانة 10000 فى التوكيل بحمد الله
ربنا يباركلك فيها .....
حضرتك تخلى بالك ان استخدامك فى العربية خفيف ..... فيه حاجات كتير حتتغير نتيجة العمر .... مش نتيجة الاستهلاك .... زى الكاوتش زى ما حضرتك ذكرتى من قبل .... و زى البطارية ... و حاجات تانية ربنا يوفقك
__________________
|
|
|