الناس اللي فاكره مصري هيه البلد الوحيده اللي فيها زحمه يدخلوا

[luckyman]

المشاركة الأصلية كتبت بواسطة corsair يااااااااااااااااااااه يا لكي مان فكرتني من يومين لما كنت في اكتوبر وانا ماشي علي الدائري عند نازلة اسكندرية الزراعي الطريق كله واقف وبعد النزله الطريق هو فاضي علي الاخر الناس واقفه يجي 6 صفوف علشان يتسابقوا علي انهي اللي ينزل النزله بتاعت الزراعي الاول حاجه تحزن بجد مفيش ريحة النظام ولا في احترام لحرمة الطريق

للاسف اهم عنصر بقى شبة متلاشى او منعدم الا ما رحم الله الاخلاق والادب والذوق واولويات الطريق منعدمة ومش معروفة واخلاق العربجة هى السائدة وبالمناسبة امبارح كنت رايح نص البلد للقنصلية وفى زحمة وفى الحالات دى علشان الحق انجز واخلص باخد تاكسى فى العادة علشان مشاكل الركنة والوقت الضايع اتوبيس وانا راكب شوفتة بعينى دخل فينا او مرة وتانى مرة وتالت مرة شاط التاكسى شوطة بوظ التاكسى اللى كنت راكبة ومشى الاوبيس بدون اى رداع وخبطالتاكسى بالتعمد لكن لو هو عارف ان فى قانون ويتعمل محضر ويتعاقب كان فكر الف مليون مرة قبل ما يعمل اى حاجة وكل واحد وشطارتة ويا ويلك لو قعت مع حد اقوى منك او اشطر منك وشكرا لك

[Eng . Mano]

فعلا يا كورسير نفس اللى بتقوله على نزلة الزراعى ، بشوفه عند ميدان الساعة اللى فى بداية عباس العقاد ، قمة الاستهتار و قلة الذوق من سواقين الميكروباصات اللى موقفين فى نهر الطريق و بيركبوا ، و من الناس الانانية اللى عايزين يعدوا الاول كأن اللى حيعدى الاول حياخد كاس العالم ، و بعد ما تعدى الحتة دى الاوتوستراد كله فاضى . امال الزحمة دى من ايه ؟؟؟؟
بس الصين حقهم يبقوا زحمة و اكتر من كده كمان ، دول تعدادهم عدى ال 2مليار بنى ادم .
ربنا يلطف بينا ، و مشكور على الموضوع يا احمد باشا ؛

[Devill Blood]

فى مصر الزحمة مش بسبب العربيات لا بسبب الطرق الضيقة عن الخارج وإنعدام المسئولية وغيره يعنى تلاقى الأشخاص يقفوا صف تانى وتالت والطريق مش مستحمل يجى بقى حد غبى رابع يبوظ الدنيا خالصص وأسباب الزحمة حاجة رفيعة خالص محتاجة شرطى مرور وينتهى الموضوع

الشكر لله يا بشمهندس مانو وربنا يتوب علينا من ديه بلد

[sad-bird]

يا حبيبي مشاكل المرور كلها هنا في مصر والزحمة على وجه الخصوصو سببها العنصر البشري اولا وثانيا عدم توفير جراجات تستوعب العربيات الموجوده
لكن الللي في الصين دي مشكلة طارئة وهتعدي

وبعدين انت بتتكلم عن بلد فيها ملياااااااااااااااااااااا ااااااااااااااااااااااااا ر نسمة
مش 77 مليون والحكومة عماله تعيط