هام لكل مالكي إكسبلوجن II

[TELEBK]

المشاركة الأصلية كتبت بواسطة zoomaa2007@maktoob.com شكرا دكتور خالد والدى معاة العربية دية وهى موديل 2009 وأنا عارف المشكلة دية وبالفعل هو دة رد التوكيل على المشكلة بس انا ناوى فى صيانة ال5000 أطالب بتغير الفتيس كامل وعلى فكرة المشكلة دية منتشرة فى الاكسبلوجن كلها بس هى عربية كويسة وشكرا

السلام عليكم ورحمة الله وبركاته ، فكرة تغيير الفتيس بالكامل صعب تتحقق علشان الفتيس بتاع العربيه شغال بس فيه مشكلة ، وممكن تتحل زي ماحصل معايا ، ولو عملت معاهم مشكلة أبسط كلمة حتتقال ليك " سيبها وحنشوف " وطبعا مفيش أدامك غير إنك ياتوافق يا ترفض ، ولو إتسابت في التوكيل حتتبهدل ، فحضرتك علي العموم إعمل الآتي : 1 - غير زيت الفتيس 80/90 وبعدين شوف النتيجة إيه .
2 - في حالة إن العضة فضلت فيها روح ليهم التوكيل وقولهم علي إن العيب ده في مجموعة الدبرياج وحضرتك تغيرها لآنه عيب تصنيع ، وده إللي حصل مع عربية د/خالد ، علي فكره المهندس عبد السميع عارفني كويس ، وحضرتك مش حتدفع غير حق المصنعية بس إن شاء الله ، وحتتصلح وتبقي كويسة بإذن الله .
وبالتوفيق ومع خالص شكري وتقديري
د / خالدptmnlo123per154

[محمد شهاب]

طيب المبلغ اللى حضرتك دفعته مقابل المصنعية

كااااااااااام
مع ملاحظة انك بتقول بقالها 9 شهور
يعنى لسه فى الضمان




تحياتى للجميع

[TELEBK]

المشاركة الأصلية كتبت بواسطة محمد شهاب طيب المبلغ اللى حضرتك دفعته مقابل المصنعية كااااااااااام مع ملاحظة انك بتقول بقالها 9 شهور يعنى لسه فى الضمان تحياتى للجميع

دفعت 250 جنيه مصنعية ، وده بالعافية لآنهم قالولي إن مجموعة الدبرياج مش في الضمان ، لكن لما قولتلهم إن ده عيب تصنيع ، بالعافية رضيو إنهم يتحملوا قطع الغيار وأتحمل أنا المصنعية لإنها عملت معايا 10000 كم ، وبعدين هما نظامهم إن المصنعية علي العميل ، فقبلت بعد خناقة وحرقة دم ، والحمد لله إتعدلت وربنا يستر .
مع خالص شكري وتقديري
د/خالدptmnlo123per154

[ofamezoremo]

أنا معايا يا جماعة الاكسبلوجن 2008 واللة سيارة زى الفل عيبها الفعلى الوحيد أنها ضيقة شوية من الداخل بالامانة السيارة ممتازة وأبتدت تشتغل فى السوق ويبفى عليها تداول كتير