تغير فتيس فيات 132 الى اوتوماتيك

[mohamed81m]

السلام عليكم ورحمة الله وبركاته



نفسى اغير فتيس العربيه الى الاتوماتيك العربية فيات 132 اسمع انها كانت نزله فيها اتوماتيك


بس مش عارف ممكن الاقى



الفتيس الاتوتماتيك فين وبكام وايه الحجات اللى حغيرها علشان اركب الاتوماتيك

ولو مفيش فتيس اتوماتيك ليها فى السوق ايه الفتيس الاتوماتيك اللى ينفع اوفقة

عليها



الفتيس العادى كويس بس خنقنى فى تقل الدبرياج وخنقة فى الزحمة اتمنا حد يفيدنى فى الموضوع


دة وهل حيبقا فى مشاكل بعد



كدة بالنسبة للاتوماتيك

[sharooo]

السلام عليكم
اخي الفاضل.كلامك مزبوط كان بينزل فعلا بس على الارجنتا ...والارجنتا النوفا كانت بتنزل بفتحه سقف كمان
لكن طبعا خد عندك مايلي:
1-ده تكنولجيا قديمه واعطاله كتير جدا وملوش تصليح او قطع غيار
2- حتى لو لقيت مجموعه الاتوماتك بتاع عربيتك استيراد هتكون غاليه ناااااااااااار
3-حتى لو اشتريتها هتلاقيها مش شغاله اصلا لانها استهلكت خلاص قبل ما تيجي مصر(لانها هتكون اشتغلت اكتر من25 سنه )
4-مجموعه الاتوماتك عباره عن(فتيس بضفيرته وحساساته وراديتر وكنسول وعصايه فتيس وطقم دواسات وخراطيم) وسعات بيكون فيه حجات تانيه....زيتغيير ماستر الفرامل بالخزنه بتاعته مثلا
اسف جدا والله مش بعدقك.لكن بنصحك بالي يرضي ربنا.بيع العربيه وهات برايد او اكسيل مثلا 25 الف وابقى ركبلها اتوماتك(هيكلفك في حدود2300 المجموعه كامله بالتركيب والزيت)

[mohamed81m]

مشكو ليك اخى الفاضل على الرد ولو مكنتش العربيه دى عزيزة عندى فعلان كنت بعتها وجبت وحدة تانية
بس 32 عربية اصيلة علشان كدة كنت بفكر اعدل فيها جزاك الله كل خير

[mhamdy75]

إطلع على الحرفيين

هايفيدوك هناك تمام فى تغيير كل حاجه

[ash_rsi]

بص ياباشا اولا لازم تضمن فتيس سليم عشان اعطاله كبيره وده للاسف مش هتلاقيه خالص لان اللى موجود اغلبه بايظ
تانى شئ هتعوز قربه بتركب فى الموتور مطرح الدبرياج وده بالامانه مش هتلاقيه الا فى موتور لسه جاى استيراد
تالث شئ هتعوز رادياتير جديد فيه مجارى لزيت الفتيس وده سهل ممكن تاخده من اى عربيه حديثه رابعا الضفيره خامسا الكونسول لازم يتغير عشان عصايه الفتيس وده ممكن تعدل اللى موجود
فالافضل انك تسال بتاع فتيس محترف عن فتيس لاى عربيه دفع خلفى ممكن يركب تويوتا بى ام وهتعدل فيه وربنا يقويك وبالتوفيق