قصتى مع سيارتى ( 2 )

[yasser4]

بعد التحيه

القصه الثانيه :

( اللهم لك الحمد على ما رزقتنا من نعم ... اللهم أرزقنا خيرها وإكفنا شرها وشر أنفسنا )

بعد الشراء ( الإلنترا - أول فئه أتوماتيك ) ولله الحمد بدأت أستوعب أبعاد السياره وحدودها وأعتقد أن طول قامتى له عامل مساعد فى ذلك .
( بدون إطاله ) تبدأ القصه أثناء عودتى من الإسماعيليه و كنت أسيرعلى سرعة 90 كم فاجئتنى مقطوره بالمناوره من أقصى اليمين إلى أقصى اليسار أمامى وهذا لكى يمر من المقطوره التى أمامه مباشرتاً وكانت المسافه بينى وبينه فى حدود 20 : 30 متر طبعاً دست الفرامل بقوه وزحفت السياره فى حدود 10متر و نجوت و الحمد لله و ربنا ستر وإثناء إكمال طريقى بدأت أشعر برجه خفيفه فى العجل الأمامى أثناء السير وتزيد مع زيادة السرعه وبدأ القلق .
إتصلت بالتوكيل لمعرفة ماذا أفعل فقال أن السياره ( إذا كانت زيرو وبها مشكله أذهب لمركز الصيانه بدون حجز ) ( وقد كان ) كنت أنوى الذهاب إلى مركز أبو رواش ولكنه رشح لى مركز العبور لقرب مسافته لى .
* مركز صيانة العبور هو أحدث مراكز غبور للصيانه حسب ما قيل لى
* به مالا يقل عن 70 ونش لرفع السيارات بخلاف بقى الأجهزه
* الورشه مجهزه لإستقبال من 70 : 100 سياره فى وقت واحد
* توجد إستراحه ( تحت التشطيب ) مكيفه وكافتيريا للمشروبات ولكن بالفلوس( شربت قهوه 3.5 جنيه )
* يوجد دور علوى ( بدون كراسى ) يمكنك أن تشاهد سيارتك وكل مايحدث لها من صيانه
* عند الدخول تذهب إلى الجانب الشمال وبعد إتمام الصيانه تتسلم السياره من الجانب اليمين
* يتم تشميع الكرسى والدركسيون و الدواسه والتنبيه بأخد كل متعلقاتك الشخصيه بعد معاينه السياره من الخارج لملاحظة حالتها وتسجيلها
* ذهبت وإستقبلنى المهندس / عادل وأخبرته بالمشكله
تمت الصيانه وأخبرنى المهندس أنه تم تربيط العفشه وسلمت الكشف للخزينه ( بدون مصاريف ) وأخذت المفتاح و إنصرفت ... ولكن لاحظت أن الرجه لسه موجوده وكان الطريق زحمه فقررت العوده غداً
ذهبت وتكرر ما سبق بالحرف ولكن هذه المره تم التدوين بالتقرير كلمة (هام )وبعد ربع ساعه كانت الصدمه ... ( السياره والحمد لله سليمه ولكن مطلوب تغيير الكاويتش الأمامى ) لوجود به مسح تأثير فرامل قويه وأن وهذا خارج الضمان لسوء الإستخدام ( وتذكرت حكاية المقطوره )
طبعاً ظهر على وجهى ضيق شديد فإذا برجل فى ال50 من عمره تقريباً ذهب المهندس / عادل لسؤاله وعند معرفته بالموضوع طلب من أحد العاملين بالمركز نمرة وعنوان ضمان هانكوك الخاص بهيونداى ثم إتصل بأحد أصدقائه لتوصيته على ثم إلتفت إلى قائلاً : ( أنا بعمل محاوله لتغير الكاويتش من الضمان وربنا يوفق )
ثم أعطانى ورقه بها عنوان ضمان هانكوك وهو : 7 شارع المساحه / الدقى وإسم المسئول وهو المهندس / محمد كمال ورقم تليفونه / 01141248610 وموعد ووقت ذهابى له ثم قال ( إذا لم يكن مرن معك أتصل بالمهندس / طلعت فايز ( مدير الصيانه بفرع أبو رواش ) وأخبره أنك من طرفى وسوف يتدخل لحل المشكله بحل يرضيك ) .
هذا الرجل هو المهندس / أحمد عز ( مدير الصيانه لفرع العبور ) وله أقول : ( هناك مواقع يكتسب منها الأفراد هيبتهم وهناك أفراد تزيد مواقعم هيبه بهم ) .. اللهم أكثر من أمثالك وجزاك الله الخير كل الخير عنى وعن غيرى ) وكل الشكر لمركز غبور فرع العبور .
أعتذر لطول الموضوع ... وإلى اللقاء فى القصه الثالثه عند ضمان كاويتش إلنترا / هانكوك
ملحوظه : للحجز رقم مركز خدمة غبور فرع العبور / 0109027733

مع الشكر

[M.TONSY]

قدر الله وما شاء فعل
وانا مش عارف كاوتش ايه اللى يبوظ من فرملة واحدة ده

[Hisham.Elgazzar]

المشاركة الأصلية كتبت بواسطة tonsy1979 قدر الله وما شاء فعل وانا مش عارف كاوتش ايه اللى يبوظ من فرملة واحدة ده

معلش قدر الله وماشاء فعل
الكاوتش من 15- 17 بيبقى ضعيف جدا الحمدلله انها وقفت
ممكن تغير الكاوتش بتاعها لأن ناس كتيرة اوى اشتكت منه
غيرة بالكونتننتال الألمانى الأصلى اللى بينزل مع البى ام دابليو
وفى نوع تانى بتقدر تمشى عليه 100 كيلو لو اتخرم كونتننتال اللى منزلاه RUN FLAT
انما مع الأسف كل الكاويتش اللى غبور وكيا بينزلوه بيعمل بلالين ويرج زى اللى حصل مع حضرتك
ومعلش فداك ويارب توصل لحل مع الضمان ( الكاويتش بيبقى خارج الضمان خصوصا لو مقاس أكبر من 14)

[star2008]

ربنا يسترها معاك ويعوضك خيرا اخى الفاضل

[eng/walaaeldeen]

السلام عليكم

ربنا يخلف عليك والحمد لله علي سلامتك
واضيف نوع اخر كويس علي كلام الأخ الفاضل هشام الجزار جي تي الأندونيسي فردة جميله وحنينه في المطبات الي ماليه البلد
والله المستعان