للــبــيــــع شقة بجنوب سيناء

[ahmed_elmagree]

الشقة بسم الله ماشاء الله رهيبة جدا ومكانها ممتاز وانا لو كان ينفع كنت خليت الحج يبيع شقتنا هنا
وناخد ديه عشان بجد مكانها تحفة لكن المشكلة ان مساحة الشقة اصغر فمش هتنفعنا للاسف.


سؤال لولبى شوية:هى الشقة فى جمبيها مراكز صيانة سيارات وكده ولا بعيد

[ابو هيما]

المشاركة الأصلية كتبت بواسطة ahmed_elmagree الشقة بسم الله ماشاء الله رهيبة جدا ومكانها ممتاز وانا لو كان ينفع كنت خليت الحج يبيع شقتنا هنا وناخد ديه عشان بجد مكانها تحفة لكن المشكلة ان مساحة الشقة اصغر فمش هتنفعنا للاسف. سؤال لولبى شوية:هى الشقة فى جمبيها مراكز صيانة سيارات وكده ولا بعيد

أهلاً وسهلاً بيك أستاذ أحمد وانا يشرفنى كتير معرفتك وسعيد بتعليقك وبتعليقات كل اللى بيشاهدوا الأعلأن ويا سيدى كفاية ذوقك وأعتبر ثمن الشقة وصل .
بالنسبة لمراكزالخدمة والصيانة المعتمدة فهى كتير جداً مثل تويوتا ورينو وهيونداى ومنصور شيفروليه وغيره وتقع معظمها فى شرم الشيخ ( 150 كيلو متر من نويبع ) وهى معظمها مش بتبقى زحمة زى التوكيلأت فى مصر يعنى ممكن تخلص فى ساعة أو ساعتين بالكتير أوى ده غير برده الورش الكتير الموجودة فى منطقة الحرفيين بشرم الشيخ وبصراحة اليوم اللى بيبقى فيه صيانة فى شرم ده بنعتبره أنا والأولأد يوم فسحة لأن محمية رأس محمد ذات الشعاب المرجانية الجميلة تقع على بعد 16 كيلو من شرم فبنستغل الفرصة دى وبنروح هناك نعوم... ده بقى غيرمنطقة خليج نعمة ومنطقة السوق القديم والحفلأت اللى بتبقى فيها بالليل لتنشيط السياحة ومنطقة الميركاتو ذات المطاعم والكافيهات الجميلة , كل ده بيخللى الواحد مستنى اليوم ده يجي عشان يغير جو .
أجمل حاجة بقى فى الشقة ودى عن نفسى بعتبرها ميزة كبيرة أوى أكتر من الموقع ,, وهى أن ضوء الشمس بيدخل ليها من جميع النواحى وهى على فكرة مش حر خالص والبلكونة طول النهار فى الناحية اللى فيها الظل يعنى تقدر تقعد وتتفرج على البحر براحتك خالص ده غير أن العمارات اللى حواليك مش كشفاك خالص يعنى لو فتحت الشبابيك كلها أستحالة حد يطل عليك و يكشف بيتك .
وكمان أنا بعتبر النظافة والهواء النقى ده غير الحمد لله الأمن والأمان فى المدينة بفضل الله بيبقوا بردوا من أكبر المميزات , والحاجات دى أنا بحس بيها أوى وبمدى أهميتها وبالأخص لما بنزل القاهرة ساعتها بحس بالفرق الكبير والنعمة اللى أحنا فيها والحمد لله .
أرجو أن تتقبل تحياتى وأهلاً وسهلاً بحضرتك فى أى وقت تشرفنى وتنورنى وأزيد شرف بمعرفة حضرتك

[ابو هيما]

ربـــــــنا أتـــــنا فـــــى الدنــــــــيا حســــــنة وفـــــى الأخــــــــرة حســــــنة وقـــــــنا عـــــــــــذاب النـــــــــار

[waleed_d82]

المشاركة الأصلية كتبت بواسطة ابو هيما شكراً يا أستاذ وليد على ذوقك وربنا يوفقك يارب وتجيب اللى أحسن منها , أنا برحب بيك وبأى حد من أسرة مصر موتورز يحب يجى يقضى يوم جميل ويتعرف على مدينة نويبع ويغير جو بعيد عن زحمة القاهرة والمحافظات ,, وأنا والله صادق النية بأن أى حد يحب يجي أهلأً وسهلأً بيه فى أى وقت , وأنا والله أبن بلد أوى وأحب الناس كلها ومش بس كده هأكون له كمان مرشد سياحى بالمجان ,, أيه رأيك بقى فى العرض ده تقبل تحياتى يا أستاذ وليد وشاكر جداً لمشاركتك .

دا من كرمك والله بس انت كدة حتزهق مني لاني بحب الرحلات والفسح عموما انت خلاص حتبيع اهو ابقي قلنا عنوانك الجديد حتلاقيني كل صيف عندك ( انا رخم صح ) ههههههه
وانا بشكرك اوي علي عرضك وتقبل مروري

[ابو هيما]

المشاركة الأصلية كتبت بواسطة waleed_d82 دا من كرمك والله بس انت كدة حتزهق مني لاني بحب الرحلات والفسح عموما انت خلاص حتبيع اهو ابقي قلنا عنوانك الجديد حتلاقيني كل صيف عندك ( انا رخم صح ) ههههههه وانا بشكرك اوي علي عرضك وتقبل مروري

والله يا أستاذ وليد مرحباً بك فى أى وقت تحب تيجى فيه ويا سلأم لو معاك عربية دفع رباعى , ساعتها هتستمتع جداً بمتعة السفارى وأكتشاف سيناء , وأبقى شوف نفسك فى المرايا قبل الرحلة وبعدين شوف نفسك بعد ما تيجى من نويبع صدقنى كل اللى يعرفك هيقول لك أنك صغرت عشر سنين لورا , الجو هنا تحفة , والله انا عن نفسى لما بنزل القاهرة لمدة أسبوع ببقى فى أول يومين كحة مستمرة بسبب جو التراب والتلوث اللى مالى جو القاهرة , بالضبط زى اللى بيدخن سجاير أول مرة .
أنا سعدت جداً بمرور حضرتك ويشرفنى معرفتك عن قرب فى أى وقت