عدد الكيلوات دليل علي كفاءة العربية ولاء ؟

[chingy]

كنت عايز اعرف هل عدد مشي العربية من كيلوات دليل علي كفاءة العربية ولا مش ضروري وهل موضوع اللعب في العداد منتشر ولا لاء

[AbOnOrA]

هو من الحاجات اللى تأكد الحالة لكن مش اهم حاجة
بمعنى لو العداد صغير او (كسر زيرو) يعنى فى حدود 10 - 20 الف كم اكيد بيبقى دلالة على ان العربية لسه بحالتها وبيأكد ده طبعا مظهرها وحتى لو فيها حكات من بره او اترشت نظافة هتلاقى العربية من جوه لسه بحالتها
لكن انا شايف ان بعد ال 100 الف كم مش مهم العداد خالص اهم حاجة الحالة

وبالنسبة للعب فى العداد فده بيحصل طبعا حتى فى العربيات الجديدة

[mostafa2000]

بص يا باشا اللعب في العدادات دة للاسف موجود وكتير كمان
علشان كدة قراءة العداد مجر عامل مساعد لا اكثر
وحاول دايما لما تيجي تشتري مستعمل لازم تكون عارف تاريخ العربية كويس الافضل معرفة
ولو من حد غريب يبقي تختار اللي بيبيعلك العربية
ما يكونش تاجر ولا صاحب معرض
المالك نفسة افضل
وطبعا لابد من الفحص الشامل للسيارة وربنا يوفق

[Nissan]

بالصدفة البحتة تجربة تفيد فى الموضوع
عربية جية عشان تعمل صيانة 100 الف كم بالنسبة لى لازم أجرب العربيات قبل الصيانة ( معظمها ) لكن العربية اللى بتعدى ال50 الف كم لازم أجربها و بمنتهى الجدية و الدقة حتى لو لم توجد شكوى من العميل
و النهاردة و انا بجرب عربية جاية تعمل صيانة ال100 الف كم تخيلت غن الراجل لاعب فى العداد و العربية مش عاملة 100 الف كم توقعت غن العربية عاملة 20 الف كم او أقل بسم الله ما شاء الله عربية تقريبا زيرو
خرجت أستعلم عن تاريخ العربية عندنا لاقيت العميل مش مفوت صيانة

أكيد الكيلو متر مهم طبعا و تعتبر حالة صاحبنا من الحالات النادرة جدا بس لو العميل محافظ على صياناته يبقى الكيلو متر مش مهم اوى


((((((((( بس بيعمل صياناته و بيعمل اللى بيطلب منه من تغغير قطع غيار مش بيجى مركز الخدمة اونطى))))))))):HAPPY_~211 :

[hazem_khidr]

بصراحه انا بعرف العربيه النضيفه من قفله باب السواق!!!!
لو لقيت الباب قفلته حلوه و مش بيلخلخ و محكم و مش بيطلع صوت تبقي العربيه كويسه
لو لقيته بيرزع او بيعصلج و الكالون مش مضبوط في الفتح و القفل تبقي العربيه مش اد كده.
و كمان لو بصيت علي العربيه و لقيت كل الزجاج بتاعها بتاع بلادها مش بدور علي خبطات في الابواب

هيا الحاجات اللي بقولها دي مش شرط ممكن يكون جايب زجاج استعمال او ابواب بحالها لكن برضه بتخلي الواحد مطمن من العربيه.
بالنسبه للكيلو متر فسهل جدا يتلعب في العداد
لو العداد انلوج زي العربيات القديمه بيتفك و يتلعب في الكيلو متر بس غالبا عمر ما الارقام كلها بتجي علي نفس الاستقامه تاني و غالبا بتتعرف
انما العدادات الديجيتال بقي اللي كان الواحد بيقول صهب يتلعب فيها اتضح انه سهل جدا و فيه اجهزه بتعلمها و لقيت ناس بتوزع ورق علني كده عن مراكز بتعمل الحركه دي!!!!
وشفتها بعيني في عربيه كورولا 2004 كانت معانا و عامله 140 الف كيلو
و بعناها لتاجر و كان حاططها في معرض و انا لقيتها قولت انزل اتفرج عليها و اسأل سعرها كام
لقيت البياع ضارب في العالي و بيقولي اصلها فابريكه
قولتله اوك فابريكه بس كده قربت من ال 2005 (طبعا البياع ما يعرفش ان العربيه دي كانت بتاعي)
قالي اصلها عامله 63 الف كيلو!!!!!!!!!!
فتحت الكونتاكت و ببص علي التابلوه لقيته فعلا 63 الف كيلو...
تخيل من 140 الي كيلو الي 63 الف
و اللي حيشتريها ذنبه ايه انه يتغش بالمنظر دا و يفتكر عربيته لسه ما كملتش 70 الف كيلو و هيا في الحقيقه عامله اكتر من ضعف الرقم دا.
المهم قولت اشتغله شويه ......
قولتله بس يا ريت لما تلعبوا في عداد العربيه تبقوا تغيروا دراع النور كمان لان العلامات اللي عليه ممسوحه و مش معقول عربيه ماشيه 60 الف كيلو و مرفوعه زي ما انت بتقول يبقي العلامات ممسوحه بالمنظر دا
لقيته بيقولي اصل العربيه كانت مع ناس فلاحين و مهملين و جايين من ورا الجاموسهptmnlo123per1127
انا سمعت الكلام دا و عينكم ما تشوف الا النورptmnlo123per195
قولتله لعلمك بقي العربيه دي كانت مع اللواء فلان الفلاني و دا يبقي خالي
مش مع واحد فلاح يا ......... و كانت عامله 140 الف يا نصابين

طبعا قعد يقولي طب ايه لازمته الفيلم اللي عامله دا
قولتله علشان اعرفك ان حرام اللي انت بتعمله دا و ربنا حيحاسبك علي الغش دا
و حسبي الله و نعم الوكيل فيك