تعديل النظام الصوتى فى سيارتى

[نبيل عبدالرحمن]

المشاركة الأصلية كتبت بواسطة Hisham.Elgazzar ماشاء الله عليك يا أستاز نبيل جى ام وسماعات سونى بيضاوى ، الله أكبر ربنا يباركلك فيها ويكفيك شرها السماعات اليابانى ممكن تكون 15 واط لكن الRMS بتاعها عالى وكمان هيبقى صوتها حلو مش وحش انما واضح ان حضرتك من هواة تعديلات العربيات لأن مش أى حد بياخد باله من موضوع الجى ام ده غيرت إنطباعى عن حضرتك كتير يا أستاذ نبيل

طب أعرف الأول ايه الإنطباع اللى حضرتك كنت واخده عليه وإيه اللى إتغير فيه ؟
وعلى فكرة السماعات بتاعة البيبان الـ 15 وات ماكنتش يابانى ولا حتى صينى وكمان بمسكها لقيت وزنها خفيف جداً بالمقارنه بالسماعات JBLاللى ركبتها مع إنها صينى ، وبعدين السماعات السونى اللى ركبتها فى الخلف وهى 350 وات دائرية لإن البيضاوى كان لازم أفتح لها فى الصاج وده ماوافقتش عليه
شكراً لك يا أستاذ هشام

[ahmed-alaa]

ألف مبروك يا أستاذ نبيل و ربنا يباركلك في العربية و السماعات .. الموضوع كله ان التوكيلات بتاعتنا بتفضي العربية من كل حاجة و بيدورو ازاي يكسبو أكبر مكسب من كل فتفوتة في العربية لو مسمار العجل هيكسبهم أكتر كانو شالوه ! ربنا يعينا

[Hisham.Elgazzar]

طب أعرف الأول ايه الإنطباع اللى حضرتك كنت واخده عليه وإيه اللى إتغير فيه ؟

انطباع زى الفل طبعا وتقدير واحترام ولازال طبعا إلى الأبد
لكن فكرة الجى ام والسماعات الJBL أكيد حضرتك بتشتغل فى مجال الصوتيات والمرئيات بقى

[tamer1612]

سلام عليكم جميعا للعلم ياجماعة انا عندي نفس السيارة بالسعوديه يعني خليجي ونفس الكلام التسجيل والسماعات خليجي يعني باختصار مافيش سرقة ولا حاجة وان السيارة دي تصنف من فءة السيارات الاقتصادية بمعني انها ياباني بسعر معقول بس مقابل قلة اماكانيات يعني مثلا دي ياباني والكورولا يباني دي كماليتها عاليه ودي كماليتها متواضعة . بدليل السعر