#6
|
|||
|
|||
رد: برجاء مساعدتي في مازدا 97 عاوز اشتريها
واحد جارى معاه مازدا 323 موديل 2001 علي 38 الف وانا برضه حيران ارجو الافاده
|
#7
|
|||
|
|||
رد: برجاء مساعدتي في مازدا 97 عاوز اشتريها
ياااااااااااجمااعة
اذا كان الصنايعى الى مولود فى شنطة المازدا بيقول ان قطع غيارها غيالية ونادرة الصنايعى بنفسه الى فاهم الدنيا فى المازدا ادنا مليون مرة صلوا على النبى وكبروا دماغكم من الموديل والفئة دى وشوفوا حاجة تانية قريبة من السعر والكفاءة والكماليات دى انا كان ادامى فورد اسكورت موديل 99 جميع الكماليات وعربية اساسا شكلها وحالتها بتقول لسه خارجه من الصالة موديل 2011 انما بسيطة خالص عفشتها عاوزة تتغير كلها وموتور عاوز نص عمرة تتخيلوا بكااااااااااام؟ بعد الفصال وصلت 21 الف قلت حلو اتوكل على الله بس قلت اعمل مشوار اخير بس علشان ابقى فى التمام روحت لواحد معرفة عنده الموديل ده واخدنى لصنيعى وواحد بتاع قطع غيار قالى بالحرف العربية دى بتاعت بشوات لمواخذه مش بتاعت شباب او ناس بتكافح وبتعرق شويه الحاجات الى قلت عليها دى يا باشا هاتعمل معاك الافات الجنيهات وبعد لف ودوران عليها |
#8
|
|||
|
|||
رد: برجاء مساعدتي في مازدا 97 عاوز اشتريها
العربية دي معروفة باسم مازدا فاميلي، ودي قطع غيارها فعلا في القاهرة غالية وقليلة، ولو عايز تجيبها يبقى تعمل حساباك على مشوارين في السنة لبورسعيد، لأن قطع غيارها موجودة هناك وبسعر كويس. يعني بصراحة لو أنا داخلة في دماغي العربية دي وناوي أخليها معايا، هأنزل بورسعيد كل فترة أجيب كل حاجة الصيانة الدورية بتاعتها بكميات، بحيث ما أحتاجش أشتري من القاهرة. لو حضرتك عندك استعداد تعمل كدة يبقى توكل على الله، العربية جيدة جدا وممتازة على الطريق.
وفي حاجة كمان مهمة لازم تسأل عليها كويس: في عربية صيني اسمها هايما، العربية دي نازلة بنفس أبعاد الفاميلي، حتى أبواب الفاميلي بتركب عليها، وده حصل قدامي عند السمكري إلا بأصلح عنده، وحتى ماتورها هو ماتور الفاميلي، وده ممكن يخلي قطع غيارها تتحرك شوية، عموما اسأل كويس وما تتسرعش لكن عموما لو عايز نصيحتي، ممكن تجيب عربية صني موديل 94 مثلا، هتبقى في حدود السعر ده وبحالة جيدة، بس دور كويس، وربنا يوفقك |
#9
|
|||
|
|||
رد: برجاء مساعدتي في مازدا 97 عاوز اشتريها
المازا دى عربية جميلة جدا وثابتة اكتر من الانسر على الطريق كمان بس ملهاش سوق وواحد صاحبى لسى جايب واحدة مو 98 العربية جميلة وشاريها حالتها حلوة فول اوبشن اتوماتيك
بس على راى استاذ حازم لو فية الخير ماكانش رماة الطير قطع غيارها مش موجودة فى اى حتة وكمان هاترمى فى تصليحها انا من راى استاذ حازم دورلك على اكسيل او اكسنت عربية مش هاتزهقك وبالنسبة للامكانيات هاتبقى كويسة والقرار بتاعك فى الاخر وربنا يوفقك انشاء الله |
#10
|
|||
|
|||
رد: برجاء مساعدتي في مازدا 97 عاوز اشتريها
انا عندى مازدا الفاميلى موديل 97 وصراحة العربة ممتازة جدا واللى بيقول قطع غيارها غالية هى مش غاليه قوى قريبة من الهونداى اكسيل جدا
وقطع غيرها معمرة جدا جدا انا كان الاكصدام الامامى انكسر اشتريتة استيراد ب 400 جنية يابانى اصلى وموجود على فكرة جديد بس كورى ب 300 جنية والخلفى ب 350 جنية تيل الفرامل ب 75 جنية طقم المساعدين 500 جنية الكبالن الصينى ب 220 جنية اليابانى ب 550 جنية الكشاف الامامى ب 300جنية اعتقد دى اسعار معقولة جدا ومش غالية ولاحاجة الشكل جميل جدا وكل قطع غيارها موجودة فى الحرفيين يابانى اصلى السيارة راكبها بقالى سنة بسم اللة ماشاء اللة مفيش ابرة حطيتها فيها لان قطع غيارها ذى مابقول يابانى اصلى معمرة جدا رغم ان الموضوع قديم لكن شعرت ان الكثير متحامل على هذاالموديل رغم انة من احسن موديلات للمازدا حتى الماتور لو باظ ممكن تريح دماغك وتسقط غيرة وبكام يابلاش ب 2500 استيراد خلاصة الكلام العربية لا عايزة ابن باشا ولا ابن امير علشان يصرف عليها ذى مابعض الاشاعات يطلقها الميكانيكية مش عارف لية |
|
|