انا من الاغلبية الصامته وعايز اتكلم

[The MERCURY]

انا اكتر حاجة عجبانى فى الموضوع ده ، صيغة الهدوء فى الكلام

[MmFFoR]

http://www.facebook.com/video/video....66024673409520

بهدوء كده - حد يوضحلي امن الدولة مغارش في داهية ليه؟

[تامر ديزل]

السلام عليكم
الجدل زايد اوي بين التيار الاسلامي ومؤيديه والتيار الليبرالي ومؤيديه
ودا بيهون والتاني بيخون وكأن القضية مين مسلم ومين كافر ومن ناحية تانية مين متحضر ومين متخلف
اناشايف ان كل الجدال ده ترف فكري
احنا في مرحلة لازم يكون الخلاف خلاف حول طريقة تنفيذ الاهداف وليس على الاهداف
ناخد مثلا بالبلدي لو انا عاوز اروح القاهرة من دمياط قدامي طريقين الزراعي المليان مطبات اوطريق الاسماعيلية الطويل السالك لكن في الاخر هاوصل القاهرة
انما انا شايف الناس دلوقتي بيتخانقوا عن جدوى الذهاب للقاهرة والتاني يقوله تروح القاهرة ازاي وانت بالجلابية والتاني يقوله ياعم اقعد بلا سفر بلا هده
نخش بقى في الموضوع
هاسال سؤال وهاجاوب عليه اجابه من عندي لا اقصد بها تمجيد او تحقير انما اقصد توضيح
ايه الفرق بين افراد الجيش المصري والشرطة المصرية
نبدا من تحت لان الفرق تحت باين اوي عسكري الجيش ممكن يكون مؤهل عالي اومتوسط وفيه غير متعلم انما الداخلية كله عاده بدون مؤهلات عشان يبقى طوع
ضابط الجيش ياما احتياط وده مؤهل عالي يؤدي الخدمه او خريج كلية عسكرية غالبا لم يستخدم الواسطة او الرشوة للالتحاق بها اما الشرطة فلا ينكر احد حجم الوسايط والرشاوي التي تستخدم لدخول كلية الشرطة
الجيش بظباطه وعساكره ليس لهم اتصال مباشر بالمدنيين بالبلدي ما فيش مصالح مافيش سبوبه اما الشرطة فالمصالح اليومية للمواطن في ايدها
المهم نرجع لموضوعنا
بعد موقعة الجمل كان حسني بالنسبه للشعب شخص غير مرغوب فيه ومن يوم 2فبراير الى 12 فبراير كانت الترتيبات تجري للتمهيد للانقلاب العسكري
انقلاب عسكري بنكهة مصرية
وراح حسني وجه المجلس واسمحولي اقتبس سطر من الاستاذ ذو الفكر الجرئ mmffor
اللعبة بكل بساطة ان القادة و الجنود الميدانيين كانوا مؤيدين بصورة كبيرة للثورة و المجلس خاف من حركات تمرد
الله عليك ما هما اصلا (القاده والجنود الميدانيين )من كتلة الشعب زي ما وضحت فوق
المهم المجلس برضه يحسب ليه اطلاق سراح المظاليم اللي كانوا في ظلمات السجون وبرضه نحط نفسنا مكان الاسلاميين في مصر بكل فئاتهم يعني بقالهم سنين والقوة الحاكمه بتعاملهم بقسوة والنهارده
القوة الجديدة اللي بتحكم ماده ايد الموده ياخي سيبنا بقي نصاحب السلطه شوية ونكون من المقربين هوا احنا مكتوب علينا نكون منبوذين
وده يفسر لنا التاييد الشديد من الاسلاميين كلهم للمجلس
ونشوف كده الاحداث
استفتاء 19 مارس بنظام نعم ولا والمجلس اللي منزله والتيار ها يساند المجلس يبقى نأثر على الكتلة ونلعب على وتر الدين وما ادراك ما الدين بالنسبه للكتله انا منهم وعارف والمجلس لوح بالاستقرار وما ادراك ايضا ما هو الاستقرار بالنسبه لكتلة الشعب وكانت النتيجه المعروفه
نجري شويه ونوصل ل 8 يوليو كان لازم الليبراليين يكون ليهم اي وقفه قبل ما التحالف العسكري الاسلامي يكتسحهم ويسيطر على الكتلة الشعبية فاستخدموا ما تيسر لهم من ادوات حديثة واستطاعوا ان يقيسوا حالة التململ التي تنتاب الكتلة الشعبية من موضوع تاجيل المحاكمات للفاسدين الكبار وعدم وضوح الحقائق وبداوا اعتصام في الميدان وانضم لهم المتحمسين من الكتلة
وكان رد التحالف بنفس العنصرين استنفار الكتلة الشعبية للدفاع عن الدين والمجلس كشف الغطا عن الحالةالاقتصادية التعبانه فحدثت حالةمن التململ اكبر من الاولى واصبحت الكتلةمهيأةنفسيا لاكتساح الاسلاميين للميدان
عاوز اعلق تعليق جمله كده مكلكعه لقيتها مركونه في دماغي
اذا كانت الحالة الاقتصادية ل 80 مليون بني ادم مرهونه صعودا وهبوطا ازدهارا اوكارثية بوجود اعتصام في ميدان من الميادين بمعنى لو الاعتصام موجود ههنجوع ولو اتفض ها نتنعنش فليذهب الاقتصاد الهش الى الجحيم
سلامو عليكم

[MmFFoR]

و عليكو السلام

[young..pharaoh]

السلام عليكم الجدل زايد اوي بين التيار الاسلامي ومؤيديه والتيار الليبرالي ومؤيديه ودا بيهون والتاني بيخون وكأن القضية مين مسلم ومين كافر ومن ناحية تانية مين متحضر ومين متخلف اناشايف ان كل الجدال ده ترف فكري احنا في مرحلة لازم يكون الخلاف خلاف حول طريقة تنفيذ الاهداف وليس على الاهداف ناخد مثلا بالبلدي لو انا عاوز اروح القاهرة من دمياط قدامي طريقين الزراعي المليان مطبات اوطريق الاسماعيلية الطويل السالك لكن في الاخر هاوصل القاهرة انما انا شايف الناس دلوقتي بيتخانقوا عن جدوى الذهاب للقاهرة والتاني يقوله تروح القاهرة ازاي وانت بالجلابية والتاني يقوله ياعم اقعد بلا سفر بلا هده

وعليكم السلام و رحمة الله
متفق الي حد كبير مع الكلام ده

بعد موقعة الجمل كان حسني بالنسبه للشعب شخص غير مرغوب فيه ومن يوم 2فبراير الى 12 فبراير كانت الترتيبات تجري للتمهيد للانقلاب العسكري انقلاب عسكري بنكهة مصرية

الانقلاب تم فعلا يوم أن اعلن المجلس انه في حالة انعقاد دائم !!

يبقي حسني لا يملك ضرا ولا نفعا ولا توجيه للمجلس العسكري

اللعبة بكل بساطة ان القادة و الجنود الميدانيين كانوا مؤيدين بصورة كبيرة للثورة و المجلس خاف من حركات تمرد الله عليك ما هما اصلا (القاده والجنود الميدانيين )من كتلة الشعب زي ما وضحت فوق المهم المجلس برضه يحسب ليه اطلاق سراح المظاليم اللي كانوا في ظلمات السجون وبرضه نحط نفسنا مكان الاسلاميين في مصر بكل فئاتهم يعني بقالهم سنين والقوة الحاكمه بتعاملهم بقسوة والنهارده القوة الجديدة اللي بتحكم ماده ايد الموده ياخي سيبنا بقي نصاحب السلطه شوية ونكون من المقربين هوا احنا مكتوب علينا نكون منبوذين وده يفسر لنا التاييد الشديد من الاسلاميين كلهم للمجلس

كل هذا لا يستطيع أن يلغي أن المجلس حمي الثورة و خلع الرئيس

ننسب الفضل لأهله

بتقول ان المجلس طلع الاسلاميين من السجون .. و مضمون كلامك بيقول انه مطلعش غيرهم
يعني الاسلاميــين فقط هم من كانوا يعادوا النظام في أشد قوته
شكرا للمدح

استفتاء 19 مارس بنظام نعم ولا والمجلس اللي منزله والتيار ها يساند المجلس يبقى نأثر على الكتلة ونلعب على وتر الدين وما ادراك ما الدين بالنسبه للكتله انا منهم وعارف والمجلس لوح بالاستقرار وما ادراك ايضا ما هو الاستقرار بالنسبه لكتلة الشعب وكانت النتيجه المعروفه

لالالالا اختلف معاك بالكلية في التحليل ده

الاستفتاء تحول من سياسة الي دين بسبب تصريحات الكنيسة و دعوتهم الي قول لا في الاستفتاء !!

فأصبح الاسلاميـين رد فعل لمعركة دينية لا ألومهم فيها

لماذا لا تلومون الكنيسة أولا ؟

ملحوظه : أنا من الناس اللي قالت لأ في الاستفتاء ^_^

نجري شويه ونوصل ل 8 يوليو كان لازم الليبراليين يكون ليهم اي وقفه قبل ما التحالف العسكري الاسلامي يكتسحهم ويسيطر على الكتلة الشعبية فاستخدموا ما تيسر لهم من ادوات حديثة واستطاعوا ان يقيسوا حالة التململ التي تنتاب الكتلة الشعبية من موضوع تاجيل المحاكمات للفاسدين الكبار وعدم وضوح الحقائق وبداوا اعتصام في الميدان وانضم لهم المتحمسين من الكتلة

أولا الاسلاميـين هما اللي عملوا مليونية 8 يوليو !!
و ده واضح جدا في الفشل بجمع الناس بدون الاسلاميــين

هل الاسلاميــين غزاه ؟ ام انهم الشعب و أثبتوا ذلك بمليونية عملاقة في 8 و 29 يوليو !!
لماذا لا تتحدث عن تجاوزات المعتصمين التي ضقنا بها ذرعا
و مبادئ فوق دستورية و كل شوية نغمة الدستور أولا
خيانات مستمرة لرغبة الشعب

ذا كانت الحالة الاقتصادية ل 80 مليون بني ادم مرهونه صعودا وهبوطا ازدهارا اوكارثية بوجود اعتصام في ميدان من الميادين بمعنى لو الاعتصام موجود ههنجوع ولو اتفض ها نتنعنش فليذهب الاقتصاد الهش الى الجحيم

يا جماعة و الله التحرير لا يؤثر بمساحته !!
يؤثر بأنه قلب العاصمة !!
لما تبقي العاصمة اعتصامات .. السياح هيعتقدوا ان مصر كلها كدا !!
ده انتر ميلان اعتذر عن مئوية الزمالك لعدم استقرار الأمن في مصر !!
مع ان ده بيبقي حاميه اسطوول أمال السائح العادي !!

ده غير ان التحرير في ناس ليها محالات واقف حالها !!
ولا نموتهم هما كمان عشان الشهداء ماتوا ؟

اتفضل الاستفتاء ده من الشروق علي رأي الناس في فض الاعتصام و بالقوة

http://www.facebook.com/home.php?sk=...3817&qa_ref=qd

يبقي الناس دي معبرة عن رأي الشعب منين !!

دمت بود