الثورة المصرية علي خطي الثورة الفرنسية

[احمد بدر1978]

المشاركة الأصلية كتبت بواسطة mf86 "صل من قطعك .وأعطي من حرمك .وأعف عمن ظلمك

اعفوا عن من ظلمنى وليس من قتلنى ولا انت نسيت شهداء الثورة

[احمد بدر1978]

المشاركة الأصلية كتبت بواسطة AboNoRa ادى اخر عمايل سوسن اشتبكات دامية بين عائلتين بالمنوفية.. والأمن يترك الأهالي وينسحب! شهدت قرية شما التابعة لمركز أشمون بالمنوفية اشتباكات عنيفة بين عائلة أبو حريرة وعائلة قناوي ومجموعة من عائلات القرية مساء اليوم السبت عقب تشييع جنازة أحد أبناء عائلة قناوي بالقرية. وكان خلاف حدث بين محمد مرزوق قناوي ومسعود أبو حريرة وشقيقه سامح حريرة فقام الأخير بإطلاق الرصاص علي محمد قناوي الذي لقي حتفه مساء أمس وبعد تشييع جنازته مساء اليوم قام أهالي عائلة قناوي بإحراق منازل عائلة أبو حريرة انتقاما لمقتل ابنهم مما دفع عائلة أبو حريرة المعروفة بتجارة السلح لإطلاق النار علي الأهالي فلقي 8 أشخاص حتفهم وأصيب ما يقرب من 20 شخصاً وعندما استنجد الأهالي بالشرطة قام ضابط النقطة بإغلاقها وسحب العساكر فقال بعض الأهالي بإحراق منازل عائلة الحريري، فيما لم تصلنا حتي الآن أية ردود فعل رسمية من قبل مديرية الأمن في الوقت الذي وردت فيه معلومات عن نزول الجيش بصحبة تشكيل من قوات الأمن المركزي بمديرية أمن المنوفية. http://www.dostor.org/crime/11/july/2/47015

اتمنى من الشرطة مدام مش حيحلوا ولا يربطوا يسبوها احسن ويقعدوا فى بيوتهم على الاقل يخفوا من ميزانية الدولة بدل ما بياخدوا مرتبات على الفاضى

[mf]

وهو فيه حد بينسي الدم

بس التحقيقات تظهر ونتأكد مين اللي قتلهم واتقتلوا ازاي وفين .....

صح كده ولالا

بس مش نساوي بين واحد اتقتل وهو بيقتحم قسم شرطة او سجن او واحده وقعت من بلكونة بيتهم وقالوا عليها شهيدة الثورة ...

وبين شباب ورجال من خيرة رجال مصر اللي محدش بيسمع عنهم واخرهم من يومين الشهيد ملازم اول /احمد سمير ...

بس دي وجهة نظري المتواضعه

[The MERCURY]

نعيب زماننا و العيب فينا
و ما لزماننا عيب سوانا

اتفق و اختلف مع صاحب المقال ، (انا بحب المازدا 6 )
أولا لا يجب ان نعيب فى الثوار (بغض النظر عن الحركات او التوجهات) - أعنى من كانوا فى الثورة من 25 يناير و حتى 11 فبراير - فهى لم تكن ثورة منظمة او مؤامرة او خلافة.
و لم تكن ثورة شباب ، بل كانت ثورة شعب انفجر من الضغط و الالم و لا حياة لم يسمع مقولة آه التى يصرخ بها من زمن.
هى ثورة الموظف البسيط و محدود الدخل و الشاب و الفتاة و الاب و الام الذى لا يجد الا مستقبلا اسود ينتظره.
و لا اعتقد ان هناك من يختلف معى حتى هنا.
و لا تحاول ان تقنعنى ان هذا الانفجار مؤامرة او خلافة ، فصدقنى لو كنت من الذين يعانون شظف العيش للاحسست بكلامى.
اما ما يحدث بعد ذلك فانا اشعر انا هناك من يعبث لمحاولة الانقضاض على هذا المارد الذى يستيقظ من ثباته (اعنى مصر).
فلابد لعدة دول و اتجاهات ان تحارب و تزرع الفتن لعدم صحوة هذا المارد بعدة طرق (خلافات مع الجيش او الشرطة - حركات حزبية و غير حزبية و تناحرو خلافه).
ساعد على ذلك افتقاد مصر للقائد ، و مما لا خلاف عليه ان مصر دوما بحاجة الى قائد و عندما يوجد هذا القائد فان المصرييبن يصنعوا المعجزات ن و هذه هى حقائق التاريخ منذ (مينا موحد القطرين - عصر الفراعنة فى اواخر الدولة القديمة و هم بناة الاهرامات - تحتمس الثالث - رمسيس الثانى - أحمس -صلاح الدين الايوبى - قطز - محمد على -..... و القائمة طويلة)

و لكن المعضلة فى عدم و جود قائد فى الفترة الحالية.
ننتقل للنقطة الثانية و هى ان اخطر ما تم فى مصر فى العهد البائد و الخيانة العظمى لمصر ليست فى صفقات او اراض او غاز ، و لكنها فى تسطيح العقل المصرى و محو ثقافته و اختفاء المثل و القيم و اخلاق الامانة و الاخلاص و العمل و حب الوطن و حتى الادب.
فنحن شعب قليل الادب (آسف على التعبير و لكنها الحقيقة و لا اقصد احدا و لكن السيئة تعم ) فانا لا اقبل ان يقال على جهاز الشرطة سوسن لان جهاز الشرطة قيم و خلق و واجب و شرف و عين لا تمسها النار (اما ان يكون به اشخاص فاسدون فليذهب هؤلاء الى الجحيم 9 و لكن لا يجب ان نهين رسالة الشرطة من اجل بضعة فاسدين يمكن ان نزيلهم من على اللارض و ان ياتى غيرهم صالحين مثل اصحاب 25 يناير ( و لكن فى الاسماعيلية ايام الاحتلال الانجليزى و ليس فى ميدان التحريرفى عهد مبارك).
و لا اقبل ان يسبها مقدم الجيش ب***** .
لماذا لا نحترم بعضنا البعض لماذا لا نتعلم ادب الحوار و ادب الشورى فى الاسلام ، قد يغضب بعضكم من قولى انا شعب غير مؤدب و لكنها الحقيقة انا اشعر بذلك حين اشاهد التلفاز ، تتطلع الى برنامج حوارى و شاهد ماذا يحدث بين الحضور و بين المذيعيين ، المذيع غير مؤدب فى التعامل مع الجمهور لا فى الفاظه و لا تعبيراته ن اللغة العربية غابت عن الوعى و المذيعون لا يعرفون ما يقال بالفصحى و لا العامية.
و كل من هب و دب يفتى فى امر الامة (و الله اكاد اشك انه عصر الرويبضة كما حدث رسول الله)
يجب ان نكتفى بالحديث و ان نبدأ بالعمل ، مصر تحتاج الى اى فرد يرسى العدل و ان يبدأ العمل.
سيدى الضابط الفاضل / الف مبروك لصديقك لانه رزق الشهادة (فى الصعيد تطلق الزغاريد عن شهادة احد الافراد لانه يشفع لسبعين من اهله - و نسال الله ان يرزق اهله الصبر و السلوان) و لكنى اشعر انك حانق على الثورة و ما حدث ، صديقك كان يؤدى واجبه و وفاته شرف له و لاسرته و لا جدال ان هناك فرق بين الثائر و مقتحمى الاقسام و اللصوص و الخونة.
نحن بحاجة الى تعلم الهدوء و الادب و النظر الى مصر
الشرطة لا تستطيع ان تقوم بعملها لانها لم تغير فكرها الذى يقوم على انها من طبقة و الشعب من طبقة اخرى و بين الطبقتين كل العداء
لو شعر المواطن العادى انه مثل اى شرطى و التساوى فى المعاملات و الحقوق و الواجبات ستجد وضعا اخر ستجد الناس يساعدون الشرطة و لا يحاربونها.
الوقت ليس لالقاء اللوم او الدفاع عن اى طرف و لكنه ليقوم مل منا بدوره على اكمل وجه حتى يستقيم ميزان الامور.
و اسال الله ان يحمى مصر و شعبها و الشرطة (الشرفاء بس ) و الجيش.

عذرا للاطالة و نكمل لالحقا لانشغالى حاليا
و تقبل مرورى

[AbOnOrA]

المشاركة الأصلية كتبت بواسطة mf86 حضرتك ممكن مش واخد بالك او حاجه او ممكن برضو احنا لسه الصبح والتركيز مش آآآد كده طبعا مفيش مقارنه بين الرسول العظيم صلي الله عليه وسلم وبين الثوار الاحرار الشرفاء الاشاوسه الاكاوته المغاوير المجاهيم المغاتير بتوع 6 برسيل وبتوع التحرير اللي هيولعوها نار ويخلوا الشرطه "سوسن" والجيش "الفت" >>الله يرحم يوم ماكانوا بيجروا قدامنا زي القطط الفطسانه .... المبدأ حضرتك في العفو عند المقدرة والاستاذ فادي ضرب مثل بجنوب افريقيا وقانون المصالحه الوطني اللي حافظ علي المجتمع كنسيج واحد من "السود والبيض" ياريت بس يكون التعليل كويس يعني

طبعا مفيش مقارنه بين الرسول العظيم صلي الله عليه وسلم

ايوه كده خلينا فى مثال فادى علشان المثال اللى حضرتك اديتة ملوش علاقة بالواقع من قريب ولا من بعيد

وصحيح هنروح ليه بعيد انت قولتها العفو عند المقدرة .. وده لسه محصلش للثوار لانهم مش فى موقع سلطة
.. فسيبك من جنوب افريقيا وخليك فى شمالها وقولى ...هو عبد الناصر والظباط الاحرار عملو ايه فى بوللى وامثالة واحنا عملنا ايه فى عز واذنابة

صحيح لو مكنتش متابع .. العادلى اخد بالقضاء العادل (اللى على نار هادية ) 15 سنة مشددة من محكمة الجنايات فى قضية التربح واستغلال النفوذ ده غير كام مليون غرامة

http://www.youtube.com/watch?v=fe5a7jSHXFQ

تقدر تقولى العادلى دلوقتى لابس بدلة زرقة ولا بيضاء ؟

بداء يقضى العقوبة زى اى حرامى زيه ولا لسه .. تعرف ؟؟؟

ياريت كمان حضرتك توضحلى بالظبط تقصد مين بالعفو ؟؟ يعنى العادلى مثلاً ولا مبارك ولا عز وفرقتة ولا مين تحديداً

انا بجد عايز افهم وجهه نظرك علشان مكونش برد بتسرع من غير فهم حقيقى لموقفك

يعنى حضرتك شايف ان اننا نعفو عن العادلى مثلاً ونقولة خلاص ياعم سماح اتكل على الله وبالنسبة للفلوس اللى انت اخدتها حلال عليك ياعم الله يباركلو

هل ده رايك ؟؟