يوم الجمعه 28/1/2011 .... وحيدا على المنتدى الكبير بأعضاؤه

[MIDO-SPICY]

انا عايز اقول انى لسه شايف على التليفزيون المصرى دلوقتى مداخلهمن شاب اسمه تامر مقدرتش اعمل او اقول حاجه بعدها غير انى اخد سيجارتى واخرج اقف فى البلكونه علشان ادارى دموعى وحرقة قلبى واللى مقدرتش انى اوقفهم ..

الشاب بيتوسل للتليفزيون وهو منهار تماما من كتر البكاء انه يتواصل مع الشباب قبل بكره ويقولهم يروحوا


هو واحد من اللى بقالهم 10 يام فى الشارع ولما احتكم لصوت العقل روح هربان علشان ماحدش يقول عليه انهخاين


ومعرفش قرار الحربيه بامكانية انهم يروحوا غير لما راح عند اقارب ليه فى غمره


وبيتوسل للتليفزيون انه يوصل التحرير دلوقتى ويبلغ الشباب بالقرار دا


فين ناس كتير جدا عايزه تروح وخايفه من امن الدوله


بيقسم بالله العظيم اكثر من مره ان فيه ناس مش مصريين دلوقتى جوه المظاهرات وكانوا معاهم من اول يوم بيتكلموا معاهم وكانوا بيتظاهروا معاهم وبيجيبولوهم وجبات وشاى وسجاير وبيعملولهم اللافتتات اللى هما عايزينها وقاعدين ياثروا عليهم طول الليل


وقال انهم قالولهم ان بكره جمعه الوداع .. وداع لمين ؟؟؟


وانهى مكالمته وهو فى حالة اعياء من كتر البكاء


بالماسبة مزيع القناه طلب منه انه يجى دلوقتى على التليفزيون علشان يتكلم معاه وحولوا الخط على الكنترول علشان ينسق معاهم هيجى ازاى بس الولد مابداش قبول او رفض


_________________________ _________________________ ____


انا حاسس يا جماعه ان مصر بتسقط .. مصر تعدت مرحلة الثورة واصبحت فى حالة حرب .........


وحرب على مين ... حرب علينا احنا مش على شويه مبانى ولا على شويه فلوس نقدر بتعبنا وعرقنا اننا نعوضهم واحنا فخورين باللى عملناه


دى حرب ابادة للشباب اللى انا فى قمه حزنى انى ماكنتش معاهم علشان افضل فخور بنفسى باقى عمرى ادام نفسى وادام بنتى وادام عيلتى وبلدى


حرب اباده للشباب اللى رفعوا اسم مصر فوق قوى .


حرب اباده للشباب اللى ماحدش قدر يعمل زيهم مش من 30 سنه لا يمكن من 50 سنه او اكتر


حتى ثوره يوليو الشهيره اللى عملها مش شويه شباب عزل .. لا دى قياده جيش ليهم سلطه ونفوذ فى البلد ومعاهم سلاح ثقيل


مش عارف اعمل ايه للناس دى علشان احاول اجنبهم ولو ا % من اللى ممكن يحصلهم بكره


دمهم هيروح هدر

مش لاقى غير انى اقوم اتوضى دلوقتى واصلى وادعى ليهم ان ربنا يحميهم بكره من عنده ويبعد عنهم اى شر ويبيد الظالمين

الناس دى مش عايزه حاجه اكتر من انها تحس انها ليها كرامه فى بلدها ودى ابسط حقوقهم وكون ان الحكومه تنفذلهم دا فدا مش تفضل منهم وانما دا واجب عليهم

يارب حافظ علينا وعلى بلدنا وابعد عنا اى شر ..


اللهم اضرب الظالمين بالظالمين واخرجنا منهم سالمين


يارب رجع لاخواتنا فى ميدان التحرير دلوقتى رشدهم وعقلهم قبل ما تحصل الكارثه اللى كلنا هتسيب جوانا شرخ كبير

وبطلب من جميع الاعضاء اللى فى المنتدى انهم بكره فى صلاه الجمعه ان امام المسجد يدعوا فى صلاته ليهم وان ربنا يخرجنا من اليوم دا سالمين

يارب

انا بكتب المشاركه دى فى اكتر من موضوع دلوقتى علشان اكبر عدد من الاعضاء يقروها ويدعوا معايا للشباب دى ويدعوا وهما بيصلوا من دلوقتى لبكره فى صلاة الجمعه

[خالداعزالناس]

يارب اخرجنا سالمين .... من الفتنه الداخليه التى اصابتنا
يارب عدى الايام المؤلمه على مصر ... على خير .... وبأقل خسائر
وان شاء الله من بكره 5/2/2011
ترجع الحياه الى طبيعتها مره اخرى
وان شاء الله كل المتظاهرين ....... يرجعوا الى بيوتهم اليوم يوم الجمعه 4/2/2011
وكفايه كدا اللى حصل ..... وننتظر رؤيه الوعود والتعهدات بالاصلاحات الجديده والمطلوبه

[محمود زيزوو]

يارب نرجع مصر تانى وشعب مصر يرجع زى زمان مسالم تانى بس اهم حاجة يبقى موجود فينا اننا نعرف نجيب حاقنا من البلد والحكومة بس نعدى الازمة دى على خير

[خالداعزالناس]

الهدوء .... يعود تدريجيا الى الشوارع من جديد
يارب الايام تعدى ..... وننعم بالامن والامان ..... وحياه اجمل من ما قبل 25/1/2011

[خالداعزالناس]

كفايه كل اللى حصل الى الان
رساله المظاهرات وصلت الى الرئيس
وبدأ فى الاصلاح
ناس اتشالت .... وناس اعتقلت .....
لازم نشوف الوعود الجديده ..... واحنا .... كل واحد فى عمله او بيته او شغله
لازم الناس اللى فى وسط البلد .... وعامله مظاهرات الى الان .... تمشى .....
وتخلى فرصه لسياده الرئيس ..... لعمل الاصلاحات الجديده
كفايه مظاهرات وخراب ....
البورصه خسرت ...... والناس اللى شغاله باليوميه ..... وقفت عن العمل .... ومنحنى مصر الاقتصادى .... يتدرج تنازليا .... الى الهبوط .... الى القاع
يارب الامن والامان لمصر عاجلا ..... يارب العالمين