موقف جميل من ضابط شرطه مع عضو مجلس شعب بجد هيعجبك

[ماجد شاهين]

أحمد حافظ
31-1-2012 | 08:47 90 7548

مجلس الشعب
وقعت مشادة كلامية بين أحد ضباط المرور، بكمين شرطة على طريق القاهرة- الإسكندرية الزراعى، وأحد أعضاء مجلس الشعب، بعدما طالب الضابط من العضو إظهار رخصة القيادة، فرفض النائب البرلمانى قائلا "أنا عضو مجلس شعب ومعايا حصانة"، فما كان من الضابط إلا أن يصرخ فيه قائلاً "انسى الكلام ده كان زمان هشوف رخصك يعنى هشوف رخصك".

كان أحد ضباط المرور فى كمين على طريق القاهرة- الإسكندرية الزراعى، فوجئ بإحدى السيارات سوداء اللون، تدخل على كمين المرور، وزجاجها معتم "فاميه"، فاستوقفها أحد أمناء الشرطة، طالبها إظهار رخصة القيادة، لكن صاحبها قام بإنزال جزء من زجاج السيارة، وقال له "أنا عضو مجلس شعب"، فقام أمين الشرطة بإبلاغ ماحدث للضابط، فقام الأخير بالتوجه ناحية السيارة، وطلب من صاحبها إظهار رخصة القيادة، فكان رد سائقها "أنا قلتلكم أنا عضو مجلس شعب".

انفعل الضابط بسبب الطريقة التى يتحدث بها العضو، وقال له: "أنت عضو مجلس شعب على عينى وعلى راسى.. وحصانتك جوه البرلمان مش فى العربية.. وبعدين مش كل واحد يقوللى أنا عضو مجلس شعب "هضربله تعظيم سلام وأقوله اتفضل، بلاش رخصة القيادة، ممكن أشوف الكارنيه" لكن العضو كان رده عنيفًا بقوله "مش هطلع الكارنيه ولا الرخصة" فأجابه الضابط قائلا "العربية مش هتتحرك متر واحد إلا لما أشوف الرخص، وبعد إذنك أقف على جنب علشان نمشى الطريق".

بالفعل تحرك العضو قليلا بسيارته، وقام بإخراج هاتفه المحمول، فقال له الضابط بصوت عالٍ "أقسم بالله لو كان آخر يوم لي فى الداخلية النهارده، هشوف الرخص، ولو كان رئيس الوزراء نفسه على التليفون ماهكلمه، هو اللى يشتغل بضمير فى البلد دى يبقى عيب؟".

حاولت "بوابة الأهرام" معرفة اسم الضابط وعضو مجلس الشعب، لكنها لم تستطع، حيث كان الموقف قد انتهى، وبالفعل أظهر العضو هويته الشخصية، ورخصة القيادة، بعد إصرار الضابط على موقفه، وقام السائقون الذين حضروا الموقف، بتحية الضابط، فكان رده عليهم "عايزين البلد تتعدل، والواسطة تنتهى، واللى مش عاجبه يسيب مصر".


الاهرام : GROWIN~12::01 0104~171:: fun_36_3_11[1]:

[nktis]

( الخير في وفي امتي الي يوم الدين )
شكرااا علي الخبر.............:010104 ~171:

[jojojojojo]

تحيه لهذا الظابط المخلص في عمله وتحيه لكل واحد فعلا بيشتغل بما يرضي الله وانا عايز اعرف مين عضو مجلس الشعب اللي ميستهلش فعلا انه يمثل هذا الشعب العظيم ومستغرب ان لسه فيه برضه ناس بتقول حتي بعد الثوره انت متعرفش انا مين ولم يتعظ من اللي حصل للي كان اكبر منه ودلوقتي مرمين في السجون

[nktis]

ممكن يكون عضو المجلس الموقر فلووووووووووووووووووووووو ووول

[Payoo]

موقف الضابط يستحق الثناء والتقدير و الأحترام
أما موقف العضو فيستحق الاشمئزاز و الاحتقار و التوبيخ ووالضرب بالنعال