لاصحاب الخبرة عن موتسيكل هوجان 5

[مستر نبيل]

منذ ثلاثة شهور اشتريت موتسيكل مستعمل هوجان 5
وكان اول غيار زيت بعد شراؤه كان الزيت نازل قليل فتوقعت ان يكون صاحبه الذي اشتريته منه مغيرش زيت من فترة طويلة
وبعد حوالي 700 كيلو ذهبت لتغيير الزيت نزل ايضا قليل وفي هذه الفترة كان عندي تسريب زيت من الجوانات فذهبت للميكانيكي وعندما اخبرته ان الزيت بينزل حوالي النص عند التغيير فأخبرني ان الجوانات متعملش كده وان المكنه عوزه تتعمر
فارجو من اصحاب الخبرة هل قلة الزيت ممكن تكون فعلا من الجوانات ولا عاوزة تتعمر
ولو اتعمرت ده ميأثرش عليها فيما بعد او يسبب اعطال مستقبليه ولا ابعها واريح دماغي ؟
مع العلم ان الصامولة الي فوق كمان الي بنفتحها ساعة غيار الزيت الي بنضع منها الزيت كانت بتسرب ايضا
ارجو الرد

[Jack Box]

المشاركة الأصلية كتبت بواسطة مستر نبيل منذ ثلاثة شهور اشتريت موتسيكل مستعمل هوجان 5 وكان اول غيار زيت بعد شراؤه كان الزيت نازل قليل فتوقعت ان يكون صاحبه الذي اشتريته منه مغيرش زيت من فترة طويلة وبعد حوالي 700 كيلو ذهبت لتغيير الزيت نزل ايضا قليل وفي هذه الفترة كان عندي تسريب زيت من الجوانات فذهبت للميكانيكي وعندما اخبرته ان الزيت بينزل حوالي النص عند التغيير فأخبرني ان الجوانات متعملش كده وان المكنه عوزه تتعمر فارجو من اصحاب الخبرة هل قلة الزيت ممكن تكون فعلا من الجوانات ولا عاوزة تتعمر ولو اتعمرت ده ميأثرش عليها فيما بعد او يسبب اعطال مستقبليه ولا ابعها واريح دماغي ؟ مع العلم ان الصامولة الي فوق كمان الي بنفتحها ساعة غيار الزيت الي بنضع منها الزيت كانت بتسرب ايضا ارجو الرد

اخلص منها احسن

[أبو اياد]

اذا ماكنش الشكمان بيطلع دخان أبيض زي التوين هيبقى من الجوانات ومش محتاجه عمره
اذا طلعت عايزة عمره ممكن تعملها بس عند واحد كويس وترجع كأن الموتور جديد

[AbOnOrA]

سواء هتتعمر او تبيعها الاتنين خيارات مش سهلة
يعنى لو هتقدر تبيعها بحالتها من غير ما تخسر كتير يبقى افضل طبعا من وجع الدماغ وتضيع الوقت
لو عندك ميكانيكى شاطر يعملها العمرة المطلوبة وقطع الغيار متوفرة والتكلفة هتبقى معقولة عمرها وان شاء الله ترجع كويسه
فتاكيداً لكلام ابو اياد العمرة عموماً لو اتعملت صح واتركبت قطع غيار كويسه بترجع الموتور ل 80% من حالتة ان مكانتش اكتر

[مستر نبيل]

الف شكر لمروركم الكريم ولهذا المنتدي العظيم بأمثالكم
واريد ان اوضح ان الشكمان مبيطلعش دخان ولا حاجة