يا معشر الفرناوية هالمو

[topman100]

لو سمحتم يا معشر الفرناوية ممكن تقولولى اية اخبار الفيرنا كويسة ولا لا علشان عاوز اشتريها وشكرا".

[Hamada_El_Sh3er]

والله هي كويسة ومش كويسة
انا عن نفسي وعن تجربتين
يعني فيرنا واحدة مش فيرنتين
هقولك على المميزات والعيوب من وجهة نظري
بالنسبة للمميزات :
خفيفة وناعمة وسريعة وعائلية وشبابية وسعرها مناسب للمستوى المتوسط
بتسافر وبتجري ومش بتسخن زي القديم
الكاملة منها فيها أوبشن كويس ( إزاز كهرباء - ساعة - فانوس ستوب خلفي - لمبة قراءة في التابلوه - تقفيل الأبواب احسن من الهاف أوبشن )
مش واسعة ولا ضيقة هي متوسطة
شنطتها كويسة - متوسطة برضو
اكتر ميزة ممكن تكون فيها إنها سريعة في البيع

بالنسبة للعيوب :
أسوأ خامات ممكن تشوفها في حياتك في الصالون والصاج والتقفيل
من أقل لمسة بترحل فيها حاجات وتشوف أحلى فروقات في الأكصدامات والفوانيس والأبواب والرفارف
بعد ال 120 بتبقى مالهاش لزمة
مفيش فيها أي عنصر أمان إلا الحزام ( يعني ولا إيرباج ولا فرامل ABS (
الصاج بتاعها 0.6 يعني باللمس وبإيديك ممكن تطبقه
خامات الأبواب من الداخل ممكن تجرحها بصوابعك
خدمة التوكيل زي الزفت زي ماانت عارف
العربية من أقل خبطة في الوش أو الشنطة بتبقى معيوبة علاطول
لأن الأكصدامات ضعيفة وبتاخد وتدي لو شديتها بإيدك

بمعنى أصح العربية دي إسمها 128 الزمن ده
نصيحة مجرب
لو انت عايز تركب عربية جامدة وتستحمل
وخامات مظبوطة وتقفيل تمام
إبعد عن الفيرنا والدايو اللانوس
وفكر في حاجات تانية كتير زي ( ألنترا الشكل القديم عربية تحفة - دايو جولييت عربية تحفة - بي إم دابيلو موديل في التسعينات ولعلمك بنفس السعر وتبقى راكب عربية ليها إحترامها - وحاجات تانية كتير بنفس السعر ده لو في المستعمل )
إنما في الجديد هتحتاج تزود شوية

وانا تحت أمرك في أي وقت
ماتقولش إني بعقدك من الفيرنا
انا والله العظيم معايا الفيرنا وراكبها وكنت أتمنى تكون أحسن من كده

[ahmedsherif1990]

الفيرنا ..سيارة اختلف عليها الكثيرون ما بين مؤيد و معارض
و باستخلاص وجهة نظر كلا من الطرفين وجد الاتى :

1. سيارة شبابية و عائلية فى نفس الوقت
2. موتور قوى و ممتاز من حيث الكفاءة و استهلاك الوقود (1.6 DOHC )و قليل الاعطال
3. عفشة الى حد ما جيدة و لكن لا ترقى الاستخدام العائلى (اربعة بالكتير و وزن متوسط )ولكنها مريحة نسبيا
4. الخامات الداخلية من البلاستيك الرخيص و الفيبر ولكن متوسطة و ليست رديئة
5. تصميم هيكل خارجى ممتازمما يجعلها الاسهل فى الركنة و ذلك لان الابعاد واضحة من جميع النواحى و لكنه خفيف الوزن
6. عوامل الامان منعدمة -خليها على الله- و الكماليات معقولة جدا بالنسبة للسعر
7. افضل سيارة من حيث السعر مقابل الامكانيات
8. الثبات بعد ال120 كم/س انت مسئول عن نفسك
9. قطع الغيار متوفرة جدا و اى حد يشتغل فيها
10. الكلام ده مش عن تجربة شخصية بس نقلا عن تجارب فعلية من الاقارب و الاصدقاء
11. عشان ما اطولش انا كنت معارض ليها بس عشان كنت عايز عربية عائلية و عشان كده جبت الماتريكس -العائلة كبيرة شويتين

[semo99]

ابعد عن الفيرنا اللي هتدفعو في الفيرنا ادفعو في اكسنت استعمال انضف كتيييييييييييير

نصيحة ليك ابعد عن المستعمل حتي ولو مرسيدس موديل السنة

بالنسبة للعربية سعرها ممتاز بالنسبة لمتوسطي الدخل ومش هتلاقي عربية احسن منها في الفئة ديه

كل العربيات الجديدة ورق وبيحاولو يخففو وزنها علشان تبقي سحبها افضل

سيبها علي الله بس اهم حاجه متجريش