معالجه ثقوب الاطارات بالخابور خطر ويتلف الاطار

[magdy m.s]

المشاركة الأصلية كتبت بواسطة sharooo يتكون الاطار من نسيج من السلك مطبوخ ومكسي بالمطاط .استخدام الخابوريتلف هذا النسيج(ممكن تسمع صوت تقطيع النسيج بوضوح عند ادخال الخابور في الاطار). بعد استخدام3 او 4 خوابير على الاكثر يتلف الاطار بعد فتره قصيره على حسب مواقع الخوابير بالاطار والمسافات بينهم واعراض التلف انك تحس ان العربيه بتعرج وهي ماشيه(الفرده ملووحه) حقيقه الذي يحدث انه بحدث انقطاع بشكل خط مستقيم بين خابورين او اكثر الهواء المضغوط بالداخل يدفع الاطار من عند الجزء التالف للبروز للخارجاكثر من الازم وخطر جدا تمشي بهذا الاطار لانه هينفج في اي وقت وحصلتلي 3 مرات لتجنب هذه المشكله اتعب شويه وعالج الاطار ب لحام داخلي

برافو عليك كلام سليم 100%-وعن تجربة بل تجارب (اقصد خوابير لانها اسم علي مسمي)

[ahmed el gendy]

المشاركة الأصلية كتبت بواسطة dr_eslam_66 ياجماعة ماتصلوا على النبي الأول. فعلا نظريا اللحام بالماكواه وحش لأنه نظريا بردو سخن وموضوع الخابور برضوا وحش لأنه بيورّق الكاوتش زي ما حضراتكوا ماقولتوا وكمان اللحام ببادج داخلي على البارد أسلمهم بس بردو وحش لأنه بيسرب تاني بعد فترة وإنتا مش هتفضر رايح جاي على بتاع الكاوتش. فا لو جينا نبص هنلاقيكوا بترفضوا نوعين لأنهم نظريا بيسببوا مشاكل والنوع التالت الي هوا فعليا بيسبب مشاكل بتقولوا عليه أحسن. 1-) الكاوتش أيا كان نوعه فا ليه عمر إفتراضي ولا يحبذ إطلاقا إستخدامه بعد هذا العمر لأنك هتبدأ تواجه مشاكل تانية زي نشوفية الكاوتش والرعشة الي شبه الترصيص البايظ كدة والترزيع في المطبات كإني عفشتك بايظة ومع الوقت بيؤدي لتلف المساعدين. 2-) بما إنك مش هتستخدم الكاوتش دا طول عمرك ياعني يبقى نبص بقى إيه هيا الأنواع الي هتؤدي لتلف الكاوتش معاك خلال فترته الإفتراضية الي المفروض يخدمك فيها. أ) المكواه: تلفها بسبب التسخين ودا بسبب الصنايعي الي بيلحم لو زود العيار عن حدة هتشوف العيب لحظيا مش هتضطر تمشي وبعد فترة تلاحظ العيب أما لو تم اللحام بنجاح فلا يؤدي لأي مشكلة لأنه علشان أستنى السلك الي هوا معدن يتمدد بسبب حرارة اللحام هنوصل للنقطة الي لسة بنتكلم فيها إني الصنايعي إفترى شوية ودا هتلاحظه وإنتا واقف وقبل ماتركب وتمشي. ب) الخابور: أولا هوا أنواع على فكرة (مادة الخابور نفسها أنواع) المفروض بتاع الكاوتش يشتري الخوابير دي علشان تكون مرنة وتاخد شكل الخرم وماتهويش تاني ولو حد عمل خابور قبل كدة ورجع هرب منه تاني يبقى يقولنا, على بقى ما الخابور ما يتسبب في توريق الكاوتش هيكون عدى عمر الكاوتش الإفتراضي أصلا, طيب هل الخابور هيسبب فصل في طبقات الكاوتش والمسمار الي خرم الكاوتش مش هيسبب دا إشمعنى ياعني؟!؟.

والله كلام منطقي برده تسلم

[sharooo]

المشاركة الأصلية كتبت بواسطة sharooo يتكون الاطار من نسيج من السلك مطبوخ ومكسي بالمطاط .استخدام الخابوريتلف هذا النسيج(ممكن تسمع صوت تقطيع النسيج بوضوح عند ادخال الخابور في الاطار). بعد استخدام3 او 4 خوابير على الاكثر يتلف الاطار بعد فتره قصيره على حسب مواقع الخوابير بالاطار والمسافات بينهم واعراض التلف انك تحس ان العربيه بتعرج وهي ماشيه(الفرده ملووحه) حقيقه الذي يحدث انه بحدث انقطاع بشكل خط مستقيم بين خابورين او اكثر الهواء المضغوط بالداخل يدفع الاطار من عند الجزء التالف للبروز للخارجاكثر من الازم وخطر جدا تمشي بهذا الاطار لانه هينفج في اي وقت وحصلتلي 3 مرات لتجنب هذه المشكله اتعب شويه وعالج الاطار ب لحام داخلي

السلام عليكم
حاجه تانيه مهمه جدا .لحام الاطار بالمكوه غلط برضه لان بالتسخسن الزائد يتأثر نسيج الاطار السابق ذكره ويحدث خلخله بين الكوتش والسلك يؤدي ايضا للتلف وخطوره
زي ما قلت رايي.ياريت نلحم داخلي وهو عياره عن الرقعه السودا الي حواليها دايره حمرا او برتقالي وده ميزيتها انه بيتم لزقها على الثقب من الداخل باستخدام غراء خاص (سليسيون)
بدون اي تسخين

[sharooo]

المشاركة الأصلية كتبت بواسطة luaai من ساعت ما جبت عربيتي مالمسش كاوتشها خابور بالرغم من أني عايش في منطقة صعبة جدا والكاوتش بيتخرم كتير.. لكن باجي على نفسي وأحط الاستبن وأروح لبتاع الكاوتش يعملها باتش من جوة.. وساعات كمان بتطلب معايا يعملها مكواة لأن الباتش كذا مرة يرجع يفتح معايا.. ومع كذا واحد بتاع كاوتش..

السلام عليكم
1-بما ان الاطار بيتخرم عندك كتير يبقى لازم تجيب منفاخ طوارئ(ممكن تجيبه من كارفور او سبينيس او حتى من التوفيقيه ارخص)بيكون عامل 60 جنيه تقريبا وبيركب في الولاعه وبينفخ الكوتش في وقت مش قصير بس بيرحمك من تركيب الاستبن
انا جايبه وبنفخ بيه بسيط كده يمشيني لغايه لما اروح لبتاع الكوتش واكشف على الفرده وانفخها بضغط مزبوط
في مره ركنت قدام محل ولقيته نيملي فردتين!! نفختهم بالمنفاخ قدامه من غير ما اتعب ولا حاجه بس اهم حاجه تكون مشغل العربيه وانت بتنفخ لانه بيسحب البطاريه .
2-لو اللحام الرقعه بيفك من مكانه يبقى الصنايعي مش بينضف ويطهر كويس قبل ما يلزقها..خلي بالك وبلاش لحام المكوه

[sharooo]

المشاركة الأصلية كتبت بواسطة dr_eslam_66 , طيب هل الخابور هيسبب فصل في طبقات الكاوتش والمسمار الي خرم الكاوتش مش هيسبب دا إشمعنى ياعني؟!؟.

السلام عليكم
كلامك مزبوط فعلا المسمار الي اتسبب في الثقب بتلف الاطار لكن بنسبه مش كبيره ز
شوف هبسطهالك المسمار لما بيدخل مبيدخلش فجأه ده بتمشي عليه كتييير وبيدخل ببطء شديد جدا في الاطار وبالتالي لا يمزق نسيج الاطار . لكن الخابور بيدخل بسرع وقوه دفع كبيره من الصنايعي ..
تاني حاجه اغلب المسامير الي بتعمل ثقوب بيكون قطرها صغير جدا بالنسبه للاداه الي بتدخل الخابور وخاصه من الامام.. عشان كده حتى وهو بيركبه بتسمع زي صوت حاجه بتتخرم