العربيه مخنوقه

[xabi]

المشاركة الأصلية كتبت بواسطة حسام البورسعيدى لو الخنقة دى جت معاك خنقة يبقى صعب تكون مشكلة اسطوانة وديسك .. لكن لو الخنقة دى بدأت بالتدريج يبقى وارد يكون تفويت فى الاسطوانة .. (معلش انا مش فاهم الحته دى) ممكن تختبر الاسطوانة بانك تحاول مثلا انك تطلع على التانى وشوف تجميع العربية للسرعة هيبقى ازاى ..(هيا معقوله) ممكن كمان تشد فرامل اليد جامد وتحاول تطلع على الاول .. لو العربية قاومت جامد وبطلت يبقى الاسطوانة معشقة كويس الحمد لله ..(معلش ياحسام..العربيه لو بطلت يبقى الاسطوانه كويسه ازاى..!!!على حسب وجهه نظرى ان العربيه لو قاومت وحسيت بيها وهيا بتعطلع يبقى الاسطوانه كويسه..انما لو ريحت ومقدرتش تطلع يبقى ممكن يكون الاسطوانه مفوته فعلا...معلش انا بقول الكلمتين من واقع خبرتى فى العربيات..بس طبعا مش هتيجى جنب اى حد فاهم زيك..انا عايز اتأكد ان كلامك صح او ممكن مايكونش انت كتبته غلط..) بس متكررش الموضوع ده كتير علشان غلط .. اعمله مرة ولا اتنين للاختبار بس .. عموما انا حاسس ان المشكلة هتكون من فلتر البنزين ان شاء الله .. ثم فلتر الهوا

هاجى برضه للسؤال اللى سألته كذا مره وانت مخدتش بالك منه...بالنسبه لحساس الايدل..مفيش فيه اى مشكله لو استنيت عليه فتره لغايه لما ابقى اصلحه..

انا عارف انى تعبتك معايا النهارده اوووى...معلش بقى اخوك الصغير

[حسام البورسعيدى]

لو الخنقة دى جت معاك خنقة يبقى صعب تكون مشكلة اسطوانة وديسك .. لكن لو الخنقة دى بدأت بالتدريج يبقى وارد يكون تفويت فى الاسطوانة .. (معلش انا مش فاهم الحته دى)

هههههههههههه

معلش اصلى كنت بكتب امبارح وانا مجهد جدا علشان كده كنت مهيس شوية

انا اقصد لو الخنقة دى جت معاك فجأة يبقى صعب تكون اسطوانة وديسك .. لان الاسطوانة بتتآكل بالتدريج ومينفعش تفوت كده من يوم وليلة ..

..(معلش ياحسام..العربيه لو بطلت يبقى الاسطوانه كويسه ازاى..!!!على حسب وجهه نظرى ان العربيه لو قاومت وحسيت بيها وهيا بتعطلع يبقى الاسطوانه كويسه..انما لو ريحت ومقدرتش تطلع يبقى ممكن يكون الاسطوانه مفوته فعلا...معلش انا بقول الكلمتين من واقع خبرتى فى العربيات..بس طبعا مش هتيجى جنب اى حد فاهم زيك..انا عايز اتأكد ان كلامك صح او ممكن مايكونش انت كتبته غلط..)

كلامك صحيح طبعا .. بس واضح ان انت مفهمتش كلامى كويس ..

انا كنت بقصد انك تحاول تطلع ع الاول بس ما تدوسش بنزين جامد بحيث العجل اللى ورا ميزحفش ..

فاذا قاومت العربية (بسبب ان العجل واقف وبالتالى هيوقف الموتور) يبقى كده دبرياجك تمام ..

اما لو العربية مقاومتش جامد (كده كده لازم تقاوم معاك) يبقى كده ممكن يبقى فى تفويت فى الاسطوانة .. يعنى العجل واقف فالمفروض يفرمل الموتور معاه ولكن فى تفويت فى الدبرياج ...

اتمنى تكون فهمت قصدى ..

لو مفهمتش اوى اقولك حاجة اسهل :

هات قالبين طوب ولا حاجة وحطهم ادام العجل الامامى وحاول تطلع بالعربية ..

لو العربية طلعت معاك بسهولة وجمعت سرعتها على طول يبقى تمام .. غير كده يبقى فى تفويت ...


من الاخر .. الفكره انك بتحمل جامد على العربية وتشوف هتقدر تقاوم وتطلع ولا لأ ..

هاجى برضه للسؤال اللى سألته كذا مره وانت مخدتش بالك منه...بالنسبه لحساس الايدل..مفيش فيه اى مشكله لو استنيت عليه فتره لغايه لما ابقى اصلحه..

لا مفيش مشكلة .. هو بس ممكن (مش اكيد) يزود استهلاك البنزين شويه ..

عموما حاول تنظفة بالاسبراى (زى الفيديو كده) وغالبا العيب هيظبط معاك بعدها .. احتمال كبير تكون مجرد وساخة فى الحساس مش اكتر ..

انا عارف انى تعبتك معايا النهارده اوووى...معلش بقى اخوك

انا تحت امرك فى اى وقت يا باشا وارجو انك تسامحنى على التأخير ..

[xabi]

انا تحت امرك فى اى وقت يا باشا وارجو انك تسامحنى على التأخير ..[/QUOTE]

ولا يهمك ياباشا...انا كنت ناوى النهارده اروح اجيب فلتر البنزين..بس الدنيا كانت بتشتى عندنا جامد اوووى فمعرفتش اروح...كل اللى عرفت اعمله انى انضف فلتر الهوا..ونضفت الردياتير من الصدأ اللى كان فيه..بس بصراحه النتيجه كويسه جدا...وحسيت بفرق كبير بعد لما عملت كده..السؤال دلوقتى..انا عندى بحط مياه فى القربه ينفع اشيل المياه دى واحط اى سائل اخضر او حاجه للتبريد بدل المياه؟

[حسام البورسعيدى]

انا كنت ناوى النهارده اروح اجيب فلتر البنزين..بس الدنيا كانت بتشتى عندنا جامد اوووى فمعرفتش اروح...كل اللى عرفت اعمله انى انضف فلتر الهوا..ونضفت الردياتير من الصدأ اللى كان فيه..بس بصراحه النتيجه كويسه جدا...وحسيت بفرق كبير بعد لما عملت كده..السؤال دلوقتى..انا عندى بحط مياه فى القربه ينفع اشيل المياه دى واحط اى سائل اخضر او حاجه للتبريد بدل المياه؟

مش عارف ايه موضوع الشتا ده ؟؟ دى بورسعيد غرقت النهاردة وامبارح ...

المهم الحمد لله كويس ان العربية ظبطت معاك .. بس هل رجعت زى الاول ولا ليه مش اوى ؟؟

عموما يا ريت تروق عليها وتنضف البوابة والايدل زى ما قلتلك وتغير فلتر البنزين وانت باذن الله هتحس بفرق رهيب ..

وطبعا ممكن تحط مياه خضرا وبلاش تحط مياه من الحنفية علشان متعملش صدأ وتسخن العربية ..

الميه الخضرا افضل بكتير ...

ولو عاوز تغيرها .. حاول تدور على طبه فى الريداتير من تحت (مش عرف بصراحة مكانها فين عندك بالظبط) .. وافتح الطبه دى هتلاقى الميه بدأت تنزل .. سيبها لما تخلص وبعدين دور العربية لمده 30 ثانية تقريبا علشان تطرد الميه كلها من الدورة .. وبعدين ركب الطبه تانى وحط الميه الخضرا بتاعتك ..

[xabi]

المشاركة الأصلية كتبت بواسطة حسام البورسعيدى مش عارف ايه موضوع الشتا ده ؟؟ دى بورسعيد غرقت النهاردة وامبارح ...(ربنا يستر) المهم الحمد لله كويس ان العربية ظبطت معاك .. بس هل رجعت زى الاول ولا ليه مش اوى ؟؟ (حسيت بفرق عن اخر مره) عموما يا ريت تروق عليها وتنضف البوابة والايدل زى ما قلتلك وتغير فلتر البنزين وانت باذن الله هتحس بفرق رهيب .. وطبعا ممكن تحط مياه خضرا وبلاش تحط مياه من الحنفية علشان متعملش صدأ وتسخن العربية .. الميه الخضرا افضل بكتير ...(طب فيه انواع منها وايه انضف نوع) ولو عاوز تغيرها .. حاول تدور على طبه فى الريداتير من تحت (مش عرف بصراحة مكانها فين عندك بالظبط) .. وافتح الطبه دى هتلاقى الميه بدأت تنزل .. سيبها لما تخلص وبعدين دور العربية لمده 30 ثانية تقريبا علشان تطرد الميه كلها من الدورة .. وبعدين ركب الطبه تانى وحط الميه الخضرا بتاعتك ..

دلوقتى انا بحط مياه فى القربه اللى عليها السهم..انا مش عارف بقى ازاى انا هحط المياه الخضرا دى فى الردياتير..معلش ياحسام باشا بتعبك معايا