محتاج مساعده من حد خبير ريسينج

[karem samy]

بص يا معلم انا اعرف واحد في المطرية اسمة حمادة مطارية و اعرف واحد في الحي السابع برضو واعرف واحد في مكرم عبيد قريب من معهد الألسن لو تعرفو شوف انتا هتنزل امتي وقولي وانا انشاء الله اظبطلك الدنيا وعلي فكرة الناس اللي انا بكلمك عليهم دول مش معارض انا عارفهم معرفة شخصية

[chario]

يا عم كريم ابعتلى تليفونك طيب فى رساله
او خد تليفونى و كلمنى 0104185325
انا مستعد انزل دلوقتى حالا و الفلوس يوم الثلاثاء اول ما البنوك تفتح الصبح هتكون الفلوس موجوده او فورا لو حد فيهم بيقبل شيكات مفيش مشاكل
غلى العموم كل دول قريبين منى انا من مصر الجديده
ابعتلى رقمك او كلمنى
تحياتى

[honda-cbr900]

المشاركة الأصلية كتبت بواسطة chario يا كريم انا جاهز فورا بالفلوس بس الاقى حاجه حالتها كويسه و بسعر كويس برضه يتناسب مع الحاله بتاعت الموتوسيكل لكن الاقى واحد يقولى ال250 فير ب15 الف و 250 عاده ب13 الف اعتقد ان ده استعباط انا معايا الحمد لله امكانيات ماديه كفايه لكن مكش هادفع فى حاجه اكتر من قيمتها تحياتى لك و قولى على الراجل بتاعك يمكن هو اللى يبقى عنده الحل

مين قالك ان الاسعار ديه استعباط ؟؟ ولما انت بتقول انك جديد ازاي عرفت ان الاسعار ديه استعباط ؟؟

الاسعار ديه مناسبة جداً وال250 الفير بقا يوصل سعره دلوقتي اكتر من 15 الف

وانت ما حددتش في الموضوع انت عايز تجيب موتوسيكل في حدود كام او معاك كام ؟؟ او انت تقدر تسوق كام سي سي انت سايب الموضوع مبهم وبتعتب ع الناس انها مش بتساعدك لو وضحت من الاول طلبك كان اترد عليك بكل سهولة

[chario]

المشاركة الأصلية كتبت بواسطة honda-cbr900 مين قالك ان الاسعار ديه استعباط ؟؟ ولما انت بتقول انك جديد ازاي عرفت ان الاسعار ديه استعباط ؟؟ الاسعار ديه مناسبة جداً وال250 الفير بقا يوصل سعره دلوقتي اكتر من 15 الف وانت ما حددتش في الموضوع انت عايز تجيب موتوسيكل في حدود كام او معاك كام ؟؟ او انت تقدر تسوق كام سي سي انت سايب الموضوع مبهم وبتعتب ع الناس انها مش بتساعدك لو وضحت من الاول طلبك كان اترد عليك بكل سهولة

و الله انا لفيت فى السوق و شفت تقريبا الاسعار عامله ازاى انا معاك الارقام دىة كويسه لو الماكينه افراج او حالتها ممتازه لكن للاسف كل اللى شفته ميستاهلش المبلغ ده
بالنسبه للحدود انا معنديش مشاكل انا عاوز حاجه متعطلش منى بس و يكون سواقتها سهله و سبب اختيارى ال250 هو انها مناسبه ليا فى البدايه لكن انا لو عاوز اشترى 900 فاير افراج معايا تمنه
تحياتى لك و مشكور على الرد

[eng pody]

ربنا معااااااااااك ، انت دست على الجرح انا والله زيك تمام عايز اجيب ريس ومش عارف اى حاجة فى البطاطااااااااا ، وكمان ما بعرفش اسوق ، يعنى من الاخر ضمونى معاكم