فيرنا و لا BYD افيدوني ارجوكم ؟؟

[msmahmoud]

السلام عليكم

ارجوا من اهل الخبره النصيحه و المقارنه العادله بين الفيرنا و البي واي دي اف ثري

انا محتار جدا

وجزاكم الله خير

[msmahmoud]

المشاركة الأصلية كتبت بواسطة msmahmoud السلام عليكم ارجوا من اهل الخبره النصيحه و المقارنه العادله بين الفيرنا و البي واي دي اف ثري انا محتار جدا وجزاكم الله خير

52 مرور ولا اي راي نروا الرد من الخبراء واضح ان فيه طلب كتييير

[Torn@doo]

الاتنين متجربين منتشرين وقطع غيارهم متوفرة ومنتشرة واسعارها متقاربة
بس انا بفضل بى واى دى لان فيها مميزات اكتر اوبشن اكتر عالية شوية مش بتحك زي الفيرنا
واسعة اكتر من الفيرنا
وربنا يوفقك للى فية الخير

[teffa85]

المشاركة الأصلية كتبت بواسطة msmahmoud السلام عليكم ارجوا من اهل الخبره النصيحه و المقارنه العادله بين الفيرنا و البي واي دي اف ثري انا محتار جدا وجزاكم الله خير

اولا منور المنتدى كلة ومنتظرين التواصل دائما
بص انا هاقولك على كذا عربية فى نفس الفئة السعرية للفيرنا والبى واى دى وعليك الاختيار عشان متبقاش اختياراتك محدودة والقرار الاخير ليك
لو عاوز عربية متورها قوى وتستحمل شغل كتير وسفر وقطع غيارها معقولة وبدائت فى الانتشار برة التوكيل وعالية شوية عن الارض يعنى تعدى اى مطب واجدعها شارع مكسر وشيك واقتصادية وتحكم وثبات ممتازوشبابية هات بروتون ساجا
ودى مواصفاتها
اولا : المواصفات :الابعــاد : 4257 * 1680 * 1502

الوزن : 1035 مانيوال , 1065 اوتوماتـك

حجم الشنطــه : 413 لتــر

قـوة الموتـور : 94 حصان - 6000 دوره

عـزم المحــرك : 120 نيـوتن متر - 4000 دوره

من 0 : 100 كم/ساعه (ثانيه) : 13ث -مانيوال- / 14.5ث -اوتو-

الازاحـه الإجمـــاليـه ـ cc ـ : 1332
حجـم الكـاوتـش : 185/60R14

نيجى بقى بالنسبة للسعر :

المـانيـوال : 63,900

الاوتـوماتـك : 68,900
بس بيقولوا ان السعار زادت شويه انا معرفش الصراحه علشان مفتيش بس

التجهيزات :
تكيف
باور
سنتر
2زجاج كهرباء
1 ايرباج للسائق بتنزل بجنوط اسبور
2 مرايات كهرباء
فانوس فرامل
دعامات فولاذية فى الابواب
قفل مركزى
2 ريموت كونترول
تعديل مستوى الدركسيون لاكثر من وضع
كاسيت (راديو + cd +mp3 )
منفذ كهرباء 12 v
سماعات اماميــه , 2 سماعات خلفيــه .

بارك سينـسور


جنط رياضى .

5 احـزمة امــان .

2 فوج لايت امـامــى (مصابيح شبوره)

فوج لايت خلفي

5 حامل اكواب .

مقابض الابواب , المرايات الجانبيه , المصدات -بنفس لون السيــاره-

التحكم في ارتفاع و انخفاض كرسي السائق

فتح التانك و الشنطه من الداخل

سخان زجاج خلفي

عداد رحلات
الحاجات الي بتستلمها مع العربيه

الدواسات
شنطه العده (مفتاح ربط العجل - اريال السقف - شنكل القطر - زراديه - مفك - مفتاحين ربط كبير و صغير - مفتاح تاني تقريبا بتاع ربط الاستبن )
الاستبن و الكريك
كتالوج العربيه
كتالوج الكاسيت
كتيب الظمان
طبعا نسختين المفتاح
اهم حاجه الكود الي بيجي مع المفتاح ده تشيله في الخزنه في البيت علشان لو مفتاح ضاع تعرف تطلع عليه



استهلاك البنزين :
حوالي 7 لتر في 100 كيلو علي سرعه اقصاها 60 يعني في معدل الاستهلاك يقل لو السرعه زاده عن كده و العربيه بتلين

الضمان :
الف كم او 3 سنوات ايهما اقرب

سعار قطع الغيار ؟

فانوس امامـى : 820

فانوس خلفـى : 315

رفرف امامى : 435

رفرف خلفـى : 1200

فلتر زيت : 50

سير الكاتينـه : 440

البليـه : 460

سير المجمـوعه : 155

التقفيل :
جيد جدا و لسه مظهرتش عيوب فيه
الالوان المتوفرة :
سود
احمر
ابيض
فيروزي
فضي
ميتال جراي
شكلها على الرابط الاتى http://masrmotors.com/vb/showthread.php?t=16602
ولو عاوز تعرف كل المميزات والعيوب روع الرابط الاتى http://masrmotors.com/vb/showthread.php?t=59978
نيجى بقى لاكبر منافسة للساجا رينو لو جان دى سيارة عائلية تستحمل شغل معقول اسعار قطع غيارها عالية توكيلها جيد متورها جيد عالية عن الارض تعدى اى مطب بس مش للشغل الجامد يعنى الشكل مقبول السيارة الشنطة كبيرة

محرك 1600سى سى 90حصان عند 5500لفه و 124ن.م عند 3000لفه ptmnlo123per172
فتيس يدوى 5 سرعات وللأسف لا تتوافر السياره بفتيس اوتوماتيك ptmnlo123per144
وزن السياره: 1115كج
اقصى سرعه: 175كم/س
تسارع 0-100كم/س: 13,5ثانيه
خزان الوقود 50 لتر
متوسط الإستهلاك الوقود: مانيوال 7ل/100كم

عاوز تعرف كل حاجة عنها
http://masrmotors.com/vb/showthread.php?t=71916


اما بالنسبة للصينى عموما كماليات رهيبة ورفاهية جامدة وقطع غيار برخص التراب بس للاستخدام الناعم جدا والحفاظ عليها ومتستحملش شغل كتير وسفر وكدة يعنى وعموما الصينى غير امن فى السواقة
نيجى بقى للفيرنا عربية متورها قوى بس عيوبها اكثر من مزاياها لانها تقفيل مصرى غير ثابتة بعد 120 وسائل الامان بها ضعيف قطع غيارها متوفرة ورخيصة ومنتشرة جدا وواطية جدا عن الارض تسلم على مطبات مصر كلها للاستخدام جوة البلد مش للسفر الكتير لانها خفيفة جدا وغير ثابتة
نصائحى لك خليك فى الساجا واللوجان احسن واخدين ثلاثة نجوم فى اختبار التصادم وكويسين اوى
فانا ارشحلك الساجا عربية جامدة جدا
وبعديها اللوجان بردة حلوة بس عيبها ان الماتور ضعيف بالمقارنة بالساجا و8 صبابات بس تستهلك بنزين اكتر والاختيار لك وشكرا
[IMG]file:///C:/DOCUME%7E1/tefa/LOCALS%7E1/Temp/moz-screenshot-2.png[/IMG][IMG]file:///C:/DOCUME%7E1/tefa/LOCALS%7E1/Temp/moz-screenshot-3.png[/IMG]

[mostafatawhed]

السلام عليكم انا زميل جديد لكم فى المنتدى وحبيت انقل لصاحب الموضوع تقرير عن ال byd ،،،
انا كان معاى داوي لانوس 2005 كاملة مانيوال وبتعها سنة 2009 وابن عمى جاب فيرنا موديل 2008 كاملة مانيوال بردو حلوه وجميلة بس مش ثابتة على الطريق زى الانوس بل الفيرنا اخف من الانوس فى الثبات وتكيفها اضعف من الانوس شوية واوطى من الانوس شوية بسيطة فبتحك فى المطبات المهم بعت اللانوس 2009 وجبت بى واى دى كاملة مانيوال وعن تجربة شخصية والله العظيم فى نظرى وفى رأى انا احلى من الفيرنا والانوس من حيث الوسع الثبات الكماليات الشكل وبخصوص قطع الغيار بخصوص الثلاث سيارات قطع غيرهم متوفرة السيارة ماشية بى لحد دلوقتى 106 الف كيلو مفيش حاجة حصلت فيها غير انى غيرت تيل فرامل خلفى جبتة تيوتا وغيرت جوز مساعدين امامى تيوتا بردو فقط لا غير واظن من 2009 لحد شهر 9 / 2012 و بعد 106 الف كيلو كويس اوى انى غيرت تيل وجوز مساعدين فقط مع شوارع مصر والمطبات . ولكم جزيل الشكر . اتوكل على الله تعالى وعن تجربة شخصية هات بى واى دى وبخصوص انها صينى حضرتك افتكر اول ما الكورى نزل مصر ايه اتقال عليه كل الناس خافت وقالت كلام كتتتتتتتييييييييير وزمت كتتتتتتييييير فيه وبعد فترة من الزمن كل مصر راكبة كورى وعموما لو حضرتك شيلت كلمة بى واى دى من على العربية وحط كلمة هيونداى الناس هتشكر فيها جدا مع انها نفس العربية للاسف احنا عندنا عقدة الخواجة وعقدة الصينى لان اللى جاب سيارة شيرى لو جيلى الصينى زمان اول ما طلع الصينى سنة 2004 اللى كانت زيرو 35 الف جنية على ما اتذكر وطلعت وحشة تخيل ان كل الصينى وحش لألألألأ ده زيرو كانت ب 35 الف والبى واى دى زيرو ب 73 الف جنية يعنى اغلى من الفيرنا ومن الانوس متجبش موبايل صينى ب 150 جنية زى موبايل صينى بردو بس ب 500 جنية اكيد فى فرق . اسف جدا على الاطالة فى الكلام . والله الموفق .