إيه رأيكم ,أجيب i10 automatic و أدفع فيها كل اللى حيلتى..مع العلم إن دى أول عربية حاسوقها

[tarek elbadry]

فعلا كلام الاستاز كرسا مظبوط هات حاجة 128 اتعلم عليها كويس وبعدين هات الى يعجبك
لو عاوز حاجة اتومتيك هات يبانى مستعمل اقوى وانعم من i10 كرولا موديل التسعينات
وبلتوفيق

[Devill Blood]

المشاركة الأصلية كتبت بواسطة corsair ايه يا جماعه الكلام اللي بيتقال ده ازاي يعني الافيو وهي تعتلي قمة البواظان احسن من ال i10 وازاي البيكانتو احسن انا مش عارف انتوا بتتكلموا علي اساس ايه ده برنامج التوب جير عمل نص حلقة عن ال i10 وكانوا بيشكروا فيها جامد جدا وهي فعلا عربية محترمة جدا لكن نصيحة ليك يا اخي العزيز هات عربية مستعملة في البداية يعني 128 ولا 127 ب 10000 جنيه خبط فيها زي ما انتا عاوز وهتتعلم عليها وفي نفس الوقت لو حصل فيها اي حاجه بتتلم باقل الاشياء واتعلم عليها قيمة 8 شهور ولا حاجه وكمان تكون قدرت تفهم الطريق شكله عامل ازاي في السواقه وبعد كدا بيعها وهاتلك حاجه زيرو

بص يا أستاذ البيكانتو 1100 سى سى وغالية جدا لجمالها وقوتها وشكلها الواسع والأفيو1500سى سى جميلة أيضا وشكلها رائع وواسعة أزاى عايز تقارنها باI10 مشروع فاشل

[dego_story]

انا لو مكانك ياباشا اجيب حاجة ارخص شويه اطلع فيها كعبله السواقة ومش لازم يعنى تكون قديمة اوى ممكن تجيب جولف2 محترمة جدااااا ومش هتغلس عليك فى مشاكل العربيات ومش غاليه برضو وهتعجبك فى حاجات كتير وبتسافر بس الاهم الحاله برضو وربنا يوفقك انما خليك بعيد شويه عن الجديد ومتخاطرش بحاجة معاك الزمن دا ربنا اللى يعلم بيه يعنى الحاجة اللى تشيلها النهاردة تنفعك بكرة وربنا معاك

[dr.Emma]

أنا أخاف أجيب مستعمل يتضحك عليا علشان لسة مش بافهم قوى فى العربيات
على كلامكم كدة أجيب ماروتى بقى أهى رخيصة و فى نفس الوقت زيرو
عندكم فكرة عن أسعار قطع الغيار

[dr.Emma]

المشاركة الأصلية كتبت بواسطة corsair لكن نصيحة ليك يا اخي العزيز هات عربية مستعملة في البداية يعني 128 ولا 127 ب 10000 جنيه خبط فيها زي ما انتا عاوز وهتتعلم عليها وفي نفس الوقت لو حصل فيها اي حاجه بتتلم باقل الاشياء واتعلم عليها قيمة 8 شهور ولا حاجه وكمان تكون قدرت تفهم الطريق شكله عامل ازاي في السواقه وبعد كدا بيعها وهاتلك حاجه زيرو

النصيحة دى ناس كتير قالوهالى
لكن أنا قررت أجيب عربية واحدة للعمر ,أنا مش من النوع اللى حيقعد يبيع و يلف و كدة ..أحب أريح بالى فى حاجة واحدة و ماألفش كتير
إيه رأيك فى ماروتى ؟؟