شيفرولية لانوس 2013 ياريت يا جماعة تفيدونى بنصائحكم

[sherif74]

السلام عليكم
انا اشتريت العربية يوم 5/12/2012 وطبعا مش بامشى بيها كتير يادوب من الشغل للبيت والعكس وبدليل انى يادوب عامل 470 ك لغاية النهاردة 6/1/2013 اى بعد مضى شهر تقريبا.والسؤال اتمنى حد يقولى اعمل اية اغير زيت بعد 5000 ك زى ماهو مكتوب لانى بالوضوع دا يبقى قدامى سنة كمان علشان اغير زيت.وامتى اروح التوكيل للصيانة واية اللى بيتم بالصيانة يعنى بياخدوا الموضوع جد بالتوكيل ولا مجرد شعارات وفحص صورة انة عمل صيانة وفحص للعربية.للعلم انا مش بافتح العربية ولا بارفع الوش واشوف الماتور والمية وخلافة ياترى لازم اشوف مستوى الزيت والمية الخضراء ولا مش ضرورى فى الوقت دة طالما لسة زيرو.. وفى النهاية اشكركم باعتذر للاطالة واتمنى ردود من حضراتكم تنصحنى اعمل اية خلال الفترة اللى جاية واية الواجب اتباعة من ارشادتكم.

[jojojojojo]

انا اعرف اللي فيه صيانه لل1000 كيلو الاولي وديه مهمه جدا وينصح تغير زيت كل 5000 كيلو ويفضل برضه ان لا يتعدي السنه وانا شايف ان عادي جدا انك تغيره علي سنه وخاصه ان من الواضح ان حضرتك مش بتسافر بيها كتير وكلها مشواير داخل البلد فانا شايف طبيعي جدا والصيانات مهمه في البدايه ف التوكيل عشان لو ظهر اي عيوب والف مبروك العربيه

[hyundai 2005]

بعد اول 1000كم بتغير الزيت والفلتر وتعمل الصيانه الدوريه بالتوكيل

[sherif74]

اشكر حضراتكم على الاهتمام بالرد وملاحظ اتفاق حضراتكم على ان الصيانة بعد 1000كم .شكرا جزيلا لحضراتكم

[احمد دعباس]

استاذى الفاضل
الشيفروليه كله بيطلع زيرو من منصور وبيعمل الصيانه بعد 5000 كيلو مش 1000 كيلو زى باقى السيارت
وفى عدد لشهور 5000 ك او 3 شهور
10000 ك او 8 شهور
15000 ك او 12 شهر
20000 ك او 16 شهر
25000 ك 20 شهر
30000 ك او 24 شهر
الخ ..........
فحضرتك تمشى على الشهور ده الى مكتوب فى الضمان حضرتك تمشى عليه لو حتحافظ على الضمان
مش لازم الضمان ممكن تمشى بقى زى المعتاد وانصحك وقتها انك متستخدمش زيت طويل زى 5000 او 10000 يعنى خليك فى 3000 او 1000 عشان الزيت ميطولش فى العربيه كتير