نعومة العربية !!!

[omarrashad]

انا معايا سيراتو مانيوال واخدت خبطة بسيطة في القنطرة والحمد لله مفيش أي تأثير بس مؤخرا مع دقة الملاحظة ابتديت احس ان في بعض الاوقات العربية مبتبقاش ناعمة وفي أوقات بتبقى زي الفل مش عارف ايه السبب ، هل القنطرة تكون اتحركت حاجة بسيطة فالقواعد بتاعت الموتور اتحركت فبتبقى مش ناعمة ؟ هل لو رديت الخبطة بتاعت القنطرة حترجع سليمة وناعمة زي الأول ؟ برجاء الإفادة لأصحاب الخبرة

[hazem_khidr]

اهلا و سهلا بيك استاذ عمر
كلام حضرتك صح
روح لعفشجي كويس يبص علي العربيه من تحت
ممكن تكون القواعد عاوز يتربط عليها فقط

[omarrashad]

المشاركة الأصلية كتبت بواسطة hazem_khidr اهلا و سهلا بيك استاذ عمر كلام حضرتك صح روح لعفشجي كويس يبص علي العربيه من تحت ممكن تكون القواعد عاوز يتربط عليها فقط

شكرا يا أستاذ حازم على اهتمامك .... الكبير كبير

[mesho70]

حضرتك انا كانت معى اكسنت قديمة 2001 وعانيت مع احتكاك القنطرة كثيرا ً
لدرجة انة عفشجى فكها و ظبطها ورشا دوكو من كتر الخبطات
ولو انت حسيت بفارق فالعربية بعد احتكاكها بيبقى سهل فكها وضبطها وتربيط العفشة كاملة
وان شاء الله العربية تتظبط لانة فالغالب اعتقد - وعن تجربية شخصية - بتبقى المشكلة ليس فالعربية بل فى دماغ حضرتك يعنى احساسك ان العربية حكت من تحت فالقنطرة فعملت مشكلة
لانى انا احيانا ً الكاوتش يحك فالرصيف فأنزل اشوف الكاوتش فى مكانة ولا اتحرك !!
ومن الاشياء التى تؤثر على نعومة العربية والدقدقة بالطارة هى :-
- سوء الطريق
- عدم ضبط الهواء بالاطارات

[omarrashad]

المشاركة الأصلية كتبت بواسطة mesho70 حضرتك انا كانت معى اكسنت قديمة 2001 وعانيت مع احتكاك القنطرة كثيرا ً لدرجة انة عفشجى فكها و ظبطها ورشا دوكو من كتر الخبطات ولو انت حسيت بفارق فالعربية بعد احتكاكها بيبقى سهل فكها وضبطها وتربيط العفشة كاملة وان شاء الله العربية تتظبط لانة فالغالب اعتقد - وعن تجربية شخصية - بتبقى المشكلة ليس فالعربية بل فى دماغ حضرتك يعنى احساسك ان العربية حكت من تحت فالقنطرة فعملت مشكلة لانى انا احيانا ً الكاوتش يحك فالرصيف فأنزل اشوف الكاوتش فى مكانة ولا اتحرك !! ومن الاشياء التى تؤثر على نعومة العربية والدقدقة بالطارة هى :- - سوء الطريق - عدم ضبط الهواء بالاطارات

شكرا يا أخ ميشو على اهتمامك بس الإحساس ده بيجيلي لما بدوس بنزين وانا مظبط الهواء في الإطارات وبيحصل موضوع الخشونة في كل أنواع الطرق ، في ناس قالتلي ان ممكن يكون الرولمان بلى بتاع العجل عايز يتغير فانا حخلي ميكانيكي يبصلي بردو عليها بجانب العفشجي