الى خبراء المنتدى :- سيات ايبيزا 94 ---- سكودا فيليشيا 96 ؟؟ ممكن النصيحة ؟؟

[abdoel-sayed]

سلام عليكم
كنت عايز نصيحة الاخوة الافاضل فى عربية حدود امكانيتها 25 الى 27 الف وكنت محتار بين موديلات كتير بس دلوقتى استقريت على :

1 -سيات ايبيزا 94 -- انا مستريح لها نفسيا بس الناس بيخوفونى وبيقولو ضيقة من جوة وقطع غيارها غالية ومش بتاعة سفر
2- سكودا فيليشيا 96 والناس بتشكر فيها بس مش عارف ليه حاسس انها رسمية زيادة عن اللزوم ومع انها احدث من ايبيزا بس شكلها مش يدل على كده
3- بيجو 504 موديل 78 او 79

معلش اسف عارف انى طولت بس حاسس انى هالاقى هنا النصيحة ولو حد شايف انه فى اختيارات افضل فى نفس الرينج ده هاكون شاكر جدا مساعدته ى

[abdoel-sayed]

???? هو مفيش حد بيدخل هنا ولا مفيش حد حابب يقول رايه ؟؟ لو سمحتو ياجماعة لو حد يقدر يفيدنى بالنصيحة ياريت مايبخلش علينا بيه منتظر ردودكم

[coolhazy]

شوف انا رأيي سكودا لانها سهلة في الصيانة ومنتشرة وقطع غيارها متوفرة وابعد خالص عن الابيزا لان مش اي ميكانيكي يشتغل فيها

[رياح التغيير]

الايبيزا 94 قطع غيارها متوفرة وميكانيكية كتيربيشتغلوا فيها بس بتوعها مش اي ميكانيكي وقطع غيارها اسعارها معقولة علي انها الماني ومعمرة يبقي سعرها فيها بالنسبة لسكودا معرفش والله بس انا معي ايبيزا

[tareksakr]

الابيزا 94 من افضل الاختيارات وافضل من الاسكودا بس بشرط تكون حالتها ممتازة مش محتاجة مصاريف يعني الحالة العامة للعربية جيدة جدا مش محتاجة سمكرة ولا دوكو حالة الكاوتش كويسة الفوانيس الامامية والخلفية كويسة حالة المحرك جيدة ولا تقل عن 70% وده بالكشف علي المحرك في محطة بنزين بها جهاز للكشف علي كبس المحرك والكشف علي حالة المساعدين والعفشة وهديلك فكرة عن أسعار قطع الغيار المساعدين امامي 580 جنيه طقم دبرياج (اسطوانة ودسك وبلية )640 جنيه ماستر فرامل عمومي 200 جنيه تيل امامي 100 جنيه سير كاتينة 60 جنيه طنابير فرامل امامية 150 جنيه كوبلن 180 جنيه علبة دركسيون صيني ومش موجود غيرها في السوق 280 جنيه بطاحات مساعدين 160 جنيه جلب مقصات 80 جنيه
محرك 1300 استيراد 2500 جنيه وكل قطع غيارها موجودة ومتوفرة ومعظم قطع غيارها الميكانيكية مشتركة مع الجولف 2 لانهم بنفس المحرك والات الجر والعفشة