بالهنه والشفا الى الشعب

[إنسانة]

المشاركة الأصلية كتبت بواسطة mmffor تقريبا هي ابتدت تتريق على المحامين اللي رافعين المهزلة (القضية ) دي و بعدين انتقلت انها تهاجم الاخوان و تقول انهم صدروا الشباب الغلبان لوش المدفع و بعدين لم ضرب النار وقف راحوا داخلين و ركبوا الموجه

بالضبط هذا ما اقصده تماما مع العلم الاخوان ليس بمفردهم من ركبوا هذه الموجة

[mialbedewy]

البلد بلد كل المصريين
والثورة ثورة كل المصريين
ياريت بلاش الكلام الكتير ده
وموضوع الاستفتاء كل التوجهات ليها الحرية في كل شئ طالما كل شئ سلمي
كل انسان اعلن راية لاسباب شايفها او حد اقنعه بيها المهم هو كمان بقي مقتنع بيها والاغلبية قالت
رايها
خلاص ايه لازمه التجريح واسائه الأدب
ناس كانت بتروج لنعم زي بالظبط ما ناس كانت بتروج للأ في التلفزيونات وقناة او تي في وغيرها
ودول كلهم حقهم
هي ديموقراطيه ولا دكتوتارية في الرأي
زي ما ناس لحد دلوقتي حاطه صورتها علي الفيسبوك كلمة لأ
ده معناه ان هو معاند ومش عاجبه قرار الشعب
عيب يا جماعه والله
انا فاكر الايام بعد الاستفتاء
بقي كل اللي قال نعم يا اما حزب وطني او امن دولة او اخوان او عميل او خيان لبلده او جاهل وساذج وأمي ومبيعرفش يقرا ويكتب الي آخره من الشتائم ده غير هوجه اللحي اللي كانت ماشيه في البلد
ملتحي يطارد سيده بسيارة جيب
ملتحيين يهاجمون جماعه حقوقية بترسكل
ملتحين يضربون البرادعي مع ان في الفيديو مكنش فيه 3 او 4 ملتحيين في المكان
شئ سخيف بجد
الشعب قال كلمته يا ساده
14 مليون قالو نعم
و 4 مليون قالو لأ
وشكرا للجميع انه شارك وقال رأية في بلده
واتمني بقيت ال 45 مليون اللي ليهم حقوق انتخابية يشاركو
وكله في صالح بلدنا بلاش المصالح الخاصه
معلش هستفاد ايه لما حزب تجمع ولا وفد استناه علي بال ما يقوم عي رجليه ياخد سنه ولا سنه ونص واعطل مصلحتي ومصلحه البلد ويطلع علينا حرمية يسرقو 3 عربيات كاملين في المنطقة منهم 2 علي الزيرو
وقفشانه وهو بيسرق 3 غيرهم وكان معاه مسدس بس طلع صوت وخبط حاج بالعربية المهم الي آخره
ارجو من الجميع احترام الباقيين وفي نفس الوقت احترام قرار الشعب قرره
وبلاش تجريح
لان باين جدا ان كتير من اللي قالو لأ مش جاي علي هواهم وعمالين يجرحو في ناس محترمه
وده ميمنعش ان فيه ناس محترمه قالت لأ واحترمت راي الشعب ومجرحتش
واوضح ان مقصدتش اي مهاجمه او اسائه شخصيه لاي عضو في الموضوع

[MmFFoR]

الاخت انسانة - انا كنت بترجم كلامه للاخ اللي سأل بس مش بأيده
و الحقيقه للاسف ان الاخوان لعبوا دور جوهري في التظاهرات ابتداءا من يوم 28 خصوصا و نزلوا بكل ثقلهم و دعايتهم و مناصريهم و مؤيديهم بالشكل اللي كلنا شوفناه
و برضه انا حقول ان في ليله موقعة الجمل يو 2 فبراير يوم بشع انا فاكره كويس الاشخاص الوحيدين اللي كانوا موجودين في الميدان هما الاخوان المسلمين و البقيه كانوا من الاقاليم - اسوان - سوهاج و طبعا السويس الحبيبة اللي من غيرها لم نكن لنرى نسائم الحرية
على فكره انا بحب السويس و اهل السويس جدا و لازم اروح هناك امشي في الشوارع و اشكر كل شخص في الشارع

[ابو جودة]

عايزين نعمل بجد من اجل البلد اذا كنا فعلا بنحبها بلاش نمسك فى كلام فارغ
ونعد نتكلم بدون عمل كل الناس بات بتوع سياسه وفتاوى دستوريه
يا ريت كل واحد يجتهد ويعمل فى موقعه
اللهم ولى من يصلح

المشاركة الأصلية كتبت بواسطة إنسانة بالضبط هذا ما اقصده تماما مع العلم الاخوان ليس بمفردهم من ركبوا هذه الموجة

اولا انا مش من الاخوان
ثانيا تحليل حضرتك خاطئ
ثالثا لولا الاخوان في معركة الجحش كانت الثورة انتهت وكان مبارك لسة موجود في مصر الجديدة
الاخوان كانو بعبع الشعب ايام مبارك بسببه وبلاش نفضل نخليهم بعبع دلوقتي مع مشيانة
اللي ركب الموجة بصحيح واحد زي البرادعي وابراهيم عيسى وغيرهم كتير خصوصا حاشية عاش الملك مات الملك